1 Kɔrɛntɩ 7:17 - New Testament

¹⁷ Piyele tɔm lɛɛtʋ tɩŋa payɩ taa lɛ, pʋwɛɛ se paa weyi ɛcaɣ wezuu ɛzɩ Kɩpaɣlʋ haʋ-ɩ yɔ nɛ ɛwɛɛ ɛzɩ ɛɛwɛʋ nɛ pʋcɔ Ɛsɔ yaa-ɩ yɔ. Paɣtʋ tʋnɛ manɖʋʋ Yesu aŋgba tɩŋa taa ñɩma.

1 Kɔrɛntɩ 7:17 ပူးပေါင်းရင်းမြစ်များ

Maatiyee 19:12

Nabɛyɛ wɛɛ, paapɩzɩɣ se palʋlɩ piya: pa-taa lɛ, palʋlɩ nabɛyɛ ḿbʋ́. Lɛlaa lɛ, ɛyáa yebina nɛ papɩsɩ kaalʋlɩsɩ, pɩsɛɣ lɛlaa lɛ, Ɛsɔ Kewiyaɣ yɔɔ patakpaɣ halaa. Weyi etisiɣ tɔm ńdʋ́ lɛ, etisi.»

1 Kɔrɛntɩ 10:32

Mi-wezuu caɣʋ taa lɛ, itaayele nɛ pɩtɩŋnɩ mɩ-yɔɔ nɛ Yuda ñɩma yaa mbá pɛtɛkɛ Yuda ñɩma yɔ yaa Ɛsɔ ñɩma pa-taa nɔɔyʋ tɔlɩ nʋmɔʋ ŋgʋ́ ɛɖɔŋ yɔ kɩ-taa.

1 Kɔrɛntɩ 11:16

Yee nɔɔyʋ liu ɛwɛɛ se ɛkpɛzɩɣnɩ tɔm tʋnɛ yɔ, ɖa ɖaalakɩ ḿbʋ́. Paalakɩ ḿbʋ́ ɖɔɖɔ Ɛsɔ aŋgba taa.

1 Kɔrɛntɩ 11:34

Yee ñɔɔsɩ ɛwɩɣ nɔɔyʋ yɔ, pʋwɛɛ se ɛtɔɔ ɛ-tɛ nɛ ɛtaakɔɔ eyele nɛ Ɛsɔ kʋ mɩ-tɔm alɩwaatʋ ndʋ́ ikpeɣliɣ ɖama yɔ. Tɔm ndʋ́ tɩkazaa yɔ, mɔñɔɔzʋʋ-tʋ alɩwaatʋ ndʋ́ mantalɩɣ mɩ-tɛ yɔ.

1 Kɔrɛntɩ 14:33

Mbʋ́ pʋyɔɔ yɔ, Ɛsɔ tayaa-ɖʋ se ɖɩla yem yem, ɛlɛ́, ɛya-ɖʋ se ɖɩwɛɛ laŋhɛzɩyɛ taa. Ɛzɩ pʋwɛʋ Ɛsɔ ñɩma aŋgba tɩŋa taa payɩ yɔ,

1 Kɔrɛntɩ 16:1

Haɖɛ nɖɩ́ pahaɣ se pasɩnɩ Ɛsɔ ñɩma yɔ ɖɩ-tɔm taa lɛ, mɩ ɖɔɖɔ ɩla ɛzɩ meheyuu Yesu aŋgba taa ñɩma mbá pɛwɛ Galaasii yɔ.

1 Kɔrɛntɩ 4:17

Ḿbʋ́ yebina nɛ mentiyini-mɩ man-pɩɣa kʋsɔɔlaɣ Timootee weyi ɛkɛ ɛyʋ toovenim tʋ Kɩpaɣlʋ ɛsɩndaa yɔ. Ɛnʋ tɔzʋʋnɩ-mɩ ɛzɩma mbʋ́ mɔnɖɔŋ Krɩstʋ nʋmɔʋ taa me-wezuu caɣʋ taa yɔ, nɛ ɛzɩma mbʋ́ mawɩlɩɣ paa le Yesu aŋgba tɩŋa payɩ taa yɔ.

1 Kɔrɛntɩ 7:18

Ɛzɩ yee paapɛlɩ nɔɔyʋ nɛ pʋcɔ Ɛsɔ yaa-ɩ yɔ, pʋwɛɛ se ɛwɛɛ ḿbʋ́. Yee pataapɛlɩ nɔɔyʋ nɛ pʋcɔ Ɛsɔ yaa-ɩ yɔ, pɩfɛyɩ se ɛtɔ se pɛpɛlɩ-ɩ.

1 Kɔrɛntɩ 7:24

Taabalaa, pʋwɛɛ se paa weyi ɛwɛɛ Ɛsɔ ɛsɩndaa ɛzɩ ɛɛwɛʋ nɛ pʋcɔ ɛ́yáa-ɩ yɔ.

1 Kɔrɛntɩ 7:7

Ma me-liu kɛwɛɛ se ɛyáa tɩŋa payɩ ɛcaɣ ḿbʋ́ ɛzɩ ma yɔ. Ɛlɛ́, Ɛsɔ labɩ ɛyáa kʋjɔŋ ndɩ ndɩ. Paa weyi ɛ nɛ ɛ-ñɩŋgʋ.

2 Kɔrɛntɩ 11:28

Maacazɩɣ yɔɔdʋʋ kʋñɔmɩŋ lɛɛŋ tɔm. Tɛʋ feŋuu yɔ, Yesu aŋgba tɩŋa payɩ lɩmaɣza kʋʋnɩ-m.

2 Kɔrɛntɩ 8:18

Đitiyiɣ ɛ nɛ taabalʋ weyi esusi Laŋhɛzɩyɛ Tɔm siŋŋ nɛ pasaŋ-ɩ Yesu aŋgba tɩŋa payɩ taa yɔ.

Galaatɩ 1:22

Alɩwaatʋ ńdʋ́ tɩ-taa lɛ, Krɩstʋ aŋgba wena awɛ Yudee egeetiye taa yɔ, a-taa ñɩma tasɩmdɩ-m.

1 Tesalooniki 2:14

Taabalaa! Toovenim lɛ, ɩtɩŋ Yudee Ɛsɔ aŋgba taa ñɩma nʋmɔʋ. Aŋgba ana, a nɛ Krɩstʋ Yesu pɛ-kpɛndʋʋ yɔɔ akɛ ḿbʋ́. Mɩ-maɣmaɣ mɩ-tɛ ñɩma ɖʋ-mɩ kʋñɔŋ ɖɔɖɔ ɛzɩ Yuda ñɩma kaaɖʋʋ a-taa ñɩma yɔ.

2 Tesalooniki 1:4

Pʋ-yɔɔ ɖa-maɣmaɣ ɖɩkʋndʋʋnɩ-mɩ Ɛsɔ aŋgba taa ñɩma hɛkʋ taa ɛzɩma mbʋ́ ɩpɩzaa ɩɖɔkɩ mɩ-tɩ nɛ ɩwɛnɩ lidaʋ alɩwaatʋ ndʋ́ pɛwɛ mɩ-wayɩ kaŋ kaŋ nɛ panazɩɣ-mɩ yɔ pʋ-yɔɔ.