1 Kɔrɛntɩ 6:3 - New Testament

³ Ɩtatɩlɩ se ɖɩkɔŋ Ɛsɔ tiyiyaa tɔm hʋnaʋ naa we? Yee ḿbʋ́ lɛ, ɛzɩma ɖɩɩpɩzɩɣ ɖɩhʋʋ kedeŋa yɔɔ cɩnɛ tɔm yɔ?

1 Kɔrɛntɩ 6:3 ပူးပေါင်းရင်းမြစ်များ

Maatiyee 25:41

«Ɛkaɣ heyuu ɖɔɖɔ ɛ-nɩmɩyɛ yɔɔ ñɩma se: ‹Ɩkʋyɩ mɔn-cɔlɔ cɩnɛ nɛ ɩɖɛɛ poliŋ, Ɛsɔ wɩlɩ-mɩ kpalʋʋ! Iwolo miŋ weyi eeɖeŋ kaʋ yɔ ɛ-taa. Peeɖe Ɛsɔ ñɔɔzaa nɛ ɛɖaŋnɩ Satanɩ nɛ e-tiyiyaa!

Luka 21:34

Pʋwayɩ lɛ, Yesu tasɩ-wɛ heyuu se: «Ɩkpa mɩ-tɩ camɩyɛ, ɩɩtaanɩɩnɩ yem yem labʋ nɛ sʋlʋm kpaŋʋʋ nɛ kedeŋa lɩmaɣza wena akʋʋ ɛyáa yɔ. Pɩtɛkɛ ḿbʋ́, tɔm hʋʋ kɩyakʋ kɔŋ kutudi-mɩ

Luka 8:14

Lɛlaa wɛ ɛzɩ kpaŋsɔɔ taa ɖenɖe pee tɔlaa yɔ. Pɛtɛŋ Ɛsɔtɔm nɩʋ lɛ, lɩmaɣza wena akʋʋ ɛyáa yɔ nɛ ñɩm nɛ kedeŋa yɔɔ wondu sɔɔlʋʋ paɖɩɣ-wɛ nʋmɔʋ nɛ paawɛɣnɩ kɛzɛɣa.

Room 6:16

Ɩtatɩlɩ se yee ɩkpaɣ mɩ-tɩ nɛ ɩcɛlɩ nɔɔyʋ nɛ ɩkɛ e-yomaa nɛ ɩñaŋ-ɩ yɔ, pʋbʋ, ɩkɛ e-yomaa kpem yaa we? Ḿbʋ́ ɖɔɖɔ ɩpɩzɩɣ ɩkɛ kɩwɛɛkɩm yomaa yaa Ɛsɔ yomaa. Ɛlɛ́, yee ɛyʋ ɛkɛ kɩwɛɛkɩm yom yɔ, puwokini-i sɩm taa. Yee ɛkɛ Ɛsɔ yom yɔ, piyeki nɛ ɛla mbʋ́ pʋtʋʋzaa yɔ.

1 Kɔrɛntɩ 6:15

Ɩtatɩlɩ se mi-tomnasɩ kɛ Krɩstʋ tomnaɣ pilinzi naa we? Pʋwɛ ɖeu se pakpaɣ Krɩstʋ tomnaɣ piliŋa nɛ pɛcɛlɩ halʋ weyi ɛlakɩ acɛyɛ yɔ yaa we? Aayɩ! Pɩfɛyɩ ɖeu ḿbʋ́ kpem.

1 Kɔrɛntɩ 6:16

Ɩtatɩlɩ ɖɔɖɔ se weyi ɛca halʋ weyi ɛlakɩ acɛyɛ yɔ, ɛ nɛ ɩ po-tomnasɩ pɩsɩ kʋɖʋmaɣ naa we? Mbʋ́ pʋyɔɔ yɔ, pama Ɛsɔtɔm Takayaɣ taa se: «Pa-naalɛ papɩsɩɣ tomnaɣ kʋɖʋmaɣ.»

1 Kɔrɛntɩ 6:19

Ɩtatɩlɩ se mi-tomnaɣ lɛ Fezuu ŋgʋ́ Ɛsɔ ha-mɩ nɛ kɩwɛɛ mɩ-taa yɔ kɩ-ɖɩɣa naa we? Pɩtɛkɛ mɩtɩnɩ mɩ-tɩ.

1 Kɔrɛntɩ 6:4

Pɩlabɩ ɛzɩma nɛ yee tɔm natʋyʋ ɛwɛ mɩ-taa nɔɔyʋ nɛ ɛ-taabalʋ pɛ-hɛkʋ taa lɛ, ɛyáa mbá Yesu ŋgbɛyɛ taa ñɩma takpaɣ-wɛ payaa pʋyʋ yɔ, pɔ-cɔlɔ powoki se pahʋʋ-wɛ-tʋ?

2 Timootee 2:4

Yee sɔɔja nɔɔyʋ ɛwɛ you taa nɛ ɛcaɣ se ɛ-tɔm ɛkɛdɩnɩ ɛ-ñʋʋdʋ yɔ, ɛɛnɩɣnɩ mbʋ́ mbá pɛtɛkɛ sɔɔjanaa yɔ palakɩ yɔ.

2 Timootee 4:10

Mbʋ́ pʋyɔɔ yɔ, Demaasɩ kɩlɩ sɔɔlʋʋ mbʋ́ pʋwɛ kedeŋa yɔɔ cɩnɛ yɔ nɛ ese mɔn-cɔlɔ nɛ ɛɖɛɛ Tesalooniki. Krɛɛsaɣ ñowobi Galaasii nɛ piyele Tiiti ñowolo Dalmaasii.

2 Pɩyɛ 2:4

Mbʋ́ pʋyɔɔ yɔ, Ɛsɔ tohuuzi ɛ-maɣmaɣ e-tiyiyaa mbá paalabɩ kɩwɛɛkɩm yɔ pɔ-yɔɔ. Ɛlɛ́, ɛɖʋ-wɛ kʋñɔŋ maatɛŋ taa se pɛwɛɛ cɩkpɛndʋʋ taa peeɖe nɛ pʋkɔɔ pɩsɩɩnɩ tɔm hʋʋ kɩyakʋ wiye.

Yuudi 1:6

Ɩtɔzɩ ɖɔɖɔ se Ɛsɔ tiyiyaa mbá pa-taa fɛyɩ leleŋ nɛ lone nɖɩ́ ɖɩ-taa Ɛsɔ sɩ-wɛ yɔ, pɛlɛɣzɩ ɖɩjaɣyɛ pa-maɣmaɣ nɛ ɛkpa-wɛ ɛhɔkɩ-wɛ yoŋgbasɩ nɛ ɛɖʋ-wɛ ɖooo cɩkpɛndʋʋ taa. Ɛɖʋ-wɛ se pɛwɛɛ sɩ-taa peeɖe ḿbʋ́ nɛ pʋkɔɔ pɩsɩɩnɩ kɩyakʋ sɔsɔʋ ŋgʋ́ ɛkɔŋ ɛhʋʋnɩ-wɛ yɔ.