1 Kɔrɛntɩ 4:5 - New Testament

⁵ Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.

1 Kɔrɛntɩ 4:5 ပူးပေါင်းရင်းမြစ်များ

Maatiyee 10:26

Yesu tasɩ-wɛ heyuu se: «Pʋ-yɔɔ lɛ, sɔɔndʋ ɛɛtaakpa-mɩ nɛ ɛyáa. Mbʋ́ pʋyɔɔ yɔ, mbʋ́ pɩtɩŋa payɩ pʋwɛ mɛsaɣ tɛɛ yɔ, pɔkɔŋ pʋ-yɔɔ kuluu nɛ paa weyi ɛna.

Maatiyee 24:30

Peeɖe pɩwɩlɩɣ Ɛyʋ Pɩyalʋ kawɩlɩsɩ ɛsɔdaa nɛ ajɛya kpeekpe ɛyáa pazɩ tɩmʋʋ nɛ pana Ɛyʋ Pɩyalʋ nɛ e-ɖoŋ sɔsɔŋ nɛ e-koboyaɣ ɛsɔmɩndʋ yɔɔ, ɛɖɔŋ kɔm.

Maatiyee 24:46

Tʋmlaɖʋ weyi ɛ-caa pɩsɩɣ nɛ ɛmaɣnɩ ɛɖɔŋ ɛ-tʋmɩyɛ labʋ yɔ, ehiɣ ɛ-tɩ!

Maatiyee 25:21

Peeɖe ɛ-caa yɩɣyɩ-ɩ nɛ eheyi-i se: ‹Pʋwɛ ɖeu. Ŋkɛ tʋmlaɖʋ kɩbanʋ. Mɛncɛlɩ-ŋ mbʋ́ pʋwɛɛ ñɩɩɩ yɔ nɛ ŋɖɔkɩ-pʋ camɩyɛ nɛ ŋlabɩnɩ-pʋ mbʋ́ pʋpɔzʋʋ yɔ. Pʋ-yɔɔ lɛ, meyekini-ŋ mbʋ́ pʋɖɔwa pɩtɩɩfɛyɩ yɔ. Kɔɔ nɛ ma nɛ ŋ ɖɩwɛɛ laŋhʋlʋmɩyɛ taa.›

Maatiyee 25:23

Peeɖe ɛ-caa yɩɣyɩ-ɩ nɛ eheyi-i se: ‹Pʋwɛ ɖeu. Ŋkɛ tʋmlaɖʋ kɩbanʋ. Mɛncɛlɩ-ŋ mbʋ́ pʋwɛɛ ñɩɩɩ yɔ nɛ ŋɖɔkɩ-pʋ camɩyɛ nɛ ŋlabɩnɩ-pʋ mbʋ́ pʋpɔzʋʋ yɔ. Pʋ-yɔɔ lɛ, mɛncɛlɩɣ-ŋ mbʋ́ pʋɖɔwa yɔ. Kɔɔ nɛ ma nɛ ŋ ɖɩwɛɛ laŋhʋlʋmɩyɛ taa.›

Luka 6:37

Yesu tasɩ-wɛ heyuu se: «Ɩtaahʋʋnɩ nɔɔyʋ nɛ Ɛsɔ ɛɛhʋʋnɩ-mɩ. Ɩtaakʋ nɔɔyʋ tɔm nɛ Ɛsɔ ɛɛkʋʋ mɩ-ñɩndʋ. Ikpeɣ nɛ Ɛsɔ kpeɣ-mɩ.

Yohanɛɛsɩ 21:22

Ɛlɛ́, Yesu pɩsɩnɩ-ɩ se: «Yee me-liu ɛwɛɛ se ɛcaɣ wezuu nɛ pɩsɩɩnɩ alɩwaatʋ ndʋ́ manpɩsɩɣ mɔnkɔɔ yɔ lɛ, pɩna-ŋ nɛ we? Ña lɛ, tɩŋ-m!»

