1 Kɔrɛntɩ 7:19 - New Testament

¹⁹ Pɛpɛlɩ-ŋ yaa pɛtɛpɛlɩ-ŋ yɔ, pɩfɛyɩ wazaɣ nakɛyɛ. Ɛlɛ́, mbʋ́ pʋwɛ wazaɣ yɔ lɛ Ɛsɔ paɣtʋ yɔɔ ɖɔm.

1 Kɔrɛntɩ 7:19 ပူးပေါင်းရင်းမြစ်များ

Maatiyee 5:19

Weyi eyeki paɣtʋ ńdʋ́ tɩ-taa ndʋ́ tɩwɛ kpaagbaa ñɩɩɩ yɔ se tɩfɛyɩ wazaɣ nɛ ɛwɩlɩ lɛlaa se pataaɖɔ tɩ-yɔɔ ɖɔɖɔ yɔ, ɛkɔŋ kɛʋ tɔyaɣ Ɛsɔ Kewiyaɣ taa. Ɛlɛ́, weyi ɛɖɔŋ tɩtɩŋa payɩ tɩ-yɔɔ nɛ ɛwɩlɩɣ-tʋ lɛlaa ɖɔɖɔ yɔ, pʋdʋ kɔŋ kɛʋ sɔsɔ Ɛsɔ Kewiyaɣ taa.

Yohanɛɛsɩ 15:14

Yee ɩlakɩ mbʋ́ manɖʋʋ-mɩ yɔ yɔ, ɩkɛɣ mɛ-ɛgbaɣdɩnaa.

Room 3:30

Mbʋ́ pʋyɔɔ yɔ, Ɛsɔ kʋɖʋm koŋ wɛna. Ɛpɩsɩɣ Yuda ñɩma kʋtʋʋzaa lidaʋ ŋgʋ́ pɛwɛna yɔ kʋ-yɔɔ. Ḿbʋ́ ɖɔɖɔ ɛpɩsɩɣ mbá pɛtɛkɛ Yuda ñɩma yɔ kʋtʋʋzaa lidaʋ kʋɖʋmʋʋ ŋ́gʋ́ kʋ-yɔɔ.

1 Kɔrɛntɩ 8:8

Ŋgʋ́, pɩtɛkɛ tɔɔnaɣ nakɛyɛ tɔɔʋ yekina nɛ ɖɩpɩsɩ ɛyáa kɩbama Ɛsɔ ɛsɩndaa. Paa ɖɩtɔɔ-kɛ yaa ɖɩtɔtɔɔ-kɛ yɔ, pɩɩsɔzʋʋ-ɖʋ pʋyʋ.

Galaatɩ 3:28

Tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, yomaa nɛ mbá pɛtɛkɛ yomaa yɔ, nɛ halaa nɛ abalaa, pɛ-hɛkʋ taa. Mbʋ́ pʋyɔɔ yɔ, mɩtɩŋa payɩ ɩpɩsɩ kʋɖʋm, mɩ nɛ Krɩstʋ Yesu mɩ-kpɛndʋʋ taa.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Galaatɩ 6:15

Paa pɛpɛlɩ nɔɔyʋ yaa pɛtɛpɛlɩ-ɩ yɔ, pɩfɛyɩ wazaɣ nakɛyɛ. Ɛlɛ́, mbʋ́ pʋwɛ wazaɣ yɔ lɛ se: ɖɩkɛ ɛyáa kɩfama.

Koloosi 3:11

Yee ḿbʋ́, tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, mbá pɛpɛlɩ-wɛ yɔ nɛ kɩtɛpɛlɩŋ, mbá pɛ-ɛsɛ kulaa yɔ nɛ mbá pa-ñɩna tokuli yɔ, nɛ yomaa nɛ mbá pɛwɛ pa-tɩ yɔɔ yɔ pɛ-hɛkʋ taa. Ɛlɛ́, Krɩstʋ wɛ patɩŋa payɩ pɔ-cɔlɔ nɛ ɛkɛnɩ-wɛ pɩtɩŋa.

Wɩlʋʋ 22:14

Mbá pɔcɔtʋʋ po-tokonaa se pɩha-wɛ waɖɛ nɛ pɔtɔɔ tɩʋ ŋgʋ́ kɩhaɣ wezuu yɔ ki-pee nɛ patɩŋnɩ nɔnɔsɩ nɛ pasʋʋ tɛtʋ taa yɔ, pehiɣ pa-tɩ!