1 Kɔrɛntɩ 4:6 - New Testament

⁶ Taabalaa Krɩstʋ ñɩma, mɩ-yɔɔ mankpaɣ tɔm ndʋ́ mɔyɔɔdaa yɔ nɛ mɛnkɛdɩnɩ ma nɛ Apoloosi. Mancaɣaɣ se ɩnɩɩ eduuye ɖɩnɛ ɖɩ-tɔbʋʋ: «Ɩtaala nɛ pɩɖɛɛ mbʋ́ pama Ɛsɔtɔm Takayaɣ taa yɔ pʋ-yɔɔ.» Pʋbʋ lɛ, nɔɔyʋ ɛɛtɩnɩɣ lɛlʋ yɔɔ nɛ ɛkpazɩ ɛ-tɩ nɛ eniɣzi lɛlʋ.

1 Kɔrɛntɩ 4:6 ပူးပေါင်းရင်းမြစ်များ

Tʋma Labʋ 18:24

Nakʋyʋ wiye Yuda tʋ nɔɔyʋ woba Efɛɛzɩ. Paalʋlɩ-ɩ Alɛksandrii tɛtʋ taa, payaɣ-ɩ se Apoloosi. Ɛsɩm Ɛsɔtɔm Takayaɣ taa tɔm siŋŋ nɛ ɛsɩ yɔɔdʋʋ camɩyɛ.

Tʋma Labʋ 19:1

Apoloosi wɛ Kɔrɛntɩ ḿbʋ́ lɛ, Pɔɔlɩ ñatɩŋnɩ pʋŋ hɔɔlɩŋ taa nɛ ɛkɔɔ ɛtalɩ Efɛɛzɩ. Peeɖe ɛkatɩ Krɩstʋ wayɩ tɩŋɩyaa nabɛyɛ

Room 12:3

Lootiye nɖɩ́ Ɛsɔ labɩ-m yɔ ɖɩ-yɔɔ lɛ, pɩha-m waɖɛ se meheyi paa mɩ-taa weyi se ɛtaakpazɩ ɛ-tɩ ɖenɖe ɛtatalɩ yɔ. Ɛlɛ́, ɛwɛnɩ lɩmaɣza wena amaɣnaa yɔ. Paa weyi ɛsɩɩnɩ lidaʋ ŋgʋ́ Ɛsɔ ha-ɩ yɔ kɩ-kámaɣ́ yɔɔ.

1 Kɔrɛntɩ 1:12

Ndʋ́ mɔyɔɔdʋʋ yɔ, tɩ-tɔbʋʋ se mɩ-taa nabɛyɛ wɛɛ pɔyɔɔdʋʋ se pɛkɛ Pɔɔlɩ ñɩma nɛ lɛlaa se paba kɛ Apoloosi ñɩma. Lɛlaa ñɔtɔŋ ɖɔɖɔ se paba ñɛkɛ Pɩyɛ ñɩma nɛ lɛlaa se pɛkɛ Krɩstʋ ñɩma.

1 Kɔrɛntɩ 1:19

Pama Ɛsɔtɔm Takayaɣ taa se: «Menɖeziɣ mbá pamaɣzɩɣ se pɛwɛnɩ lɔŋsɩnɖɛ yɔ pɔ-lɔŋsɩnɖɛ nɛ mamʋʋzɩ mbá pamaɣzɩɣ se pɛwɛnɩ lɛɣtʋ yɔ pɛ-lɛɣtʋ.»

1 Kɔrɛntɩ 1:31

Ɛlabɩ ḿbʋ́ se pɩla ɛzɩ pamaʋ Ɛsɔtɔm Takayaɣ taa se: «Yee nɔɔyʋ liu ɛwɛɛ se ɛkʋndʋʋ yɔ, ɛkʋndɩnɩ mbʋ́ Kɩpaɣlʋ laba yɔ.»

1 Kɔrɛntɩ 13:4

Weyi ɛsɔɔlʋʋ ɛyáa yɔ, ɛɖɔkʋʋ ɛ-tɩ, ɛsɩŋnɩ-wɛ, ɛɛwɛɣ ɛsɩsɛmɩyɛ. Ɛɛkpazɩɣ ɛ-tɩ, ɛɛwɛɣ ajana.

1 Kɔrɛntɩ 3:19

Mbʋ́ pʋyɔɔ yɔ, kedeŋa lɔŋsɩnɖɛ kɛ kɩmɛlɛndʋ Ɛsɔ ɛsɩndaa. Pʋwɛ ɛzɩ pamaʋ Ɛsɔtɔm Takayaɣ taa se: «Ɛsɔ kpaɣ lɔŋsɩnɖaa nɛ pa-maɣmaɣ pɛ-cɛtɩm» yɔ.