Yohanɛɛsɩ 21:23

Pʋ-yɔɔ tɔm ńdʋ́ tɩyɛlɛ haɖaa ḿbá pa-taa se tɔmkpɛlɩkɩyʋ ɛnʋ ɛɛsɩkɩ. Ŋgʋ́, Yesu taaheyi Pɩyɛ se: «Tɔmkpɛlɩkɩyʋ ɛnʋ ɛɛkaɣ sɩbʋ.» Ɛlɛ́, ɛɛpɔzɩ-ɩ se: «Yee me-liu ɛwɛɛ se ɛcaɣ wezuu nɛ pɩsɩɩnɩ alɩwaatʋ ndʋ́ manpɩsɩɣ mɔnkɔɔ yɔ lɛ, pɩna-ŋ nɛ we?»

Yohanɛɛsɩ 5:44

Mbá mɩ ɩyɩɣyɩɣ ɖama nɛ ɩɩcaɣ se Ɛsɔ ɖeke koŋ ɛyɩɣyɩnɩ-mɩ yɔ, ɛzɩma ɩpɩzɩɣ ɩwɛnɩ lidaʋ mɔ-yɔɔ?

Room 14:4

Ña anɩ nɛ ŋkpɛzɩɣnɩ lɛlʋ tʋmlaɖʋ? Yee ɛlakɩ ɖeu ɛ-tʋmɩyɛ taa yaa ɛɛlakɩ lɛ, pɩna-ŋ nɛ we? Ɛ-caa cɔlɔ lɛ. Ɛkɔŋ labʋ ɖeu, mbʋ́ pʋyɔɔ yɔ, Kɩpaɣlʋ wɛnɩ ɖoŋ se ɛsɩnɩ-ɩ nɛ ɛla mbʋ́ pʋwɛ ɖeu yɔ.

Room 2:1

Weyi ña ŋmaɣzɩɣ se lɛlaa ɛɛlakɩ camɩyɛ yɔ, paa ŋkɛ anɩ yɔ, natʋyʋ fɛyɩ se ŋwaɣna. Mbʋ́ pʋyɔɔ yɔ, alɩwaatʋ ndʋ́ ŋmaɣzɩɣ se lɛlaa ɛɛlakɩ camɩyɛ nɛ ŋlakɩ ɖɔɖɔ ɛzɩ ḿbá yɔ, ŋkʋʋ ña-maɣmaɣ ñɔ-tɔm.

Room 2:16

Ḿbʋ́ kaɣnɩ lɩʋ kɩyakʋ ŋgʋ́ Ɛsɔ kɔŋ ɛyáa tɔm hʋnaʋ yɔ. Ɛtɩŋɩɣnɩ Krɩstʋ Yesu yɔɔ nɛ ɛhʋʋnɩ ɛyáa mbʋ́ pɩtɩŋa payɩ palabɩ mɛsaɣ tɛɛ yɔ pʋ-yɔɔ. Ḿbʋ́ wɛnɩ Laŋhɛzɩyɛ Tɔm ndʋ́ monsusuu yɔ tɩ-taa.

Room 2:29

Ɛlɛ́, mbʋ́ pʋwɛ ɛyʋ taa yɔ, ḿbʋ́ wɩlɩɣna se ɛkɛ Yuda tʋ siŋŋ. Pɛlʋʋ siŋŋ lɛ mbʋ́ pɩlɩnɩ Fezuu Kiɖeɖeu cɔlɔ nɛ pʋwɛɛ ɛyʋ taa yɔ. Pɩtɛkɛ mbʋ́ pɩlɩnɩ paɣtʋ taa yɔ. Yuda tʋ siŋŋ ɛnʋ, pɩtɛkɛ ɛyáa saŋnɩ-ɩ, ɛlɛ́, Ɛsɔ saŋnɩ-ɩ.

Room 2:7

ɛhaɣ mbá pañakɩ pana se pala camɩyɛ yɔ wezuu maatɛŋ. Palakɩ ḿbʋ́ se ɛha-wɛ e-koboyaɣ nɛ ɛɖʋ-wɛ hɩɖɛ nɛ ɛha-wɛ mbʋ́ pɩɩɖazɩɣ yɔ.

