1 Kɔrɛntɩ 5:11 - New Testament

¹¹ Mbá pɛwɛ mɩ-ŋgbɛyɛ taa yɔ, ḿbá mɔyɔɔdʋʋ. Yee nɔɔyʋ ɛtɔm se ɛkɛ Krɩstʋ ŋgbɛyɛ taa tʋ nɛ ɛlakɩ acɛyɛ yaa kujoŋjoŋ yaa ɛlaɣ sɩɩnaa yaa ɛtʋʋ ɛyáa yaa ɛkpaŋɩɣ sʋlʋm yaa ɛmɩlɩɣ yɔ, mɩ nɛ pɩtɛ ɛyʋ ɩtaaɖɔ, paa tɔɔnaɣ yɔ, ɩtaakpɛndɩ.

1 Kɔrɛntɩ 5:11 ပူးပေါင်းရင်းမြစ်များ

Maatiyee 18:17

Yee etetisi ɖɔɖɔ lɛ, ŋwolo ŋheyi ŋgbɛyɛ taa ñɩma nɛ pɔpɔzɩ-ɩ. Yee ɛtanɩɩnɩ paba lɛ, pʋbʋ, ŋkpaɣ-ɩ ɛzɩ weyi ɛɛñaŋ Ɛsɔ yɔ yaa kɩwɛɛkɩm laɖʋ nɔɔyʋ yɔ.

Maatiyee 23:25

«Paɣtʋ wɩlɩyaa nɛ Farɩsɩ ñɩma mɩ, ɩkɛ tɛɛ nɛ pʋ-yɔɔ ñɩma, pʋtɔɔ-mɩ! Mbʋ́ pʋyɔɔ yɔ, ɩwɛ ɛzɩ mbá pañalɩɣ pa-ñanzɩ nɛ pe-eyisi sɩ-wayɩ ɖeke nɛ paañalɩɣ sɩ-taa yɔ. Ɩcaɣ se mɩ-yɔɔ ɛwɛɛ ɖeu, ŋgʋ́, mɩlɩm nɛ pɩtɩŋa pɩ-taa niye ɖɛlɛsʋʋ pa-lɩmaɣza suni mɩ-taa ɖo.

Luka 18:11

Peeɖe Farɩsɩ tʋ sɩŋaa nɛ ɛsɛɛ Ɛsɔ se: ‹Hayɩ Ɛsɔ! Mansaŋ-ŋ. Mbʋ́ pʋyɔɔ yɔ, mɛnfɛyɩ ɛzɩ lɛlaa mbá pamɩlɩɣ nɛ palakɩ ɛzaɣ́tʋ nɛ acɛyɛ yɔ. Mansaŋ-ŋ ɖɔɖɔ, mbʋ́ pʋyɔɔ yɔ, mɛnfɛyɩ ɛzɩ tikee mʋyʋ ɛnɛ yɔ.

Luka 21:34

Pʋwayɩ lɛ, Yesu tasɩ-wɛ heyuu se: «Ɩkpa mɩ-tɩ camɩyɛ, ɩɩtaanɩɩnɩ yem yem labʋ nɛ sʋlʋm kpaŋʋʋ nɛ kedeŋa lɩmaɣza wena akʋʋ ɛyáa yɔ. Pɩtɛkɛ ḿbʋ́, tɔm hʋʋ kɩyakʋ kɔŋ kutudi-mɩ

Tʋma Labʋ 1:15

Nakʋyʋ wiye taabalaa kpeɣlaa ɛzɩ patɩɩkpeɣluu yɔ, paatalɩ ɛzɩ mɩnʋʋ nɛ nɩɩlɛ yɔ. Pɩkɛdaa lɛ, Pɩyɛ kʋyɩ ɛsɩŋ pɛ-hɛkʋ taa nɛ eheyi-wɛ se:

