1 Kɔrɛntɩ 4:4 - New Testament

⁴ Mantatɩlɩ ɛzaɣ́tʋ ndʋ́ tɩwɛ mɔ-yɔɔ yɔ. Ɛlɛ́, pɩɩwɩlɩɣ se mantala ɛzaɣ́tʋ natʋyʋ. Kɩpaɣlʋ hʋʋnɩ mɔn-tɔm.

1 Kɔrɛntɩ 4:4 ပူးပေါင်းရင်းမြစ်များ

Yohanɛɛsɩ 21:17

Yesu tasɩ-ɩ pɔzʋʋ tozo ɖeɖe se: «Yohanɛɛsɩ pɩyalʋ Siimɔɔ! Ŋsɔɔlɩ-m yaa we?» Ɛtasɩ Pɩyɛ pɔzʋʋ tozo ɖeɖe ḿbʋ́ lɛ, ɛ́lɛ́ laŋɩyɛ wɛɛkɩ nɛ ecosi-i se: «Kɩpaɣlʋ! Ŋsɩm pɩtɩŋa payɩ. Ŋna ḿbʋ́ se mɔnsɔɔlɩ-ŋ!» Peeɖe Yesu heyi-i se: «Yee ḿbʋ́ cɔnɩ me-heŋ yɔɔ camɩyɛ.»

Tʋma Labʋ 23:1

Peeɖe Pɔɔlɩ kʋsɩ ɛsɛ nɛ ɛcɔnɩ tɔm hʋyaa ḿbá pɩŋŋ nɛ ɛtɔ se: «Man-taabalaa mɩ! Me-wezuu caɣʋ taa lɛ, man-taa wɛ ɖeu Ɛsɔ ɛsɩndaa halɩ nɛ sɔnɔ.»

Room 2:13

Toovenim lɛ, pɩtɛkɛ mbá pewelesiɣ mbʋ́ paɖʋ paɣtʋ taa yem yɔ lɛ mbá patʋʋzɩ Ɛsɔ ɛsɩndaa yɔ. Ɛlɛ́, mbá pɔɖɔŋ tɩ-yɔɔ yɔ, ḿbá kɛɣnɩ kʋtʋʋzaa ɛ-ɛsɩndaa.

Room 4:2

Toovenim lɛ, yee Ɛsɔ ɛɛpɩsɩ Abraham kʋtʋʋzʋ tʋma wena ɛlaba yɔ a-yɔɔ yɔ, pʋbʋ ɛɛkʋndaa. Ŋgʋ́, pɩtamʋnɩ ḿbʋ́ Ɛsɔ ɛsɩndaa.

1 Kɔrɛntɩ 4:3

Ma lɛ, yee ɩmaɣzɩɣ se malabɩ mbʋ́ pʋmʋnaa yɔ yaa mbʋ́ pɩtamʋna yɔ yɔ, pɩtana-m nɛ pʋyʋ. Paa lɛlaa ɛtɔm se malabɩ mbʋ́ pʋmʋnaa yɔ yaa mbʋ́ pɩtamʋna yɔ yɔ, pɩtana-m nɛ pʋyʋ. Halɩ ma-maɣmaɣ maatɔŋ ma-ñɩndʋ se pʋyʋ.

1 Kɔrɛntɩ 4:5

Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.

2 Kɔrɛntɩ 1:12

Mbʋ́ ɖɩkʋndʋʋna yɔ lɛ se: ɖɩnaɣ ɖa-taa se ɖe-wezuu caɣʋ kedeŋa yɔɔ cɩnɛ, kɔzɩkɔzɩ mɩ-ɛsɩndaa lɛ, ɖɩwɛ yayɩ nɛ ɖɩyɔɔdʋʋ toovenim. Ɛsɔ cɔlɔ pɩlɩnɩ pɩtɩŋa. Pɩtɛkɛ ɛyáa lɔŋsɩnɖɛ yɔɔ pɩtɩŋnaa. Ɛlɛ́, Ɛsɔ lootiye yɔɔ pɩtɩŋnaa.

2 Kɔrɛntɩ 5:10

Mbʋ́ pʋyɔɔ yɔ, pʋwɛɛ se ɖatɩŋa payɩ ɖiwolo Krɩstʋ ɛsɩndaa nɛ ɛhʋʋnɩ-ɖʋ tɔm nɛ ɛhɛyɩ paa weyi kɩbandʋ yaa kɩdɛkɛdɩm mbʋ́ ɛɛlaba alɩwaatʋ ndʋ́ ɛɛwɛ e-tomnaɣ taa yɔ pʋ-yɔɔ.