1 Kɔrɛntɩ 4:8 - New Testament

⁸ Ei! Naze mɩtɛm mi-ɖeɖe hiɣu! Ɩtɛm pɩsʋʋ ñɩm tɩnaa! Naze mɩpɩsɩ awiya nɛ piyebi-ɖʋ! Toovenim lɛ, ɖe-liu kɛwɛɛ kpem se ɩtɔɔ kewiyaɣ nɛ ɖɩkɔɔ ɖa nɛ mɩ ɖɩtɔɔ-kɛ.

1 Kɔrɛntɩ 4:8 ပူးပေါင်းရင်းမြစ်များ

Maatiyee 5:1

Yesu na ɛyáa samaɣ ḿbʋ́ lɛ, ɛkpa piyaɣ nakɛyɛ yɔɔ nɛ ɛcaɣ. Peeɖe ɛ-tɔmkpɛlɩkɩyaa woba ɛ-cɔlɔ

Luka 6:25

Pʋtɔɔ-mɩ! Mbá mɩ ɩwɛnɩ pɩtɩŋa pɩtɩŋa lɛɛlɛɛyɔ yɔ, Mbʋ́ pʋyɔɔ yɔ, ñɔɔsɩ kaɣ-mɩ wɩʋ! Mbá mɩ iwoŋuu lɛɛlɛɛyɔ yɔ, pʋtɔɔ-mɩ! Mbʋ́ pʋyɔɔ yɔ, mɩ-laŋa kaɣ wɛɛkʋʋ nɛ iwili!

Tʋma Labʋ 26:29

Pɔɔlɩ cosi-i se: «Paa lɛɛlɛɛyɔ lɛɛlɛɛyɔ yaa ɛzɩmtaa yɔ, mentendiɣ Ɛsɔ se ña nɛ mbá ɩwɛ cɩnɛ nɛ iwelesiɣ mɔn-tɔm sɔnɔ yɔ, mɩtɩŋa payɩ ɩpɩsɩ ɖɔɖɔ ɛzɩ ma yɔ nɛ pɩsɛɣ yoŋgbasɩ sɩnɛ si-ɖeke!»

Room 12:3

Lootiye nɖɩ́ Ɛsɔ labɩ-m yɔ ɖɩ-yɔɔ lɛ, pɩha-m waɖɛ se meheyi paa mɩ-taa weyi se ɛtaakpazɩ ɛ-tɩ ɖenɖe ɛtatalɩ yɔ. Ɛlɛ́, ɛwɛnɩ lɩmaɣza wena amaɣnaa yɔ. Paa weyi ɛsɩɩnɩ lidaʋ ŋgʋ́ Ɛsɔ ha-ɩ yɔ kɩ-kámaɣ́ yɔɔ.

1 Kɔrɛntɩ 1:5

Toovenim lɛ, mɩ-kpɛndʋʋ ḿbʋ́ pʋ-yɔɔ ɩpɩsɩ ñɩm tɩnaa. Ɛsɔ ha-mɩ pɩtɩŋa payɩ. Kɔzɩkɔzɩ eyebu nɛ ɩtɩlɩ toovenim nɛ isusuu ɛ-tɔm yɔ.

1 Kɔrɛntɩ 4:18

Mɩ-taa lɛlaa kpazaɣ pa-tɩ, mbʋ́ pʋyɔɔ yɔ, pɩlakaɣ-wɛ se maatasɩɣ kɔm mɩ-tɛ.

1 Kɔrɛntɩ 5:6

Pɩfɛyɩ ɖeu se ɩkpazɩ mɩ-tɩ. Ɩtatɩlɩ se potuu eduuye se: «Sɔsɔɔna pazɩ yekina nɛ somtu huúú yaa we?»

2 Kɔrɛntɩ 11:1

Hayɩ! Lɛɛlɛɛyɔ, mentendiɣ-mɩ se itisi man-kɩmɛlɛndʋ tɔm. Ɩmʋ-tʋ.

2 Kɔrɛntɩ 13:9

Paa ɖɩwɛ ɛjandʋ nɛ mɩ mɩwɛɛ ɖoŋ yɔ, pɩlakɩ-ɖʋ leleŋ. Ḿbʋ́ ɖɩsɛɣ Ɛsɔ se eyele nɛ ɩtɛzɩ kpaʋ ɖoŋ ɛ-nʋmɔʋ taa.

Galaatɩ 6:3

Yee nɔɔyʋ ɛmaɣzɩɣ se ɛ-wayɩ lɛ, nɔɔyʋ fɛyɩ nɛ pʋdʋ fɛyɩ wazaɣ nakɛyɛ yɔ, ɛcɛtɩ ɛ-maɣmaɣ ɛ-tɩ kpem.

Filiipu 1:27

Mbʋ́ pʋwɛɛ yɔ lɛ se: ɩɖɔ camɩyɛ ɛzɩ Krɩstʋ Laŋhɛzɩyɛ Tɔm pɔzʋʋ yɔ. Yee ḿbʋ́, paa mɔnkɔm se mana-mɩ yaa mɔntɔkɔɔ yɔ, manɩɩ se ɩɖɔkɩ mɩ-tɩ kpam ḿbʋ́ nɛ ɩwɛnɩ lɩmaɣza kʋɖʋmɛɛ nɛ laŋɩyɛ kʋɖʋmɖɩyɛ, tʋmɩyɛ nɖɩ́ ɩlakɩ se ɛyáa etisi Laŋhɛzɩyɛ Tɔm ńdʋ́ yɔ ɖɩ-taa.

Filiipu 2:12

Mɛ-ɛgbaɣdɩnaa! Đenɖe Ɛsɔ yabɩ mɩ-ñʋʋ yɔ, ɩwɛɛ tʋmɩyɛ labʋ yɔɔ ñʋʋ yabʋ ḿbʋ́ pɩ-taa. Ɩlakɩ-ɖɩ lɛ, ɩña Ɛsɔ nɛ ɩsɔɔndɩ-ɩ. Ḿbʋ́ ɩpam labʋ alɩwaatʋ ndʋ́ maawɛ mɩ-cɔlɔ yɔ. Lɛɛlɛɛyɔ, ɖenɖe mɛnfɛyɩ mɩ-cɔlɔ yɔ, pʋwɛɛ se ɩla ḿbʋ́ ɖɔɖɔ nɛ pɩkɩlɩ.

Wɩlʋʋ 3:17

Pɔtɔŋ se pɛkɛ ñɩm tɩnaa, pehiɣ ñɩm nɛ nabʋyʋ ɛɛtɛɖɩɣ-wɛ. Ŋgʋ́, patatɩlɩ se pɛwɛ kɛtɛɖaɣ taa nɛ pɛwɛɛ pʋtɔdɩyɛ nɛ pɛkɛ kʋñɔndɩnaa nɛ payʋlʋmɩ nɛ pɛwɛɛ tombolo.

Wɩlʋʋ 5:10

Ŋyeba nɛ pɛkɛ kewiyaɣ taa ñɩma. Ŋyeba nɛ pɛkɛ cɔjɔnaa ɖɛ-Ɛsɔ tʋmɩyɛ taa. Pɔkɔŋ tɔɔʋ kewiyaɣ tataa.»