1 Kɔrɛntɩ 5:5 - New Testament

⁵ Peeɖe ɖɩɖʋzʋʋ pʋdʋ Satanɩ nesi taa nɛ ɛ́lɛ́ nuuti e-tomnaɣ nɛ Ɛsɔ ya ɛ-kalɩzaɣ ñʋʋ kɩyakʋ ŋgʋ́ Kɩpaɣlʋ hʋʋnɩ ɛyáa tɔm yɔ.

1 Kɔrɛntɩ 5:5 ပူးပေါင်းရင်းမြစ်များ

Maatiyee 4:10

Yesu heyi-i se: «Satanɩ ɖɛɛ mɔ-yɔɔ! Mbʋ́ pʋyɔɔ yɔ, pama Ɛsɔtɔm Takayaɣ taa se: ‹Ña-Kɩpaɣlʋ Ɛsɔ ɖeke koŋ tɛɛ pʋwɛɛ se ŋluŋ nɛ ŋla ɛ-tʋmɩyɛ.› »

Luka 22:31

Peeɖe Yesu heyi Pɩyɛ se: «Siimɔɔ! Siimɔɔ! Tɩlɩ se Satanɩ pɔzɩ Ɛsɔ nʋmɔʋ se ɛtakɩ-mɩ ɛzɩ pafalʋʋ mɩla yɔ nɛ ɛna.

Tʋma Labʋ 26:18

Mentiyiɣ-ŋ se ŋwolo ŋkuli pɛ-ɛsɛ nɛ ŋlɩzɩ-wɛ cɩkpɛndʋʋ taa nɛ ŋwoni-wɛ ñalɩmɩyɛ taa. Lɩzɩ-wɛ ɖɔɖɔ Satanɩ nesi taa nɛ ŋwoni-wɛ Ɛsɔ cɔlɔ. Yee pɛwɛnɩ lidaʋ mɔ-yɔɔ lɛ, Ɛsɔ kpeɣ-wɛ pa-kɩwɛɛkɩm nɛ ɛha-wɛ ñɩm mbʋ́ ɛsɩwa se ɛhaɣ ɛ-ñɩma yɔ.› »

1 Kɔrɛntɩ 1:8

Ɛsɔ ɛnʋ ɛhaɣnɩ-mɩ ɖoŋ nɛ ɩɖɔkɩ mɩ-tɩ ḿbʋ́ ɛ-nʋmɔʋ taa nɛ pʋkɔɔ pɩsɩɩnɩ kɛtɛzaɣ wiye se pataana kɩdɛkɛdɩm nabʋyʋ mɩ-yɔɔ puwiye nɖɩ́ ɖa-Kɩpaɣlʋ Yesu Krɩstʋ kɔŋ yɔ.

1 Kɔrɛntɩ 11:32

Ɛlɛ́, Kɩpaɣlʋ hʋʋnɩ-ɖʋ nɛ ɛhɔŋ ɖa-nɩŋgbaŋʋʋ se ɛñɔɔzɩ-ɖʋ nɛ pataakɔɔ pakʋ mbá paañaŋ Krɩstʋ yɔ pɔ-tɔm nɛ pɩkpɛndɩnɩ-ɖʋ.

2 Kɔrɛntɩ 10:6

Đɩɖaŋ kpam se yee ɩtɛzɩ ñam nɛ pɩsɛɣ mɩ-taa nabɛyɛ yɔ, ɖɩhɔ pa-nɩŋgbaaŋ.

2 Kɔrɛntɩ 12:7

Pʋ-yɔɔ lɛ, pʋcɔ mantaakpazɩ man-tɩ mbʋ́ mbʋ́ Ɛsɔ wɩlɩ-m yɔ pʋ-yɔɔ lɛ, paɖʋ-m kʋdɔŋ nɛ kɩsalɩɣ-m, ŋ́gʋ́ lɛ Satanɩ tiyiyu.

2 Kɔrɛntɩ 13:10

Pʋ-yɔɔ mamaɣ-mɩ takayaɣ alɩwaatʋ ndʋ́ mɛwɛ poliŋ yɔ se mɔnkɔm mantalɩ mɩ-hɛkʋ taa lɛ, mantaañazɩ-mɩ. Toovenim lɛ, Kɩpaɣlʋ ha-m ɖoŋ se mañazɩnɩ-mɩ nɛ mɔñɔɔzɩnɩ mɩ-ŋgbɛyɛ. Ɛlɛ́, ɛtaha-m-ɩ se mɔyɔkɩnɩ-ɖɩ.

Filiipu 1:6

Manawa se paa pɩɩla ɛzɩma yɔ, Ɛsɔ weyi ɛpazɩ tʋmɩyɛ kɩbanɖɛ mɩ-taa yɔ, ɛlakɩ-ɖɩ ḿbʋ́ nɛ ɛkɔɔ ɛtɛm-ɖɩ kɩyakʋ ŋgʋ́ Krɩstʋ Yesu kɔŋ yɔ.

1 Timootee 1:20

Pa-taa lɛ Imenee nɛ Alɛksandrɩ mbá mankpaɣ manɖʋzɩ Satanɩ nesi taa yɔ. Peeɖe panaɣ se pɩtamʋnɩ se pɛwɛɛkɩ Ɛsɔ hɩɖɛ.

2 Timootee 1:18

Pʋ-yɔɔ lɛ, Kɩpaɣlʋ eyele nɛ Ɛsɔ na ɛ-pʋtɔdɩyɛ kɩyakʋ ŋgʋ́ ɛɖʋwa yɔ. Ŋsɩm ɖɔɖɔ tʋma wena atɩŋa payɩ ɛlabɩ-m Efɛɛzɩ yɔ nɛ pɩkɩlɩ lɛlaa tɩŋa.

2 Pɩyɛ 3:12

Ɩla ḿbʋ́ nɛ ɩɖaŋnɩ kɩyakʋ ŋgʋ́ Ɛsɔ kɔŋ yɔ. Ɩñɔɔzɩ mɩ-tɩ nɛ kɩyakʋ ŋ́gʋ́ kɩtalɩ lɔŋ. Puwiye ńɖɩ́ ɛsɔdaa mʋ́ʋ miŋ nɛ mbʋ́ pʋwɛ peeɖe yɔ puyoli pɩtɩŋa. Pɩɩsɛkɩɣ pʋyʋ.

1 Yohanɛɛsɩ 5:16

Yee nɔɔyʋ ɛna ɛ-taabalʋ lakɩ kɩwɛɛkɩm mbʋ́ piiyeki se ɛ́lɛ́ ɛsɩ yɔ yɔ, pʋmʋnaa se ɛsɛɛ Ɛsɔ ɛ-yɔɔ nɛ ɛ́lɛ́ ha-ɩ wezuu. Mbá palakɩ kɩwɛɛkɩm mbʋ́ piiyeki se pasɩ yɔ, pe-ɖeke pɔ-yɔɔ mɔntɔŋ se pɛsɛɛ Ɛsɔ. Ɛlɛ́, kɩwɛɛkɩm nabʋyʋ wɛɛ, piyeki se ɛyáa ɛsɩ. Pɩtɛkɛ weyi ɛlakɩ-pʋ yɔ ɛ-yɔɔ mɔntɔŋ se ɩsɛɛ Ɛsɔ.