1 Kɔrɛntɩ 6:9 - New Testament

⁹ Ɩtatɩlɩ se kɩdɛkɛdɩm laɖaa ɛɛkaɣ sʋʋ Ɛsɔ Kewiyaɣ taa yaa we? Ɩtaacɛtɩ mɩ-tɩ: acɛyɛ laɖaa yaa sɩɩnaa layaa yaa acɛyɛ laɖaa yaa abalaa mbá pacaɣ ɖama yɔ

1 Kɔrɛntɩ 6:9 ပူးပေါင်းရင်းမြစ်များ

Maatiyee 19:29

Mbá peyebi pa-ɖɩsɩ yaa pa-ɖalaa yaa pɔ-kɔɔnaa yaa pa-caanaa yaa po-ɖoonaa yaa pe-piya yaa pa-hayɩm mɔ-yɔɔ yɔ, pɔkɔŋ wɛnaʋ mbʋ́ mbʋ́ paawɛna yɔ tam mɩnʋʋ nɛ pɛtɛ pehiɣ wezuu maatɛŋ.

Maatiyee 25:34

Peeɖe eheyiɣ ɛ-nɩwaŋ yɔɔ ñɩma se: ‹Mbá mɩ man-Caa Ɛsɔ wazɩ mɩ-yɔɔ yɔ, ɩkɔɔ ɩtɔɔ Kewiyaɣ ŋgá ɛñɔɔzɩ-mɩ ɖooo alɩwaatʋ ndʋ́ ɛlabɩ kedeŋa yɔ.

Luka 21:8

Yesu cosi-wɛ se: «Ɩɖɔkɩ mɩ-tɩ camɩyɛ, ɩtaayele nɛ nɔɔyʋ yili-mɩ. Mbʋ́ pʋyɔɔ yɔ, ɛyáa sakɩyɛ kɔŋ Kʋɖʋm kʋɖʋm nɛ peyili-mɩ nɛ peheyi-mɩ se: ‹Ma lɛ Weyi Ɛsɔ Lɩzaa nɛ etiyini-mɩ› yɔ. Pakaɣ-mɩ heyuu ɖɔɖɔ se: ‹Alɩwaatʋ talaa.› Ɛlɛ́, ɩtaamʋ pɔ-tɔm nɛ ɩtɩŋ-wɛ.

Tʋma Labʋ 20:32

Lɛɛlɛɛyɔ, manɖʋzʋʋ mɩtɩŋa payɩ Ɛsɔ nɛ e-lootiye tɔm pe-nesi taa. Ɛlabɩ-mɩ lootiye. Ɛnʋ pɩzɩɣnɩ eyele nɛ ɩkpa ɖoŋ nɛ ɛha-mɩ ñɩm mbʋ́ ɛsɩwa se ɛhaɣ mbá patɩŋa payɩ eyeba nɛ papɩsɩ ɛ-ñɩma yɔ.

Tʋma Labʋ 24:25

Ɛkɛdaɣ-wɛ ɛzɩma mbʋ́ pʋwɛɛ se ɛyʋ ɛcaɣ wezuu kʋtʋʋzʋʋ Ɛsɔ ɛsɩndaa yɔ nɛ tɩ ɖɔkʋʋ nɛ ɛzɩma mbʋ́ Ɛsɔ kɔŋ ɛyáa tɔm hʋnaʋ yɔ pɩtɩŋa pʋ-tɔm. Peeɖe sɔɔndʋ kpa wiyaʋ sɔsɔ Feliksɩ ɛnʋ nɛ eheyi-i se: «Lɛɛlɛɛyɔ, ŋpɩzɩɣ ŋɖɛɛ nɛ kɩyakʋ ŋgʋ́ mehiɣ alɩwaatʋ lɛ, maaɖaɣnɩ-ŋ yaʋ.»

Room 1:18

Đɩna kaŋŋ se Ɛsɔ pana kpa ɖooo ɛsɔdaa. Akpanɩ mbá patɩŋa payɩ pa-paa fɛyɩnɩ-ɩ nɛ palakɩ mbʋ́ pɩtatʋʋzɩ yɔ. Ḿbʋ́ ɖɩkɩnɩ ɛyáa nʋmɔʋ se pataatɩlɩ e-toovenim.

