1 Kɔrɛntɩ 4:12 - New Testament

¹² Đɩkʋʋ ɖa-tɩ nɛ tʋmɩyɛ se ɖihiɣ ɖɩtɔɔ. Ŋgʋ́, alɩwaatʋ ndʋ́ ɛyáa tʋʋ-ɖʋ yɔ, ɖɩwazɩɣ-wɛ. Đɩɖɔkʋʋ ɖa-tɩ ɖɔɖɔ alɩwaatʋ ndʋ́ pɛwɛɣ ɖa-wayɩ kaŋ kaŋ yɔ.

1 Kɔrɛntɩ 4:12 ပူးပေါင်းရင်းမြစ်များ

Maatiyee 5:11

«Mbá mɩ patʋʋ-mɩ nɛ pɛwɛɛ mɩ-wayɩ kaŋ kaŋ nɛ pɛcɛtɩɣnɩ mɩ-taa tɔm ndɩ ndɩ mɔ-yɔɔ yɔ, ihiɣ mɩ-tɩ!

Maatiyee 5:44

Ɛlɛ́, ma meheyiɣ-mɩ se: ɩsɔɔlɩ mi-koyindinaa nɛ ɩsɛɛ Ɛsɔ mbá pɛwɛ mɩ-wayɩ kaŋ kaŋ yɔ pɔ-yɔɔ

Luka 23:34

Ɛlɛ́, Yesu tɔ se: «Caa! Kpeɣ-wɛ pa-kɩwɛɛkɩm, patasɩ mbʋ́ palakɩ yɔ.» Alɩwaatʋ ńdʋ́ lɛ, paɖʋwaɣ miika se patayɩ ɖama e-wondu.

Luka 6:28

Ɩwazɩ mbá pawɩlɩɣ-mɩ kpalʋʋ yɔ pɔ-yɔɔ nɛ ɩsɛɛ Ɛsɔ mbá panazɩɣ-mɩ yɔ paba yɔɔ.

Yohanɛɛsɩ 15:20

Ɩtɔzɩ tɔm ndʋ́ meheyi-mɩ yɔ tɩ-yɔɔ. Ńdʋ́ lɛ se: ‹Tʋmlaɖʋ nɔɔyʋ fɛyɩ se ɛkɩlɩɣ ɛ-caa.› Yee ɛyáa ɩwɛ ma-wayɩ kaŋ kaŋ yɔ, pɔkɔŋ mɩ-wayɩ wɛʋ ɖɔɖɔ ḿbʋ́. Yee pɔɖɔm mɔn-tɔm yɔɔ yɔ, pɔkɔŋ ɖɔm ɖɔɖɔ mɩ-ñɩndʋ yɔɔ.

Tʋma Labʋ 18:3

nɛ ɛ nɛ wɛ pɛwɛɛ nɛ palakɩ tʋmɩyɛ. Mbʋ́ pʋyɔɔ yɔ, paakɛ kɩɖanɖɩŋ laɖaa ɖɔɖɔ ɛzɩ ɛnʋ yɔ.

Tʋma Labʋ 20:34

Mɩ-maɣmaɣ ɩnawa se malabɩ tʋmɩyɛ nɛ ma-maɣmaɣ me-nesi nɛ mehiɣ mbʋ́ pɩtɛɖaɣ ma nɛ man-taabalaa yɔ.

Tʋma Labʋ 7:60

Peeɖe eluŋ ɛ-nɩmbɔla yɔɔ nɛ ɛma kubuka ɖoŋ se: «Kɩpaɣlʋ! Taakpaɣ pa-kɩwɛɛkɩm nɛ ŋlabɩnɩ tʋmɩyɛ!» Ɛtɛm yɔɔdʋʋ ḿbʋ́ lɛ, ɛhɛɛ.

Room 12:14

Itendi Ɛsɔ se ɛ́wazɩ mbá pɛwɛ mɩ-wayɩ kaŋ kaŋ yɔ pɔ-yɔɔ. Itendi-i se ɛ́wazɩ pɔ-yɔɔ, ɩtaawɩlɩ-wɛ kpalʋʋ.

Room 12:20

Pamawa ɖɔɖɔ se: «Yee ñɔɔsɩ ɛwɩɣ ño-koyindu yɔ, ha-ɩ tɔɔnaɣ nɛ ɛtɔɔ. Yee lɔkɔtʋ ɛkpa-ɩ yɔ, ha-ɩ lɩm nɛ ɛñɔɔ. Mbʋ́ pʋyɔɔ yɔ, yee ŋlabɩ ḿbʋ́ yɔ, pʋwɛɣ ɛzɩ ŋhuti ɛ-ñʋʋ taa miŋ nɛ mamala yɔ.»

Room 8:35

Ɛbɛ pɩzɩɣ pɩlɩzɩ-ɖʋ Krɩstʋ weyi ɛsɔɔlɩ-ɖʋ yɔ e-nesi taa? Kʋñɔŋ naa sɔɔndʋ kadadaɣyaɣ naa wayɩ wɛʋ kaŋ kaŋ naa ñɔɔsɩ naa kʋñɔndʋtʋ naa tɩ lem sɩm nɔɔ taa yaa sɩm?

