1 Kɔrɛntɩ 5:7 - New Testament

⁷ Pʋwɛɛ se ɩlɩzɩ kɩwɛɛkɩm mbʋ́ pʋwɛ mɩ-hɛkʋ taa yɔ, mbʋ́ pʋyɔɔ yɔ, pʋwɛ ɛzɩ sɔsɔɔna yɔ. Peeɖe ɩwɛɣ cɩɖɩcɩɖɩ ɛzɩ somtu ndʋ́ tɩ-taa fɛyɩ sɔsɔɔna yɔ. Toovenim lɛ, ɩtɛm wɛʋ ḿbʋ́. Mbʋ́ pʋyɔɔ yɔ, pala Krɩstʋ ɖɔ-yɔɔ ɛzɩ ɖe-heɣa ŋgá ɖʋkʋʋ se ɖɩtɔɔnɩ Paska Kazandʋ yɔ.

1 Kɔrɛntɩ 5:7 ပူးပေါင်းရင်းမြစ်များ

Maatiyee 13:33

Yesu tasɩ-wɛ tuuu eduuye se: «Ɛsɔ Kewiyaɣ wɛ ɛzɩ sɔsɔɔna wena halʋ cozuu nɛ ɛɖʋ sona mʋlʋm kiiloonaa nɩɩlɛ nɛ kagbaanzɩ taa nɛ ehuudi nɛ pʋkɔɔ puhuu yɔ.»

Maarkɩ 14:12

Kazandʋ ndʋ́ tɩ-yɔɔ pɔtɔkɩ tindine nɖɩ́ ɖɩ-taa fɛyɩ sɔsɔɔna yɔ, tɩ-kajalaɣ kɩyakʋ wiye Yuda ñɩma laɣ heɣsi nzɩ́ pɔtɔkɩnɩ Paska Kazandʋ yɔ. Kɩyakʋ ŋ́gʋ́ kɩtalaa lɛ, Yesu tɔmkpɛlɩkɩyaa pɔzɩ-ɩ se: «Ɖɩlakɩ-ŋ Paska Kazandʋ tɔɔnaɣ. Le ŋcaɣ ŋtɔɔ-kɛ?»

Yohanɛɛsɩ 1:29

Tɛʋ fema lɛ, Yohanɛɛsɩ na Yesu wokaɣ ɛ-cɔlɔ. Peeɖe eheyi ɛyáa se: «Ɩna Ɛsɔ Heɣa. Ŋ́gá mʋʋnɩ ɛyáa tɩŋa payɩ kɩwɛɛkɩm.

Yohanɛɛsɩ 1:36

Pɩkɛdaa lɛ, Yohanɛɛsɩ na Yesu ɖɛɣaɣ. Peeɖe eheyi-wɛ se: «Ɩna Ɛsɔ Heɣa.»

Yohanɛɛsɩ 19:14

Kɩyakʋ ŋgʋ́ kɩɖɛɣaɣ se kife nɛ pɔtɔɔ Paska Kazandʋ yɔ, kɩ-wɩsɩ siɣu pɩlakaɣ ḿbʋ́. Alɩwaatʋ ńdʋ́ʋ́ Pilaatɩ heyi Yuda ñɩma se: «Ɩɩnaɣ mi-wiyaʋ sɔsɔ!»

Room 3:25

Ɛnʋ Ɛsɔ ɖʋwa se pɛkpɛdɩ ɛ-calɩm nɛ pɩtɩŋnɩ pʋ-yɔɔ nɛ ɛñalɩ mbá patɩŋa payɩ pɛwɛnɩ lidaʋ ɛ-yɔɔ yɔ, pa-kɩwɛɛkɩm. Ḿbʋ́ ɛwɩlɩnɩ ɛzɩma mbʋ́ ɛtʋʋzaa yɔ. Ɛɖɔkɩ ɛ-hɔyɛ ɖooo lɔŋ nɛ ɛtɔhɔ mbá paalabɩ kɩwɛɛkɩm yɔ pa-nɩŋgbaaŋ. Ɛñɩnɩɣ se ɛwɩlɩ ɛzɩma mbʋ́ ɛtʋʋzaa yɔ alɩwaatʋ tʋnɛ tɩ-taa nɛ paa weyi ɛsɩm-ɩ ḿbʋ́ nɛ ɛkpɛndɩ ɛpɩsɩ weyi ɛwɛnɩ lidaʋ Yesu yɔɔ yɔ kʋtʋʋzʋ.

1 Kɔrɛntɩ 10:17

Ɛzɩma mbʋ́ tindine kʋɖʋmɖɩyɛ koŋ ɖɩtɔkɩ yɔ, ḿbʋ́ ɖɔɖɔ paa ɖɩɖɔwa yɔ, ɖɩkɛ tomnaɣ kʋɖʋmaɣ. Mbʋ́ pʋyɔɔ yɔ, ɖatɩŋa payɩ ɖɩtɔkɩ tindine kʋɖʋmɖɩyɛ ńɖɩ́.

Efɛɛzɩ 4:22

Yee ḿbʋ́, pʋwɛɛ se iyele mɩ-wɛtʋ kɩbɩndʋ nɛ mi-wezuu caɣʋ kɩbɩm, mbʋ́ pʋyɔɔ yɔ, ḿbá cɛtɩɣnɩ-mɩ nɛ paɖʋzʋʋ-mɩ.

Wɩlʋʋ 5:12

Poholaɣ se: «Heɣa ŋgá Ɛsɔ yeba nɛ palaa yɔ, kamʋnaa se ɛha-kɛ ɖoŋ nɛ ñɩm, nɛ lɔŋsɩnɖɛ, nɛ abalɩtʋ, nɛ ɛɖʋ-kɛ hɩɖɛ, nɛ eyele kɛwɛɛ koboyaɣ taa nɛ pasam-kɛ.»