1 Kɔrɛntɩ 8:10 - New Testament

¹⁰ Mbʋ́ pʋyɔɔ yɔ, weyi ña ŋsɩm ḿbʋ́ yɔ, yee ŋcaɣ agɔlɩma naŋ nakʋyʋ tɛɛ nɛ ŋtɔkɩ kɩlaʋ nandʋ nɛ weyi ɛtapɩɩ Ɛsɔ nʋmɔʋ taa yɔ ɛna-ŋ yɔ, pɩɩlakɩ ɛ́lɛ́ ɖɔɖɔ se ɛtɔɔ-tʋ yaa we?

1 Kɔrɛntɩ 8:10 ပူးပေါင်းရင်းမြစ်များ

Tʋma Labʋ 15:20

Ɛlɛ́, ɖɩma-wɛ takayaɣ nɛ ɖiheyi-wɛ se pataatɔɔ kɩlaʋ nandʋ, mbʋ́ pʋyɔɔ yɔ, tipisiɣ ɛyáa. Pataatɔɔ ɖɔɖɔ calɩm nɛ kpɩna wena pɛtɛcɛ a-liŋ tɛɛ yɔ. Pakpa pa-tɩ nɛ yem yem lakasɩ.

Room 14:14

Ma nɛ Kɩpaɣlʋ Yesu ɖɛ-kpɛndʋʋ taa lɛ, manawa nɛ mantɩlɩ se nabʋyʋ fɛyɩ se pɩfɛyɩ cɩɖɩcɩɖɩ. Ɛlɛ́, yee nɔɔyʋ ɛmaɣzɩɣ se nabʋyʋ fɛyɩ cɩɖɩcɩɖɩ yɔ, pɩtɛ ɛyʋ pɩfɛyɩ cɩɖɩcɩɖɩ.

Room 14:23

Ɛlɛ́, weyi ɛpʋtʋʋ tɔɔnaɣ nakɛyɛ yɔɔ yɔ, yee ɛtɔɔ-kɛ yɔ, ɛ-tɔm sɩkɩ Ɛsɔ ɛsɩndaa. Mbʋ́ pʋyɔɔ yɔ, ɛfɛyɩnɩ lidaʋ se mbʋ́ ɛlakɩ yɔ pʋwɛ ɖeu. Mbʋ́ pɩtɩŋa payɩ ɛyʋ lakɩ nɛ ɛpʋtʋʋ pʋ-yɔɔ yɔ, pɩkɛ kɩwɛɛkɩm.

1 Kɔrɛntɩ 10:32

Mi-wezuu caɣʋ taa lɛ, itaayele nɛ pɩtɩŋnɩ mɩ-yɔɔ nɛ Yuda ñɩma yaa mbá pɛtɛkɛ Yuda ñɩma yɔ yaa Ɛsɔ ñɩma pa-taa nɔɔyʋ tɔlɩ nʋmɔʋ ŋgʋ́ ɛɖɔŋ yɔ kɩ-taa.

1 Kɔrɛntɩ 8:4

Lɛɛlɛɛyɔ, mancaɣ se mɔyɔɔdɩ kɩlaʋ nandʋ tɔɔʋ tɔm. Đɩnawa se agɔlɩma fɛyɩnɩ wazaɣ nakɛyɛ kedeŋa yɔɔ cɩnɛ. Đɩnawa ɖɔɖɔ se Ɛsɔ kʋɖʋm koŋ wɛna.

1 Kɔrɛntɩ 8:7

Ɛlɛ́, ɛyáa tɩŋa tatɩlɩ ḿbʋ́. Mbʋ́ pʋyɔɔ yɔ, agɔlɩma tɔm sʋnɩ mɩ-taa nabɛyɛ siŋŋ nɛ pɔtɔkɩ kɩlaʋ nandʋ nɛ pamaɣzɩɣ se agɔlɩma ana awɛnɩ ɖoŋ pɔ-yɔɔ. Ɛzɩma mbʋ́ patapɩɩ Ɛsɔ nʋmɔʋ taa nɛ pa-lɩmaɣza fɛyɩ a-ɖeɖe yɔ pʋ-yɔɔ lɛ, pamaɣzɩɣ se papɩsɩɣ azaɣ́a tɔɔnaɣ ŋgá kɔ-yɔɔ.

1 Kɔrɛntɩ 8:9

Paa ḿbʋ́ yɔ, ɩkpa mɩ-tɩ se waɖɛ nɖɩ́ pɩha-mɩ se ɩtɔɔ kɩlaʋ nandʋ yɔ, ɖitaayele nɛ mbá patapɩɩ Ɛsɔ nʋmɔʋ taa yɔ, pa-taa nɔɔyʋ tɔlɩ.