1 Kɔrɛntɩ 9:6

Ɛzɩ ma nɛ Barnaabaasɩ ɖe-ɖeke pɩwɛnɩ se ɖɩla tʋmɩyɛ nɛ ɖɩcɔnɩ ɖa-tɩ yɔɔ yaa we?

2 Kɔrɛntɩ 11:8

Manɖʋzɩ Yesu aŋgba lɛɛna. Mentisaa se ahɛyɩ-m nɛ mansɩnɩ-mɩ.

Efɛɛzɩ 4:28

Weyi ɛmɩlaɣ yɔ, ɛtaatasɩ mɩlʋ́ʋ. Ɛlɛ́, ɛñaɣ pana nɛ ɛla tʋmɩyɛ nɛ toovenim nɛ ɛ-maɣmaɣ e-nesi nɛ ehiɣ nɛ ɛha weyi ɛwɛ kʋñɔŋ taa yɔ.

1 Tesalooniki 2:9

Taabalaa! Paa pɩɩla ɛzɩma ɩtɔzʋʋ ɖa-tʋmɩyɛ nɛ ɖa-kʋñɔŋ pɔ-yɔɔ: ɖɩɩlaba tʋmɩyɛ wɩsɩ nɛ ɖoó se ɖɩtaakɛnɩ mɩ-taa nɔɔyʋ sʋʋtʋ alɩwaatʋ ndʋ́ ɖisusaɣ-mɩ Ɛsɔ Laŋhɛzɩyɛ Tɔm yɔ.

2 Tesalooniki 3:8

Đɩtɔtɔɔ nɔɔyʋ tɔɔnaɣ yem falaa. Ɛlɛ́, ɖɩlabɩ tʋmɩyɛ siŋŋ wɩsɩ nɛ ɖoó nɛ ɖɩnɩɩ siziŋ se ɖɩtaakɛnɩ mɩ-taa nɔɔyʋ sʋʋtʋ.

1 Timootee 4:10

Pʋ-yɔɔ ɖɩlakɩ tʋmɩyɛ sɩbʋ yɔɔ sɩbʋ yɔɔ nɛ ɖɩlʋkɩ. Mbʋ́ pʋyɔɔ yɔ, ɖɩtaɣ Ɛsɔ weyi ɛwɛ wezuu yɔ. Ɛkɛ ɛyáa tɩŋa payɩ ñʋʋ yaɖʋ, kɔzɩkɔzɩ mbá pɛwɛnɩ lidaʋ ɛ-yɔɔ yɔ.

1 Pɩyɛ 2:23

Patʋwaɣ-ɩ, ɛlɛ́, ɛtatʋʋ nɔɔyʋ. Panazaɣ-ɩ, ɛlɛ́, etoholini nɔɔyʋ. Ɛsɔ weyi ɛhʋʋ tɔm nɛ toovenim yɔ, e-nesi taa ɛɖʋzɩ ɛ-tɩ.

1 Pɩyɛ 3:14

Paa nɔɔyʋ ɛtɩɩɖʋʋ-mɩ kʋñɔŋ se ɩlakɩ mbʋ́ pʋtʋʋzaa yɔ yɔ, ɩkɔŋ hiɣu mɩ-tɩ! Sɔɔndʋ ɛtaakpa-mɩ nɛ ɛyáa. Pɩtaaliɣti-mɩ ɖɔɖɔ.

1 Pɩyɛ 3:9

Ɩtaakpa ɖama kɩmɩyɛ. Nɔɔyʋ ɛtʋ-mɩ lɛ, ɩtaatʋʋ-ɩ. Ɛlɛ́, itendi Ɛsɔ se ɛ́wazɩ pʋdʋ yɔɔ. Mbʋ́ pʋyɔɔ yɔ, ɛya-mɩ se ɩla ḿbʋ́ nɛ ɛ́wazɩ mɩ-yɔɔ ɛzɩ ɛɖʋʋ yɔ.

1 Pɩyɛ 4:19

Pʋ-yɔɔ lɛ, mbá pɔtɔkɩ kʋñɔŋ ɛzɩ Ɛsɔ liu wɛʋ yɔ, pʋwɛɛ se pakpaɣ pa-tɩ pilim nɛ paɖʋzɩ e-nesi taa nɛ pala camɩyɛ. Mbʋ́ pʋyɔɔ yɔ, ɛnʋ manɩ-wɛ, ɛlakɩ ɖɔɖɔ mbʋ́ ɛɖʋwa yɔ.

Yuudi 1:9

Ŋgʋ́, Ɛsɔ tiyiyu sɔsɔ Miicɛɛlɩ maɣmaɣ taatʋʋ Satanɩ alɩwaatʋ ndʋ́ Mooyiizi sɩba nɛ ɛ nɛ ɩ poyou yɔ. Pɔhɔŋaɣnɩ ɖama tɔm se pana weyi ɛkpakɩɣ-ɩ yɔ. Pɩtatɩɩlabɩ-ɩ se ɛhʋʋnɩ-ɩ nɛ ɛtʋʋ-ɩ. Ɛlɛ́, eheyi-i yem se: «Kɩpaɣlʋ ɛɖʋ-ŋ kʋñɔŋ!»