1 Kɔrɛntɩ 3:21

Pʋ-yɔɔ lɛ, nɔɔyʋ ɛtaakʋndɩ se ɛkɛ lɛlʋ ñɩnʋ. Mbʋ́ pʋyɔɔ yɔ, paa weyi ɛkɛ mɩ-ñɩnʋ:

1 Kɔrɛntɩ 5:2

Pɩtasɩ ɖɔɖɔ lɛ, ɩwɛɛ ɩkpazɩɣ mɩ-tɩ. Ŋgʋ́, pɩɩwɛɛ se mɩ-ɛsɛ ɛñɩŋ nɛ ɩɖɔɔnɩ weyi ɛlabɩ lakasɩ ńzɩ́ yɔ mɩ-ŋgbɛyɛ taa.

1 Kɔrɛntɩ 5:6

Pɩfɛyɩ ɖeu se ɩkpazɩ mɩ-tɩ. Ɩtatɩlɩ se potuu eduuye se: «Sɔsɔɔna pazɩ yekina nɛ somtu huúú yaa we?»

1 Kɔrɛntɩ 8:1

Lɛɛlɛɛyɔ, pʋcɔ ɖɩyɔɔdɩ kɩlaʋ nandʋ tɔm lɛ, meheyiɣ-mɩ se pɩkɛ toovenim se: «Đatɩŋa payɩ ɖɩsɩm lɛɣtʋ.» Ɛlɛ́, lɛɣtʋ ńdʋ́ tiyeki nɛ ɛyʋ kpazɩ ɛ-tɩ. Ŋgʋ́, sɔɔlɩm ñeyeki nɛ ɛyʋ tɛzɩ pɩʋ e-lidaʋ wɛnaʋ taa.

1 Kɔrɛntɩ 9:23

Malakɩ pɩtɩŋa payɩ ḿbʋ́ Laŋhɛzɩyɛ Tɔm yɔɔ se mehiɣ ɖɔɖɔ ñɩm mbʋ́ pʋwɛ tɩ-taa yɔ.

2 Kɔrɛntɩ 10:12

Đɩɩcazɩɣ ɖa-tɩ kpaɣʋ se ɖɩkɛdɩna yaa ɖɩmaɣzɩnɩ mbá pawɩlɩɣ pa-tɩ yem yɔ. Pa-ñʋŋ taa fɛyɩ yɔɔ pɛkɛdɩɣnɩ pa-tɩ yaa pamaɣzɩɣnɩ pa-tɩ nɛ pa-maɣmaɣ.

2 Kɔrɛntɩ 10:15

Đɩɩkʋndʋʋnɩ lɛlaa tʋma. Ɛlɛ́, ɖɩtaɣ liu se ɩtɛzɩɣ lidaʋ wɛnaʋ Krɩstʋ yɔɔ. Peeɖe ɖɩpɩzɩɣ ɖɩla tʋmɩyɛ mɩ-hɛkʋ taa nɛ pɩɖɛnɩ ɛsɩndaa. Ɛlɛ́, ɖɩɩlakɩ nɛ pɩɖɛɛ mbʋ́ Ɛsɔ ɖʋ-ɖʋ yɔ pʋ-yɔɔ.

2 Kɔrɛntɩ 10:7

Ɩnaɣ wondu ɛsɛ yɔɔ yem. Yee nɔɔyʋ ɛna ɛ-maɣmaɣ se ɛkɛ Krɩstʋ tʋ lɛ, pɩlabɩ ɛzɩma ɛɛnaɣ se: ɖa ɖɔɖɔ ɖɩkɛ Krɩstʋ ñɩma ɛzɩ ɛnʋ yɔ?

2 Kɔrɛntɩ 11:4

Mbʋ́ pʋyɔɔ yɔ, yee nɔɔyʋ ɛkɔm esusi-mɩ Yesu tɔm nɛ tɩwɛnɩ ndɩ nɛ ndʋ́ ɖiisusi-mɩ yɔ yaa ɛkɛdɩ-mɩ Fezuu ŋgʋ́ kɩwɛnɩ ndɩ nɛ ŋgʋ́ ɩɩmʋwa yɔ kʋ-tɔm yaa ɛkɛdɩ-mɩ Laŋhɛzɩyɛ Tɔm ndʋ́ tɩwɛnɩ ndɩ nɛ ndʋ́ paaheyi-mɩ nɛ itisi yɔ yɔ, itisiɣ yem kitisu.