1 Kɔrɛntɩ 15:33

Ɩtaayele nɛ nɔɔyʋ cɛtɩ-mɩ: «Ɛgbaɣdɩyɛ kɩdɛkɛdɩyɛ lesiɣ lakasɩ kɩbanzɩ.»

1 Kɔrɛntɩ 15:50

Taabalaa, ndʋ́ meheyiɣ-mɩ yɔ lɛ se: ɖo-tomnasɩ nzɩ́ sɩwɛ ɛzʋnɔ yɔ, sɩɩpɩzɩɣ sɩsʋʋ Ɛsɔ Kewiyaɣ taa. Mbʋ́ pʋyɔɔ yɔ, mbʋ́ pɩɖazɩɣ yɔ, pɩɩpɩzɩɣ pɩpɩsɩ mbʋ́ pɩɩɖazɩɣ wiɖiyi kaʋ yɔ.

1 Kɔrɛntɩ 3:16

Ɩtatɩlɩ se ɩwɛ ɛzɩ Ɛsɔ ɖɩɣa ŋgá e-Fezuu Kiɖeɖeu wɛ ka-taa yɔ yaa we?

1 Kɔrɛntɩ 5:1

Pɔyɔɔdʋʋ paa le se mɩ-taa nabɛyɛ lakɩ acɛyɛ. Halɩ paanaɣ wɛtʋ ńdʋ́ mbá paañaŋ Krɩstʋ yɔ pɛ-hɛkʋ taa. Pɔyɔɔdʋʋ se mɩ-taa lɛlʋ wɛɛ ɛsʋʋnɩ ɛ-caa halʋ.

1 Kɔrɛntɩ 5:10

Mɔyɔɔdʋʋ ḿbʋ́ yɔ, pɩtatɩɩkɛʋ mbá pɛfɛyɩ mɩ-ŋgbɛyɛ taa yɔ, pɔ-tɔm mɔyɔɔdʋʋ. Mbʋ́ pʋyɔɔ yɔ, yee nɔɔyʋ ɛɛcaɣ se ɛ nɛ acɛyɛ laɖaa yaa kujoŋjoŋ tɩnaa yaa mɩ́láa yaa sɩɩnaa layaa mbá pɛwɛ kedeŋa yɔɔ cɩnɛ yɔ pɛwɛɛ yɔ, pʋwɛɛ se ɛkʋyɩ kedeŋa yɔɔ cɩnɛ kpem.

1 Kɔrɛntɩ 5:11

Mbá pɛwɛ mɩ-ŋgbɛyɛ taa yɔ, ḿbá mɔyɔɔdʋʋ. Yee nɔɔyʋ ɛtɔm se ɛkɛ Krɩstʋ ŋgbɛyɛ taa tʋ nɛ ɛlakɩ acɛyɛ yaa kujoŋjoŋ yaa ɛlaɣ sɩɩnaa yaa ɛtʋʋ ɛyáa yaa ɛkpaŋɩɣ sʋlʋm yaa ɛmɩlɩɣ yɔ, mɩ nɛ pɩtɛ ɛyʋ ɩtaaɖɔ, paa tɔɔnaɣ yɔ, ɩtaakpɛndɩ.

1 Kɔrɛntɩ 6:10

yaa mɩ́láa yaa kujoŋjoŋ tɩnaa yaa sʋlʋm kpaŋɩyaa yaa mbá patʋʋ ɛyáa yɔ yaa mɔntɔkɩnɩ mon-ɖoŋwaa paakaɣ sʋʋ Ɛsɔ Kewiyaɣ taa.

1 Kɔrɛntɩ 6:18

Pʋ-yɔɔ lɛ, ɩtaatɩɩlabʋ acɛyɛ kpem. Kɩwɛɛkɩm lɛɛbʋ mbʋ́ ɛyáa lakɩ yɔ, piitukuuni po-tomnasɩ. Ɛlɛ́, weyi ɛlakɩ acɛyɛ yɔ, ɛwɛɛkɩɣ ɛ-maɣmaɣ e-tomnaɣ.

1 Kɔrɛntɩ 6:19

Ɩtatɩlɩ se mi-tomnaɣ lɛ Fezuu ŋgʋ́ Ɛsɔ ha-mɩ nɛ kɩwɛɛ mɩ-taa yɔ kɩ-ɖɩɣa naa we? Pɩtɛkɛ mɩtɩnɩ mɩ-tɩ.