Tʋma Labʋ 9:17

Peeɖe Anaanɩyaasɩ kpaɣ nʋmɔʋ nɛ ɛkɔɔ ɛtalɩ Yudaasɩ tɛ. Ɛsʋ ɖɩɣa lɛ, ɛmaɣnɩ Sɔɔlɩ ɛnʋ nɛ ɛtɩnɩ ɛ-yɔɔ nesi nɛ eheyi-i se: «Man-taabalʋ Sɔɔlɩ! Kɩpaɣlʋ Yesu weyi ɛlɩzɩ ɛ-tɩ nɛ ɛwɩlɩ-ŋ alɩwaatʋ ndʋ́ ŋkɔŋaɣ yɔ, etiyini-m se mɔnkɔɔ mala nɛ ñɛ-ɛsɛ kuli nɛ Fezuu Kiɖeɖeu tii ñɔ-yɔɔ.»

Room 13:13

Đɩɖɔ camɩyɛ siɣsiɣ ɛzɩ pʋmʋnaʋ se ɛyʋ ɛɖɔ ñalɩmɩyɛ taa yɔ. Đɩɖɔkɩ ɖa-tɩ nɛ kujoŋjoŋ labʋ nɛ sʋlʋm kpaŋʋʋ nɛ acɛyɛ labʋ nɛ ɛzaɣ́tʋ labʋ nɛ you nɛ ɛsɩsɛmɩyɛ.

Room 16:17

Man-taabalaa, meheyiɣ-mɩ se ɩkpa mɩ-tɩ nɛ mbá paatisiɣ tɔm ndʋ́ pawɩlɩ-mɩ yɔ nɛ pawɩlɩɣ-mɩ ndʋ́ tɩwɛnɩ ndɩ yɔ. Ḿbá cɛyɩɣnɩ Ɛsɔ ñɩma pe-lidaʋ wɛnaʋ taa nɛ patayɩɣ-wɛ. Ɩtaañɔtɩnɩ-wɛ.

1 Kɔrɛntɩ 10:14

Pʋ-yɔɔ lɛ, mɛ-ɛgbaɣdɩnaa, iyele agɔlɩma tɔm kpem.

1 Kɔrɛntɩ 11:21

Mbʋ́ pʋyɔɔ yɔ, ɩcakɩ sɩ-ɖɩlaɖɛ lɛ, paa weyi ekpedesiɣ se ɛtɔɔ ɛ-maɣmaɣ ɛ-tɔɔnaɣ. Ḿbʋ́ yebina nɛ ñɔɔsɩ ñawɩɣ nabɛyɛ nɛ sʋlʋm ñakʋʋ lɛlaa.

1 Kɔrɛntɩ 6:10

yaa mɩ́láa yaa kujoŋjoŋ tɩnaa yaa sʋlʋm kpaŋɩyaa yaa mbá patʋʋ ɛyáa yɔ yaa mɔntɔkɩnɩ mon-ɖoŋwaa paakaɣ sʋʋ Ɛsɔ Kewiyaɣ taa.

1 Kɔrɛntɩ 6:6

Đenɖe ɛzɩ pɩɩla ḿbʋ́ lɛ, powokini pɔ-tɔm mbá pɛfɛyɩnɩ lidaʋ Krɩstʋ yɔɔ yɔ pɔ-cɔlɔ se pahʋʋ-wɛ-tʋ.

1 Kɔrɛntɩ 6:9

Ɩtatɩlɩ se kɩdɛkɛdɩm laɖaa ɛɛkaɣ sʋʋ Ɛsɔ Kewiyaɣ taa yaa we? Ɩtaacɛtɩ mɩ-tɩ: acɛyɛ laɖaa yaa sɩɩnaa layaa yaa acɛyɛ laɖaa yaa abalaa mbá pacaɣ ɖama yɔ

1 Kɔrɛntɩ 7:12

Piyele lɛlaa yɔ, pɩtɛkɛ Kɩpaɣlʋ heyiɣni-wɛ. Ma-maɣmaɣ meheyiɣnɩ-wɛ se: yee weyi ɛwɛnɩ lidaʋ Krɩstʋ yɔɔ yɔ ɛtɛm kpaɣʋ halʋ weyi ɛfɛyɩnɩ lidaʋ Krɩstʋ yɔɔ nɛ ɛ́lɛ́ tisi se ɛ nɛ ɩ pɛwɛɛ yɔ, pɩfɛyɩ se abalʋ ɛnʋ ɛɖɔɔnɩ-ɩ.

