1 Kɔrɛntɩ 8:12 - New Testament

¹² Yee ɩyʋsʋʋnɩ mɩ-taabalaa mbá patapɩɩ Ɛsɔ nʋmɔʋ taa yɔ ḿbʋ́ nɛ piliɣtiɣ pa-lɩmaɣza yɔ, Krɩstʋ maɣmaɣ ɩyʋsɩnaa.

1 Kɔrɛntɩ 8:12 ပူးပေါင်းရင်းမြစ်များ

Maatiyee 18:10

Yesu tasɩ ɛ-tɔmkpɛlɩkɩyaa paɣ́ʋ se: «Ɩɖɔkɩ mɩ-tɩ nɛ ɩtaapɛŋ mbá pɛwɛnɩ lidaʋ mɔ-yɔɔ nɛ patakpaɣ-wɛ payaa pʋyʋ yɔ pa-taa nɔɔyʋ tɛtɛ. Toovenim lɛ, mankaɖɩɣ-mɩ se: man-Caa weyi ɛwɛ ɛsɔdaa yɔ, e-tiyiyaa mbá pɔcɔŋnɩ pɔ-yɔɔ yɔ, pɛwɛ ɛ-cɔlɔ tam. [

Maatiyee 18:21

Pʋwayɩ lɛ, Pɩyɛ wolo Yesu cɔlɔ nɛ ɛpɔzɩ-ɩ se: «Kɩpaɣlʋ! Tam ɛzɩma pʋwɛɛ se menkpeɣ man-taabalʋ alɩwaatʋ ndʋ́ ɛwɛɛ ɛyʋsʋʋnɩ-m yɔ? Pɩsɩɩnɩ tam lʋbɛ yaa we?»

Maatiyee 18:6

Yesu tasɩ ɛ-tɔmkpɛlɩkɩyaa heyuu se: «Yee nɔɔyʋ eyeba nɛ mbá pɛwɛnɩ lidaʋ mɔ-yɔɔ nɛ patakpaɣ-wɛ payaa pʋyʋ yɔ pa-taa nɔɔyʋ la kɩwɛɛkɩm yɔ, pɩkɩlɩ wee wee se pɛlɛɛ e-liu tɛɛ pɩyɛ sɔsɔɖɛ nɛ powoni-i pɛpɛɖɩ teŋgu taa nɛ pitisi-i lɩm tɛɛ.

Maatiyee 25:40

Wiyaʋ kaɣ-wɛ cosuu se: ‹Toovenim lɛ, mankaɖɩɣ-mɩ se: alɩwaatʋ ndʋ́ ɩlabɩ-pʋ mɛ-ɛyáa mbá patakpaɣ-wɛ payaa pʋyʋ yɔ pa-taa nɔɔyʋ yɔ, man-tɩ tɩŋa ɩlaba.›

Maatiyee 25:45

Wiyaʋ kaɣ-wɛ cosuu se: ‹Toovenim lɛ, mankaɖɩɣ-mɩ se: yee ɩtalabɩ-pʋ mɛ-ɛyáa mbá patakpaɣ-wɛ payaa pʋyʋ yɔ, pa-taa nɔɔyʋ yɔ, ma ɖɔɖɔ ɩtalabɩ-pʋ.›

Maarkɩ 9:42

Yesu tasɩ yɔɔdʋʋ se: «Yee nɔɔyʋ eyeba nɛ mbá pɛwɛnɩ lidaʋ mɔ-yɔɔ nɛ patakpaɣ-wɛ payaa pʋyʋ yɔ pa-taa nɔɔyʋ la kɩwɛɛkɩm yɔ, pɩkɩlɩ weewee se pɛlɛɛ e-liu tɛɛ pɩyɛ sɔsɔɖɛ nɛ powoni pɛpɛɖɩ teŋgu taa.

Luka 17:2

Pɩkɩlɩ wee wee se pɛlɛɛ e-liu tɛɛ pɩyɛ sɔsɔɖɛ nɛ powoni pɛpɛɖɩ teŋgu taa ɖenɖe ɛzɩ eeyele nɛ mbá patakpaɣ-wɛ payaa pʋyʋ yɔ pa-taa nɔɔyʋ la kɩwɛɛkɩm yɔ.

Room 14:20

Taawɛɛkɩ Ɛsɔ tʋmɩyɛ tɔɔnaɣ ŋgá ŋtɔkɩ yɔ kɔ-yɔɔ. Toovenim lɛ, tɔɔnasɩ tɩŋa mʋnaa se pɔtɔɔ-sɩ. Ɛlɛ́, yee ŋnawa se pɩpɩzɩɣ pɩtɩŋnɩ nakɛyɛ yɔɔ nɛ ña-taabalʋ tɔlɩ yɔ, pɩfɛyɩ ɖeu se ŋtɔɔ-kɛ.

1 Kɔrɛntɩ 12:12

Toovenim lɛ, Krɩstʋ wɛ ɛzɩ tomnaɣ kʋɖʋmaɣ ŋgá kɛwɛnɩ pilinzi sakɩyɛ yɔ. Paa ke-pilinzi ɛɖɔwa yɔ, kɛkɛ kʋɖʋmaɣ.