1 Kɔrɛntɩ 1:7

Pʋ-yɔɔ mbá mɩ ɩɖaŋ alɩwaatʋ ndʋ́ ɖa-Kɩpaɣlʋ Yesu Krɩstʋ kaɣ ɛ-tɩ lɩzʋʋ nɛ ɛwɩlɩ ɛyáa yɔ, pɩtɛsɛɣ kʋjɔʋ nakʋyʋ se Ɛsɔ talabɩ-mɩ.

1 Kɔrɛntɩ 11:16

Yee nɔɔyʋ liu ɛwɛɛ se ɛkpɛzɩɣnɩ tɔm tʋnɛ yɔ, ɖa ɖaalakɩ ḿbʋ́. Paalakɩ ḿbʋ́ ɖɔɖɔ Ɛsɔ aŋgba taa.

1 Kɔrɛntɩ 11:26

Mbʋ́ pʋyɔɔ yɔ, alɩwaatʋ ndʋ́ tɩtɩŋa payɩ ɩtɔkɩ tindine ɖɩnɛ nɛ ɩñɔʋ sʋlʋm caɖaɣ kanɛ yɔ, isusuu Kɩpaɣlʋ sɩm nɛ pʋkɔɔ pɩsɩɩnɩ ɛ-kɔm.

1 Kɔrɛntɩ 15:23

Ɛlɛ́, Ɛsɔ kɔŋ fezuu paa mbá nɛ pa-alɩwaatʋ: Krɩstʋ ɛcalɩnɩ fezuu. Ɛ-wayɩ lɛ, mbá pɛkɛ Krɩstʋ ɛnʋ ɛ-ñɩma yɔ, efeziɣ-wɛ alɩwaatʋ ndʋ́ Krɩstʋ pɩsɩɣ ɛkɔɔ yɔ.

1 Kɔrɛntɩ 3:13

pɔkɔŋ ɛ-tʋmɩyɛ naʋ. Mbʋ́ pʋyɔɔ yɔ, tɔm hʋʋ kɩyakʋ wiye lɛ, Ɛsɔ ɖʋʋ paa weyi ɛ-tʋmɩyɛ miŋ taa. Miŋ ɛnʋ ɛwɩlɩɣna se ɖɩwɛ ɖeu naa ɖɩfɛyɩ ɖeu nɛ pasɩm-ɖɩ.

1 Kɔrɛntɩ 3:14

Weyi paɖʋʋ ɛ-tʋmɩyɛ miŋ taa nɛ ɖɩtañaɣ yɔ, pɔkɔŋ-ɩ hɛyʋʋ.

1 Kɔrɛntɩ 3:8

Weyi ɛsɔʋ tɩʋ yɔ nɛ weyi ɛmɩzɩɣ kʋ-yɔɔ lɩm yɔ, pɛwɛ kɩmaŋ. Paa pa-taa weyi lɛ, tʋmɩyɛ nɖɩ́ ɛlaba yɔ, ɖɩ-yɔɔ Ɛsɔ kɔŋ-ɩ hɛyʋʋ.

2 Kɔrɛntɩ 10:18

Mbʋ́ pʋyɔɔ yɔ, pɩtɛkɛ weyi ɛsaŋ ɛ-tɩ yɔ, ɛkɛnɩnɩ kɩbanʋ Kɩpaɣlʋ ɛsɩndaa. Ɛlɛ́, weyi Kɩpaɣlʋ saŋ-ɩ yɔ, ɛnʋ lɛ kɩbanʋ.

2 Kɔrɛntɩ 10:9

Maacaɣ se ɩmaɣzɩ se mamaɣ-mɩ takayɩsɩ se sɔɔndʋ ɛkpa-mɩ.

2 Kɔrɛntɩ 4:2

Đikizi mɛsaɣ tɛɛ lakasɩ nzɩ́ sɩwɛ fɛyɛ yɔ. Điipeɣziɣ ɛyáa, ɖɩɩlɛɣzɩɣ Ɛsɔtɔm. Ɛlɛ́, ɖɩñɩnɩɣ se paa weyi ɛtaa-ɖʋ liu Ɛsɔ ɛsɩndaa yɔɔ ɖɩyɔɔdʋʋ toovenim kpayɩ ḿbʋ́.