1 Kɔrɛntɩ 9:24

Ɩtatɩlɩ se mbá powoki seu yɔ, peseɣ patɩŋa payɩ, ɛlɛ́, weyi ɛwakɩ yɔ e-ɖeke koŋ palakɩ kʋjɔʋ naa we? Pʋ-yɔɔ lɛ, ɩñaɣ pana nɛ ise lidaʋ nʋmɔʋ taa nɛ ɩwa nɛ palabɩ-mɩ kʋjɔʋ ŋ́gʋ́.

2 Kɔrɛntɩ 12:21

Mantasʋʋ pɩsʋʋ mɩ-tɛ yɔ, sɔɔndʋ kpaɣ-m se mɛ-Ɛsɔ ɖʋʋ-m fɛyɛ mɩ-tɔm taa. Tɩkpaɣ-m ɖɔɖɔ se mɔnkɔŋ tɩmʋʋ mbá paalabɩ kɩwɛɛkɩm ɖooo lɔŋ nɛ pataha acɛyɛ nɛ ɛzaɣ́tʋ siɣ́ye yɔ, pa-taa ɛyáa sakɩyɛ yɔɔ.

Galaatɩ 6:7

Ɩtaacɛtɩ mɩ-tɩ yem: paawoŋuu Ɛsɔ. Mbʋ́ ɛyʋ ɖúu yɔ, ḿbʋ́ ɛkʋŋ:

Koloosi 3:5

Pʋ-yɔɔ lɛ, ipi kedeŋa lakasɩ kɩdɛkɛdɩsɩ nzɩ́ ɩlakɩ yɔ. Ńzɩ́ yɔ: acɛyɛ nɛ azuluma lakasɩ nɛ sɔɔlɩm kɩdɛkɛdɩm nɛ lɩmaɣza kɩdɛkɛdɛɛ nɛ ñɩm laɣzaɣ. Pʋbʋ ñɛwɛ ɛzɩ agɔlɩma kpɛyʋʋ yɔ.

Ebree 12:14

Ɩñaɣ pana nɛ mɩ nɛ paa weyi mɩ-laŋa hɛnɩ ɖama nɛ ɩcaɣ wezuu ɛzɩ Ɛsɔ liu wɛʋ yɔ. Pɩtɛkɛ ḿbʋ́, ɛyʋ ɛɛpɩzɩɣ ɛna Kɩpaɣlʋ.

Ebree 12:16

Mɩ-taa nɔɔyʋ ɛtaala acɛyɛ yaa ɛtaakpaɣ Ɛsɔ ñɩm se pɩtɛkɛ pʋyʋ ɛzɩ Ezaayuu yɔ. Tam kʋɖʋm tɔɔnaɣ maɣmaɣ yɔɔ ɛɛpɛdɩ ɛ-sɔsɔtʋ.

Ebree 13:4

Pʋwɛɛ se ɛyáa tɩŋa payɩ ɛɖʋ halɩkpaɣyɛ hɩɖɛ. Abalʋ ɛsʋnɩ ɛ-halʋ ɖeke nɛ halʋ ɖɔɖɔ ḿbʋ́. Mbʋ́ pʋyɔɔ yɔ, Ɛsɔ kɔŋ hʋnaʋ hayitu nɛ acɛyɛ pa-laɖaa.

Yakubu 1:16

Man-taabalaa kʋsɔɔlaa! Ɩtaacɛtɩ mɩ-tɩ.

1 Yohanɛɛsɩ 3:7

Men-piya! Itaayele nɛ nɔɔyʋ cɛtɩ-mɩ kaʋ! Weyi ɛlakɩ mbʋ́ pʋtʋʋzaa yɔ, ɛkɛ kʋtʋʋzʋ ɛzɩ Yesu Krɩstʋ yɔ.

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»

Wɩlʋʋ 22:15

Piyele kʋsɔɔtʋ laɖaa nɛ fadɩŋ laɖaa nɛ acɛyɛ laɖaa nɛ ɛyáa kʋyaa nɛ agɔlɩma layaa nɛ mbá pɔsɔɔlɩ cɛtʋʋ nɛ pɛcɛtɩɣ ɛyáa yɔ, paba ñɛwɛɣnɩ tɩ-wayɩ!