1 Kɔrɛntɩ 3:23 - New Testament

²³ Ɛlɛ́, mɩ mɩkɛ Krɩstʋ ñɩma nɛ Krɩstʋ ñɛkɛ Ɛsɔ ñɩnʋ.

1 Kɔrɛntɩ 3:23 ပူးပေါင်းရင်းမြစ်များ

Maatiyee 17:5

Ɛyɔɔdaɣ ḿbʋ́ lɛ, ɛsɔmɩnʋʋ kɩñɩlɩsʋʋ nakʋyʋ kɔɔ kuhuuzi pɔ-yɔɔ nɛ panɩɣ pʋyɔɔdʋʋnɩ-wɛ nɛ kɩ-tɛɛ se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ. Ɩnɩɩnɩ-ɩ!»

Yohanɛɛsɩ 17:18

Mentiyi-wɛ kedeŋa yɔɔ ñɩma hɛkʋ taa ɛzɩ ŋtiyuu-m kɔ-yɔɔ ñɩma hɛkʋ taa yɔ.

Yohanɛɛsɩ 17:21

Mentendiɣ-ŋ se ŋyele nɛ patɩŋa payɩ pala nɔɔ kʋɖʋmaɣ. Caa! Yele ɖa nɛ wɛ ɖɩwɛɛ ɖama taa ɛzɩ ma nɛ ŋ ɖɩwɛʋ ɖama taa yɔ. Ḿbʋ́ wɩlɩɣnɩ kedeŋa ñɩma se ñetiyini-m.

Room 14:8

Mbʋ́ pʋyɔɔ yɔ, yee ɖɩwɛ wezuu yɔ, ɖɩwɛɛ se ɖɩɖʋ Kɩpaɣlʋ hɩɖɛ. Yee ɖɩsɩkɩ yɔ, ɖɩsɩkɩ se ɖɩɖʋ-ɩ hɩɖɛ ɖɔɖɔ. Pʋ-yɔɔ lɛ, paa ɖɩwɛ wezuu yaa ɖɩsɩba yɔ, ɖɩkɛ Kɩpaɣlʋ ñɩma.

1 Kɔrɛntɩ 11:3

Paa ḿbʋ́ yɔ, me-liu wɛɛ se ɩtɩlɩ se: Krɩstʋ lɛ paa abalʋ weyi e-wiyaʋ nɛ abalʋ lɛ halʋ wiyaʋ nɛ Ɛsɔ lɛ Krɩstʋ wiyaʋ.

1 Kɔrɛntɩ 15:23

Ɛlɛ́, Ɛsɔ kɔŋ fezuu paa mbá nɛ pa-alɩwaatʋ: Krɩstʋ ɛcalɩnɩ fezuu. Ɛ-wayɩ lɛ, mbá pɛkɛ Krɩstʋ ɛnʋ ɛ-ñɩma yɔ, efeziɣ-wɛ alɩwaatʋ ndʋ́ Krɩstʋ pɩsɩɣ ɛkɔɔ yɔ.

1 Kɔrɛntɩ 15:28

Ɛsɔ ɖʋzʋʋ pɩtɩŋa payɩ Krɩstʋ nesi taa lɛ, ɛnʋ Ɛsɔ Pɩyalʋ maɣmaɣ eluzi ɛ-tɩ Ɛsɔ weyi ɛɖʋzʋʋ-pʋ e-nesi taa yɔ ɛ-tɛɛ. Peeɖe Ɛsɔ kɛɣ pɩtɩŋa payɩ pi-wiyaʋ.

1 Kɔrɛntɩ 7:22

Mbʋ́ pʋyɔɔ yɔ, weyi ɛɛkɛ yom nɛ pʋcɔ Kɩpaɣlʋ yaa-ɩ yɔ, ɛwɛ ɛ-tɩ yɔɔ ɛ nɛ Kɩpaɣlʋ ɛnʋ pɛ-kpɛndʋʋ taa. Đɔɖɔ lɛ, weyi ɛɛwɛ ɛ-tɩ yɔɔ nɛ pʋcɔ Krɩstʋ yaa-ɩ yɔ, ɛpɩsɩ Krɩstʋ ɛnʋ e-yom.

1 Kɔrɛntɩ 8:6

Paa ḿbʋ́ yɔ, ɖa ɖanawa se Ɛsɔ kʋɖʋm koŋ wɛna. Ɛnʋ lɛ ɖa-Caa. Ɛnʋ labɩnɩ pɩtɩŋa payɩ, ɛnʋ tɩnɩ-ɖʋ ɖe-wezuu caɣʋ taa. Kɩpaɣlʋ kʋɖʋm koŋ ɖɔɖɔ ɖɩwɛna. Ɛnʋ lɛ Yesu Krɩstʋ weyi Ɛsɔ tɩŋnɩ ɛ-yɔɔ nɛ ɛla mbʋ́ pɩtɩŋa payɩ pʋwɛ kedeŋa yɔɔ cɩnɛ yɔ. Ɛnʋ hanɩ-ɖʋ wezuu.

2 Kɔrɛntɩ 10:7

Ɩnaɣ wondu ɛsɛ yɔɔ yem. Yee nɔɔyʋ ɛna ɛ-maɣmaɣ se ɛkɛ Krɩstʋ tʋ lɛ, pɩlabɩ ɛzɩma ɛɛnaɣ se: ɖa ɖɔɖɔ ɖɩkɛ Krɩstʋ ñɩma ɛzɩ ɛnʋ yɔ?

Galaatɩ 3:29

Yee ɩkɛ Krɩstʋ ñɩma yɔ, pɩwɩlɩɣ ɖɔɖɔ se ɩkɛ Abraham sayɩnaa. Pʋ-yɔɔ lɛ, Ɛsɔ haɣ-mɩ mbʋ́ ɛɖʋwa se ɛhaɣ Abraham nɛ e-liɖe taa ñɩma yɔ.

Galaatɩ 5:24

Mbá pɛkɛ Krɩstʋ Yesu ñɩma yɔ, pɛtɛm kpaɣʋ pa-lakasɩ kɩdɛkɛdɩsɩ nzɩ́ paasɔɔlɩ labʋ kpem yɔ sɩtɩŋa payɩ nɛ paka kaamaŋkaɣ yɔɔ.

Efɛɛzɩ 1:10

Alɩwaatʋ talɩɣ lɛ, ɛlabɩ-pʋ: ekpeɣliɣ mbʋ́ pɩtɩŋa payɩ pʋwɛ ɛsɔdaa nɛ tataa yɔ wiyaʋ kʋɖʋm koŋ tɛɛ. Ɛnʋ lɛ Krɩstʋ.