2 Kɔrɛntɩ 5:10

Mbʋ́ pʋyɔɔ yɔ, pʋwɛɛ se ɖatɩŋa payɩ ɖiwolo Krɩstʋ ɛsɩndaa nɛ ɛhʋʋnɩ-ɖʋ tɔm nɛ ɛhɛyɩ paa weyi kɩbandʋ yaa kɩdɛkɛdɩm mbʋ́ ɛɛlaba alɩwaatʋ ndʋ́ ɛɛwɛ e-tomnaɣ taa yɔ pʋ-yɔɔ.

1 Tesalooniki 5:2

Mbʋ́ pʋyɔɔ yɔ, mɩ-maɣmaɣ ɩsɩm ɖeu se kɩyakʋ ŋgʋ́ Kɩpaɣlʋ kɔŋ yɔ, kʋkɔŋ-mɩ tuduu ɛzɩ mɩ́lʋ́ tuduu ɛyáa ɖoó taa yɔ.

Ebree 4:13

Mbʋ́ pɩtɩŋa payɩ pʋwɛ kedeŋa yɔɔ yɔ, nabʋyʋ fɛyɩ Ɛsɔ mɛsaɣ tɛɛ. Pukuli pɩtɩŋa payɩ pʋ-yɔɔ nɛ pile ɛ-ɛsɩndaa nɛ ɛnaɣ-pʋ. Ɛnʋ pʋwɛɛ se ɖatɩŋa payɩ ɖiheyi mbʋ́ ɖɩlaba yɔ.

Yakubu 4:11

Taabalaa! Ɩtaayɔɔdɩ ɖama yɔɔ tɔm ɛzaɣ́tʋ. Weyi ɛyɔɔdʋʋ lɛlʋ yɔɔ tɔm ɛzaɣ́tʋ yaa ɛkpɛzɩɣnɩ-ɩ yɔ, ɛyɔɔdɩ ɖɔɖɔ mbʋ́ paɖʋ paɣtʋ taa yɔ pʋ-yɔɔ tɔm ɛzaɣ́tʋ nɛ ɛtɛ ɛkpɛɛnɩ-tʋ. Yee ŋkpɛɣnɩ paɣtʋ yɔ, ŋŋɖɔŋ tɩ-yɔɔ, ɛlɛ́, ŋkpaɣ ña-tɩ se ŋkɛ tɔm hʋyʋ.

Yakubu 5:7

Taabalaa! Pʋ-yɔɔ meheyiɣ-mɩ se ɩɖɔkɩ mɩ-hɔ nɛ pʋkɔɔ pɩsɩɩnɩ alɩwaatʋ ndʋ́ Kɩpaɣlʋ kɔŋ yɔ. Ɩcɔnɩ ɛzɩma mbʋ́ haɖʋ ɖɔkʋʋ ɛ-hɔyɛ nɛ ɛɖaŋ se ɛkɔŋ tɔɔnaɣ kɩbaŋga kʋm ɛ-hayɩm taa yɔ: ɛɖɔkʋʋ ɛ-hɔyɛ nɛ kajalaɣ tɛŋ nɛ kɛtɛzaɣ ñɩŋ panɩɩ.

Yakubu 5:9

Taabalaa! Ɩtaatɩmnɩ ɖama, pɩtɛkɛ ḿbʋ́, Ɛsɔ hʋʋnɩ-mɩ nɛ ɛkʋ mɩ-tɔm. Ɩcɔnɩ ɩna: tɔm hʋyʋ talɩ nɔnɔɔ taa!