1 Kɔrɛntɩ 7:15

Yee weyi ɛfɛyɩnɩ lidaʋ Krɩstʋ yɔɔ yɔ, ekiziɣni weyi ɛwɛnɩ lidaʋ Krɩstʋ yɔɔ yɔ, ɛpɩzɩɣ ɛla ḿbʋ́. Alɩwaatʋ ńdʋ́ lɛ, pɛfɛyɩ ɖama taa. Mbʋ́ pʋyɔɔ yɔ, Ɛsɔ ya-mɩ se mɩ nɛ lɛlaa ɩwɛɛ laŋhɛzɩyɛ taa.

1 Kɔrɛntɩ 8:11

Peeɖe mbʋ́ ŋsɩma yɔ, pilesiɣ weyi ɛtapɩɩ Ɛsɔ nʋmɔʋ taa yɔ. Ŋgʋ́, ɛkɛ ña-taabalʋ weyi Krɩstʋ sɩbɩ ɛ-yɔɔ yɔ.

Galaatɩ 2:12

Toovenim lɛ, Pɩyɛ nɛ mbá pɛtɛkɛ Yuda ñɩma yɔ, pɛkpɛndaɣ nɛ pɔtɔkɩ tɔɔnaɣ. Ɛlɛ́, Yakubu kɔm etiyi nabɛyɛ nɛ Pɩyɛ na-wɛ lɛ, ɛkɛzɩ ɛ-tɩ nɛ hɔɔlʋʋ. Ɛ nɛ wɛ patatasɩ kpɛndʋʋ tɔɔnaɣ, mbʋ́ pʋyɔɔ yɔ, sɔɔndʋ kpa-ɩ nɛ mbá pɔtɔŋaɣ se pʋwɛɛ se pɛpɛlɩ paa weyi yɔ.

Efɛɛzɩ 5:18

Ɩtaañɔɔ sʋlʋm nɛ pʋkʋ-mɩ: pɩkɛ yem yem lakasɩ. Ɛlɛ́, iyele nɛ Fezuu Kiɖeɖeu wɛɛ mɩ-cɔlɔ kpaagbaa kpem.

Efɛɛzɩ 5:5

Mbʋ́ pʋyɔɔ yɔ, ɩtɩlɩ camɩyɛ se paatayɩɣnɩ acɛyɛ laɖʋ nɛ azuluma tʋ yaa liidiye laɣzaɣ tʋ ñɩm mbʋ́ Ɛsɔ ñɔɔzaa nɛ ɛsɩɩ ɛ nɛ Krɩstʋ pe-Kewiyaɣ taa yɔ. Liidiye laɣzaɣ tʋ ñɛwɛ ɛzɩ agɔlɩma kpɛyɩyʋ yɔ.

Koloosi 3:5

Pʋ-yɔɔ lɛ, ipi kedeŋa lakasɩ kɩdɛkɛdɩsɩ nzɩ́ ɩlakɩ yɔ. Ńzɩ́ yɔ: acɛyɛ nɛ azuluma lakasɩ nɛ sɔɔlɩm kɩdɛkɛdɩm nɛ lɩmaɣza kɩdɛkɛdɛɛ nɛ ñɩm laɣzaɣ. Pʋbʋ ñɛwɛ ɛzɩ agɔlɩma kpɛyʋʋ yɔ.