2 Kɔrɛntɩ 12:19

Pʋtɔma ɩmaɣzaɣ mɩ-taa ɖooo lɔŋ se ɖɩcaɣ se ɖiɖezi ɖa-tɩ mɩ-cɔlɔ. Taabalaa kʋsɔɔlaa, ɖa nɛ Krɩstʋ ɖɩkpɛndaa yɔɔ ɖɩyɔɔdʋʋ ḿbʋ́ Ɛsɔ ɛsɩndaa. Điheyiɣ-mɩ pɩtɩŋa payɩ ḿbʋ́ se ɩtɛzɩ pɩʋ Ɛsɔ nʋmɔʋ taa.

2 Kɔrɛntɩ 12:20

Mbʋ́ pʋyɔɔ yɔ, manpɩsɩɣ mɩ-tɛ. Ɛlɛ́, sɔɔndʋ kpaɣ-m se maamakɩnɩ-mɩ ɛzɩ me-liu wɛʋ yɔ nɛ mɩ-maɣmaɣ ɩɩnaɣ-m ɛzɩ mi-liu wɛʋ ɖɔɖɔ yɔ. Tɩkpaɣ-m ɖɔɖɔ se mamakɩnɩ you nɛ ɛsɩsɛmɩyɛ nɛ pana nɛ paɖɩyɛ nɛ tʋtʋ nɛ ɛyáa tɔm yɔɔdʋʋ nɛ tɩ kpazʋʋ nɛ yem yem lakasɩ mɩ-hɛkʋ taa.

2 Kɔrɛntɩ 12:6

Yee me-liu ɛɛwɛɛ se mankʋndʋʋ yɔ, mantaakɛ kɩmɛlɛŋ. Pʋbʋ maakʋndɩnɩ mbʋ́ pɩlabɩ ɖeyi ɖeyi yɔ. Ɛlɛ́, mɔnɖɔkʋʋ man-tɩ man-kʋndʋʋ ḿbʋ́ pɩ-taa se nɔɔyʋ ɛtaakpaɣ-m ɛsɩɩ ɖenɖe mantatalɩ yɔ. Me-liu wɛɛ se pañam-m mbʋ́ malakɩ nɛ panaɣ yɔ nɛ toovenim mbʋ́ mɔyɔɔdʋʋ yɔ pɔ-yɔɔ.

2 Kɔrɛntɩ 4:15

Mɩ-yɔɔ pɩtɩŋa payɩ pɩlakɩ ḿbʋ́ se Ɛsɔ ɛtɩŋnɩ e-lootiye yɔɔ nɛ ɛya ɛyáa sakɩyɛ ñʋʋ. Ɛlakɩ ḿbʋ́ se mbá pasaŋ-ɩ se ɛ-hɩɖɛ ɛsɛɛ yɔ, pɛtɛzɩ ɖɔʋ.

Koloosi 2:18

Ɩtaayele nɛ mbá pawaɣnɩ se poluzuu pa-tɩ nɛ poluŋuu Ɛsɔ tiyiyaa tɛɛ yɔ, pa-taa nɔɔyʋ kʋ mɩ-tɔm. Mbʋ́ pʋyɔɔ yɔ, pakpakɩɣ po-ɖozee payaɣ pʋyʋ nɛ pakpazɩɣ pa-tɩ nɛ pa-maɣmaɣ pa-lɩmaɣza. Ŋgʋ́, akɛ ɛyáa lɩmaɣza yem.

1 Tesalooniki 1:5

Toovenim lɛ, Laŋhɛzɩyɛ Tɔm ndʋ́ ɖisusi-mɩ yɔ, pɩtɛkɛ nɔɔ taa yem ɖɩlaba. Ɛlɛ́, pɩtɩŋnɩ Fezuu Kiɖeɖeu yɔɔ nɛ ɩna ti-ɖoŋ nɛ ɛzɩma ɖɩtaɣ-tʋ liu siŋŋ yɔ. Mɩ-maɣmaɣ ɩna ɛzɩma mbʋ́ ɖɩcaɣ wezuu mɩ-hɛkʋ taa yɔ, ɖɩlabɩ ḿbʋ́ se pɩsɩnɩ-mɩ.

2 Timootee 2:10

Pʋ-yɔɔ mentisaa se manɩɩ wɩzasɩ ńzɩ́ sɩtɩŋa nɛ pʋwazɩ mbá Ɛsɔ lɩzaa yɔ. Ḿbʋ́ yekina nɛ paba pɩzɩ pehiɣ ñʋʋ yabʋ mbʋ́ pʋwɛ Krɩstʋ Yesu cɔlɔ yɔ nɛ koboyaɣ maatɛŋ.