1 Kɔrɛntɩ 5:12 - New Testament

^12-13 Pɩtɛkɛ ma pʋmʋnaa se mahʋʋnɩ mbá pɛtɛkɛ Yesu ŋgbɛyɛ taa ñɩma yɔ. Ɛsɔ kɔŋna hʋʋ mbá pɛtɛkɛ ɖɩ-taa ñɩma yɔ pɔ-tɔm. Ɛlɛ́, mbá pɛkɛ ŋgbɛyɛ taa ñɩma yɔ, ḿbá pʋwɛɛ se ɖɩhʋʋna. Pʋ-yɔɔ lɛ, ɩla ɛzɩ pamaʋ Ɛsɔtɔm Takayaɣ taa yɔ. Pamawa se: «Ɩɖɔɔnɩ ɛzaɣ́ʋ mɩ-hɛkʋ taa yɔ.»

1 Kɔrɛntɩ 5:12 ပူးပေါင်းရင်းမြစ်များ

Maarkɩ 4:11

Peeɖe ecosi-wɛ se: «Ɛsɔ Kewiyaɣ tɔm wɛ mɛsaɣ tɛɛ. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ. Piyele lɛlaa yɔ, pɛfɛyɩ Ɛsɔ Kewiyaɣ taa. Panɩɣ tɔm ńdʋ́ lɛ, tɩkɛnɩ-wɛ aduwa.

Luka 12:14

Peeɖe Yesu pɩsɩnɩ-ɩ se: «Man-taabalʋ ña! Aɖʋ-m se mahʋʋ mɩ-tɔm nɛ mantayɩ-mɩ mɩ-ñɩm?»

Yohanɛɛsɩ 18:36

Yesu pɩsɩnɩ-ɩ se: «Pɩtɛkɛ kedeŋa kanɛ kɔ-yɔɔ kewiyaɣ mɔntɔwaa. Yee ŋ́gá maatɔwaa yɔ, man-tʋmlaɖaa kalʋbɩ mɔ-yɔɔ se pataaɖʋzɩ-m Yuda ñɩma ñʋndɩnaa nesi taa. Ŋgʋ́, lɛɛlɛɛyɔ kɛtɛkɛ kedeŋa kanɛ kɔ-yɔɔ ñɩŋga.»

Koloosi 4:5

Ɩɖɔmnɩ lɔŋsɩnɖɛ mbá pɛtɛkɛ Krɩstʋ ñɩma yɔ pɔ-cɔlɔ. Ɩtaayele alɩwaatʋ nɛ tɩɖɛɛ yem.

1 Tesalooniki 4:12

Pʋbʋ, ɩkɛɣ mbá pamʋnaa yɔ mbá pɛtɛkɛ Krɩstʋ ñɩma yɔ pɛ-ɛsɩndaa. Đɔɖɔ lɛ, ɩɩkɛɣnɩ nɔɔyʋ sʋʋtʋ.

1 Timootee 3:7

Pʋwɛɛ ɖɔɖɔ se mbá pɛtɛkɛ Yesu ŋgbɛyɛ taa ñɩma yɔ, palɩzɩ ɛ-yɔɔ aseɣɖe kɩbanɖɛ. Pɩtɛkɛ ḿbʋ́, pɛpɛŋɩɣ-ɩ tɛtɛ nɛ Satanɩ kaamʋʋ kɔɔ kɩkpa-ɩ.