2 Tesalooniki 3:14

Yee nɔɔyʋ ɛɛɖɔŋ tɔm ndʋ́ ɖɩma takayaɣ kanɛ ka-taa yɔ tɩ-yɔɔ lɛ, ɩtɩlɩ pʋdʋ camɩyɛ, ɩtaañɔtɩnɩ-ɩ nɛ piyele fɛyɛ kpa-ɩ.

2 Tesalooniki 3:6

Taabalaa! Đɩkaŋ mɩ-ñʋʋ taa nɛ ɖa-Kɩpaɣlʋ Yesu Krɩstʋ nɔɔ se ɩtaañɔtɩnɩ taabalaa mbá palakɩ fendu nɛ paaɖɔŋ tɔm ndʋ́ ɖɩwɩlɩ-mɩ nɛ itisi yɔ tɩ-yɔɔ yɔ pa-taa nɔɔyʋ.

1 Timootee 3:3

Pɩtamʋnɩ se ɛkɛ sʋlʋm kpaŋɩyʋ, ɛtaawɛɛ helu helu. Ɛlɛ́, pʋwɛɛ se ɛwɛɛ leleŋ, ɛtaakɛ tɔm cayʋ, ɛtaawɛɛ liidiye laɣzaɣ.

1 Timootee 6:5

Pʋkɔŋnɩ ɖɔɖɔ you kaatɛŋa ɛyáa mbá pɛfɛyɩnɩ lɩmaɣza kɩbana nɛ patatasɩ sɩm toovenim yɔ. Pamaɣzɩɣ se yee ɛyʋ ɛñɩtaa ɛɖɔŋ Ɛsɔ nʋmɔʋ taa yɔ, pɩkɛɣnɩ-ɩ waɖɛ se ehiɣ liidiye.

2 Yohanɛɛsɩ 1:10

Pʋ-yɔɔ lɛ, meheyiɣ-mɩ se yee nɔɔyʋ ɛkɔm mɩ-cɔlɔ nɛ ɛɛwɩlɩɣ-mɩ se Krɩstʋ pɩsɩ ɛyʋ nɛ ɛkɔɔ kedeŋa yɔɔ yɔ, ɩtaatisi nɛ ɛsʋʋ mɩ-tɛ, ɩtaacazɩ-ɩ sɛʋ.

Wɩlʋʋ 2:14

Ɛlɛ́, man-taa wɛnɩ-wɛ natʋyʋ: pɛ-tɛ ɛyáa nabɛyɛ tisiɣ tɔm ndʋ́ Balaam wɩlaɣ yɔ. Balaam wɩlaɣ Balaakɩ ɛzɩma mbʋ́ ɛɛla nɛ Izrɛɛlɩ ñɩma tɔɔ kɩlaʋ nandʋ nɛ pala acɛyɛ nɛ piyele pɔtɔlɩ Ɛsɔ nʋmɔʋ taa yɔ.

Wɩlʋʋ 2:20

Ɛlɛ́, ndʋ́ man-taa wɛnɩ-mɩ yɔ lɛ se: iyeki halʋ weyi payaɣ se Yezaabɛɛlɩ nɛ ɛtɔŋ se ɛkɛ náyʋ yɔ. Ŋgʋ́, ɛwɩlɩɣ nɛ eyiliɣ man-tʋmlaɖaa se pala acɛyɛ nɛ pɔtɔɔ kɩlaʋ nandʋ.

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»

Wɩlʋʋ 22:15

Piyele kʋsɔɔtʋ laɖaa nɛ fadɩŋ laɖaa nɛ acɛyɛ laɖaa nɛ ɛyáa kʋyaa nɛ agɔlɩma layaa nɛ mbá pɔsɔɔlɩ cɛtʋʋ nɛ pɛcɛtɩɣ ɛyáa yɔ, paba ñɛwɛɣnɩ tɩ-wayɩ!