1 Pɩyɛ 1:7

Pɩlakɩ-mɩ ḿbʋ́ se pana ɛzɩma mbʋ́ ɩwɛnɩ lidaʋ siŋŋ Ɛsɔ yɔɔ yɔ. Sika wɛʋ yɔ, kɔkɔŋ mʋʋ́ʋ. Paa ḿbʋ́ yɔ, paɖʋʋ-kɛ miŋ taa se pana se kɛkɛ kɩbaŋga naa kɛtɛkɛ. Ḿbʋ́ ɖɔɖɔ Ɛsɔ maɣzɩɣ mbá mɩ mi-lidaʋ kɩlɩ sika wazaɣ yɔ se ɛna kɩ-tɩnaɣ. Ḿbʋ́ yekina nɛ ɛsam-mɩ nɛ ɛɖʋ-mɩ hɩɖɛ kɩyakʋ ŋgʋ́ Yesu Krɩstʋ lɩzɩɣ ɛ-tɩ nɛ ɛwɩlɩ yɔ.

1 Pɩyɛ 5:4

Yee ɩlabɩ ḿbʋ́ yɔ, Điyiyaa Ñʋʋdʋ lakɩ-mɩ koboyaɣ kʋjɔʋ ŋgʋ́ kɩwɛɣ tam yɔ, alɩwaatʋ ndʋ́ ɛlɩzɩɣ ɛ-tɩ nɛ ɛwɩlɩ-mɩ yɔ.

2 Pɩyɛ 3:12

Ɩla ḿbʋ́ nɛ ɩɖaŋnɩ kɩyakʋ ŋgʋ́ Ɛsɔ kɔŋ yɔ. Ɩñɔɔzɩ mɩ-tɩ nɛ kɩyakʋ ŋ́gʋ́ kɩtalɩ lɔŋ. Puwiye ńɖɩ́ ɛsɔdaa mʋ́ʋ miŋ nɛ mbʋ́ pʋwɛ peeɖe yɔ puyoli pɩtɩŋa. Pɩɩsɛkɩɣ pʋyʋ.

2 Pɩyɛ 3:4

nɛ pɔtɔ se: «Kɩpaɣlʋ tɔm se ɛkɔŋ lɛ, pɩla ɛzɩma? Le ɛwɛɛ yɔ? Mbʋ́ pʋyɔɔ yɔ, ɖooo ɖa-caanaa sɩbʋ nɛ halɩ nɛ sɔnɔ yɔ, pɩtɩŋa payɩ pʋwɛ pi-ɖeɖe ɛzɩ ɖooo pɩɩwɛʋ alɩwaatʋ ndʋ́ Ɛsɔ labɩ kedeŋa yɔ.»

Yuudi 1:14

Enɔɔkɩ weyi ɛkɛ lʋbɛ ñɩnʋ Aɖam liɖe taa yɔ, Ɛsɔ keheyi-i nɛ esusi pɔ-tɔm ɖooo lɔŋ se: «Iwelesi nɛ ɩnɩɩ, Kɩpaɣlʋ nɛ ɛ-ñɩma kutokiŋ ɛgbaŋ ɛgbaŋ pɔkɔŋ

Wɩlʋʋ 1:7

Ɩcɔnɩ ɩna, ɛkɔŋ naɣ yɔ ɛsɔmɩndʋ yɔɔ! Ɛyáa tɩŋa kɔŋ-ɩ naʋ, halɩ pɩkpɛndɩnɩ mbá paasɔbɩ ɛ-hʋyʋʋ taa kɩkpɛzɩŋ yɔ. Ajɛya kpeekpe taa ɛyáa kɔŋ wiu ɛ-yɔɔ. Toovenim, pʋkɔŋ labʋ ḿbʋ́! Pɩla ḿbʋ́!

Wɩlʋʋ 20:12

Mana ɖɔɖɔ sɩɖaa: ɖoŋ tɩnaa nɛ ajamaa pasɩŋ kewiyaɣ kpelaɣ ŋ́gá kɛ-ɛsɩndaa. Pukuli takayɩsɩ nasɩyɩ. Pukuli lɛɛka ɖɔɖɔ, ŋ́gá lɛ wezuu takayaɣ. Mbʋ́ sɩɖaa laba yɔ, pʋ-tɔm paama takayɩsɩ ńzɩ́ sɩ-taa, pʋ-yɔɔ pahʋʋnɩ-wɛ.