1 Kɔrɛntɩ 6:6 - New Testament

⁶ Đenɖe ɛzɩ pɩɩla ḿbʋ́ lɛ, powokini pɔ-tɔm mbá pɛfɛyɩnɩ lidaʋ Krɩstʋ yɔɔ yɔ pɔ-cɔlɔ se pahʋʋ-wɛ-tʋ.

1 Kɔrɛntɩ 6:6 ပူးပေါင်းရင်းမြစ်များ

Tʋma Labʋ 7:26

Kifema lɛ, Mooyiizi tasɩ katʋʋ Izrɛɛlɩ ñɩma naalɛ nabɛyɛ, poyowaɣ. Peeɖe ewobi se eloluu-wɛ, ɛlɛ́ ɛpɔzɩ-wɛ se: ‹Man-taabalaa! Ɩkɛ ɛyáa kʋɖʋmaa lɛ, ɛbɛ laba nɛ ɩmakɩ ɖama ḿbʋ́?›

1 Kɔrɛntɩ 6:1

Yee tɔm ɛwɛ mɩ-taa nɔɔyʋ nɛ ɛ-taabalʋ pɛ-hɛkʋ taa lɛ, pɩlabɩ ɛzɩma nɛ pʋdʋ woki mbá Ɛsɔ tapɩsɩ-wɛ kʋtʋʋzaa yɔ pɔ-cɔlɔ se pahʋʋ-wɛ-tʋ nɛ eewoki Ɛsɔ ñɩma cɔlɔ?

1 Kɔrɛntɩ 6:7

Yee tɔm natʋyʋ ɛtɩɩwɛ mɩ-hɛkʋ taa se pahʋʋ-tʋ yɔ, pɩwɩlɩɣ se ɩtɛm tɔlʋʋ kpem. Pɩlabɩ ɛzɩma ɩɩpɩzɩɣ se ɩɖɔkɩ mɩ-tɩ alɩwaatʋ ndʋ́ nɔɔyʋ lakɩ-mɩ kɩdɛkɛdɩm yaa ɛmɩlɩ mɩ-pʋyʋ yɔ?

2 Kɔrɛntɩ 6:14

Mɩ nɛ mbá paañaŋ Krɩstʋ yɔ, ɩtaakpɛndɩ. Mbʋ́ pʋyɔɔ yɔ, ɛzɩma mbʋ́ pʋtʋʋzaa yɔ nɛ mbʋ́ pɩtatʋʋzɩ yɔ pɩpɩzɩɣ pɩkpɛndɩ? Ɛzɩma ñalɩmɩyɛ nɛ cɩkpɛndʋʋ papɩzɩɣ pɛkpɛndɩ?

2 Kɔrɛntɩ 6:15

Ɛzɩma Krɩstʋ nɛ Eleeu papɩzɩɣ panɩɩnɩ ɖama? Yaa ɛbɛ Krɩstʋ tʋ nɛ weyi ɛtɛkɛ Krɩstʋ tʋ yɔ papɩzɩɣ pakaa?

1 Timootee 5:8

Yee nɔɔyʋ ɛɛcɔŋnɩ ɛ-ñɩma yɔɔ, kɔzɩkɔzɩ ɛ-maɣmaɣ ɛ-hɔʋ taa ñɩma yɔɔ yɔ, pɩwɩlɩɣ se ɛlɔ lidaʋ ŋgʋ́ ɛwɛnɩ Krɩstʋ yɔɔ yɔ. Weyi ɛfɛyɩnɩ lidaʋ Krɩstʋ yɔɔ yɔ, ɛ́lɛ́ ñakɩlɩ-ɩ wee wee.