1 Kɔrɛntɩ 7:26 - New Testament

²⁶ Ɩɩnaɣ mbʋ́ mamaɣzɩɣ se pʋwɛ ɖeu yɔ: alɩwaatʋ kaɖɛ ñɩndʋ ndʋ́ ɖɩwɛ tɩ-taa lɛɛlɛɛyɔ yɔ tɩ-yɔɔ lɛ, pɩkɩlɩ wee wee se ɛyʋ ɛcaɣ ɛɖanɛ ḿbʋ́.

1 Kɔrɛntɩ 7:26 ပူးပေါင်းရင်းမြစ်များ

Maatiyee 24:19

Pʋkɔŋ tɔɔʋ halaa hosi tɩnaa nɛ asɔŋ alɩwaatʋ ńdʋ́!

Luka 21:23

Pʋkɔŋ tɔɔʋ hosi tɩnaa nɛ asɔŋ alɩwaatʋ ńdʋ́ tɩ-taa. Mbʋ́ pʋyɔɔ yɔ, kʋñɔŋ sɔsɔʋ nakʋyʋ sʋʋ ɛjaɖɛ ɖɩnɛ ɖɩ-taa nɛ ɖɩ-taa ñɩma na Ɛsɔ pana.

1 Kɔrɛntɩ 7:1

Lɛɛlɛɛyɔ, moncosuu-mɩ tɔm ndʋ́ ɩma-m takayaɣ nɛ ɩpɔzɩ-m yɔ. Meheyiɣ-mɩ se: pʋwɛ ɖeu se abalʋ ɛcaɣ ḿbʋ́, ɛtaakpaɣ halʋ.

1 Kɔrɛntɩ 7:27

Yee ŋtɛm halʋ kpaɣʋ yɔ, taaɖɔɔnɩ-ɩ. Yee ŋtakpaɣda yɔ, taacazɩ kpaɣʋ.

1 Kɔrɛntɩ 7:28

Ɛlɛ́, paa ŋɖʋwa se ŋkpakɩɣ halʋ yɔ, ŋtala kɩwɛɛkɩm. Paa pɛlɛ ɛɖʋwa se ɛwalɩɣ yɔ, ɛtala kɩwɛɛkɩm ɖɔɖɔ. Ɛlɛ́, mbá pakpakɩɣ halaa yaa pawalɩɣ yɔ, pɔkɔŋ tɔɔʋ kʋñɔŋ pe-wezuu caɣʋ taa. Kʋñɔŋ ŋ́gʋ́ kɩ-taa me-liu wɛɛ se malɩzɩ-mɩ.

1 Kɔrɛntɩ 7:8

Lɛɛlɛɛyɔ, meheyiɣ mbá patakpaɣ halaa nɛ mbá patawalɩ nɛ lelaa se pʋwɛ ɖeu se pacaɣ ḿbʋ́ ɛzɩ ma yɔ.

2 Tesalooniki 2:2

ɩtaayele mɩ-tɩ nɛ piliɣti mɩ-lɩmaɣza kɩbana kɛlɛʋ yaa sɔɔndʋ kpa-mɩ se Kɩpaɣlʋ kɩyakʋ talaa. Paa nɔɔyʋ eheyi-mɩ se Fezuu Kiɖeɖeu heyini-i-tʋ yaa pɩkɛ Ɛsɔ tɔm yaa ɛcɛlɩ-mɩ takayaɣ se ɖamanɩ-mɩ-kɛ yɔ, ɩtaayele mɩ-tɩ.

1 Pɩyɛ 4:17

Mbʋ́ pʋyɔɔ yɔ, alɩwaatʋ talaa se Ɛsɔ ɛhʋʋnɩ ɛyáa tɔm. Ɛ-ñɩma ɛpazɩɣna. Yee ɖa ɛpazɩɣna lɛ, ɛbɛ pʋkɔŋ tɛmnaʋ mbá paaɖɔŋ ɛ-Laŋhɛzɩyɛ tɔm yɔɔ yɔ?