1 Kɔrɛntɩ 3:16 - New Testament

¹⁶ Ɩtatɩlɩ se ɩwɛ ɛzɩ Ɛsɔ ɖɩɣa ŋgá e-Fezuu Kiɖeɖeu wɛ ka-taa yɔ yaa we?

1 Kɔrɛntɩ 3:16 ပူးပေါင်းရင်းမြစ်များ

Yohanɛɛsɩ 14:17

ɛnʋ lɛ toovenim Fezuu. Mbá paañaŋ Ɛsɔ yɔ, paapɩzɩɣ pamʋ-ɩ, mbʋ́ pʋyɔɔ yɔ, paapɩzɩɣ pana-ɩ yaa pasɩm-ɩ. Ɛlɛ́ mɩ yɔ, mɩsɩŋ-ɩ, mbʋ́ pʋyɔɔ yɔ, ɛwɛɣ mɩ-cɔlɔ nɛ mɩ nɛ ɩ ɩwɛɛ ɖama taa.

Room 6:16

Ɩtatɩlɩ se yee ɩkpaɣ mɩ-tɩ nɛ ɩcɛlɩ nɔɔyʋ nɛ ɩkɛ e-yomaa nɛ ɩñaŋ-ɩ yɔ, pʋbʋ, ɩkɛ e-yomaa kpem yaa we? Ḿbʋ́ ɖɔɖɔ ɩpɩzɩɣ ɩkɛ kɩwɛɛkɩm yomaa yaa Ɛsɔ yomaa. Ɛlɛ́, yee ɛyʋ ɛkɛ kɩwɛɛkɩm yom yɔ, puwokini-i sɩm taa. Yee ɛkɛ Ɛsɔ yom yɔ, piyeki nɛ ɛla mbʋ́ pʋtʋʋzaa yɔ.

Room 6:3

Lɩm sɔʋ sɔnzɩ kpɛndɩ ɖa nɛ Krɩstʋ Yesu. Sɩ-yɔɔ pɩtɩŋnaa nɛ ɖa nɛ ɩ ɖɩkpɛndɩ ɛ-sɩm taa. Mɩ-maɣmaɣ ɩtatɩlɩ ḿbʋ́ yaa we?

Room 8:11

Yee Ɛsɔ weyi efezi Yesu nɛ ɛlɩɩnɩ sɩɖaa taa yɔ e-Fezuu Kiɖeɖeu ɛwɛ mɩ-cɔlɔ lɛ, ɛzɩma ɛɛpɩzɩɣ ɛtɩŋnɩ e-Fezuu Kiɖeɖeu ŋgʋ́ kɩwɛ mɩ-cɔlɔ yɔ kɩ-yɔɔ nɛ efezi ɖɔɖɔ mi-tomnasɩ nzɩ́ sɩsɩkɩ yɔ?

Room 8:9

Mɩ lɛ, ɩɩcakɩ wezuu ɛzɩ pɩkɛdɩnaʋ mɩ-maɣmaɣ yɔ, ɩcakɩ-kʋ ɛzɩ pɩkɛdɩnaʋ Fezuu Kiɖeɖeu yɔ. Mbʋ́ pʋyɔɔ yɔ, Fezuu Kiɖeɖeu wɛ mɩ-cɔlɔ. Yee Krɩstʋ Fezuu ɛfɛyɩ nɔɔyʋ cɔlɔ yɔ, ɛtɛkɛ Krɩstʋ tʋ.

1 Kɔrɛntɩ 3:17

Yee nɔɔyʋ ɛyɔkɩ-kɛ yɔ, Ɛsɔ tɔyɩtʋʋ-ɩ. Mbʋ́ pʋyɔɔ yɔ, kɛkɛ ɛ-maɣmaɣ ɛ-pʋyʋ. Mɩ lɛ ɖɩɣa ŋ́gá.

1 Kɔrɛntɩ 3:9

Mbʋ́ pʋyɔɔ yɔ, ɖatɩŋa ɖɩkpɛndaa nɛ ɖɩlakɩ Ɛsɔ tʋmɩyɛ nɛ mɩ mɩwɛɛ ɛzɩ ɛ-hayɩm yɔ. Ɩwɛ ɖɔɖɔ ɛzɩ ɛ-ɖɩɣa yɔ.

1 Kɔrɛntɩ 5:6

Pɩfɛyɩ ɖeu se ɩkpazɩ mɩ-tɩ. Ɩtatɩlɩ se potuu eduuye se: «Sɔsɔɔna pazɩ yekina nɛ somtu huúú yaa we?»

1 Kɔrɛntɩ 6:16

Ɩtatɩlɩ ɖɔɖɔ se weyi ɛca halʋ weyi ɛlakɩ acɛyɛ yɔ, ɛ nɛ ɩ po-tomnasɩ pɩsɩ kʋɖʋmaɣ naa we? Mbʋ́ pʋyɔɔ yɔ, pama Ɛsɔtɔm Takayaɣ taa se: «Pa-naalɛ papɩsɩɣ tomnaɣ kʋɖʋmaɣ.»

1 Kɔrɛntɩ 6:19

Ɩtatɩlɩ se mi-tomnaɣ lɛ Fezuu ŋgʋ́ Ɛsɔ ha-mɩ nɛ kɩwɛɛ mɩ-taa yɔ kɩ-ɖɩɣa naa we? Pɩtɛkɛ mɩtɩnɩ mɩ-tɩ.

1 Kɔrɛntɩ 6:9

Ɩtatɩlɩ se kɩdɛkɛdɩm laɖaa ɛɛkaɣ sʋʋ Ɛsɔ Kewiyaɣ taa yaa we? Ɩtaacɛtɩ mɩ-tɩ: acɛyɛ laɖaa yaa sɩɩnaa layaa yaa acɛyɛ laɖaa yaa abalaa mbá pacaɣ ɖama yɔ

1 Kɔrɛntɩ 9:13

Ɩnawa se mbá palakɩ Ɛsɔ ɖɩɣa taa tʋmɩyɛ yɔ, pa-tʋmɩyɛ yɔɔ pɔtɔkɩ. Mbá paba ñalaɣ yɔ, kɩlaʋ ŋ́gʋ́ kɩ-taa pehikiɣ pɔtɔkɩ ɖɔɖɔ.

1 Kɔrɛntɩ 9:24

Ɩtatɩlɩ se mbá powoki seu yɔ, peseɣ patɩŋa payɩ, ɛlɛ́, weyi ɛwakɩ yɔ e-ɖeke koŋ palakɩ kʋjɔʋ naa we? Pʋ-yɔɔ lɛ, ɩñaɣ pana nɛ ise lidaʋ nʋmɔʋ taa nɛ ɩwa nɛ palabɩ-mɩ kʋjɔʋ ŋ́gʋ́.

2 Kɔrɛntɩ 6:16

Ɛbɛ Ɛsɔ ɖɩɣa nɛ kumola pakawa? Ŋgʋ́, ɖɩkɛ Ɛsɔ wezuu tʋ ɖɩɣa. Pʋwɛ ɛzɩ Ɛsɔ yɔɔdʋʋ se: «Mɛwɛɣ pɔ-cɔlɔ nɛ ma nɛ wɛ ɖɩɖɔ. Mɛnkɛɣ pɛ-Ɛsɔ nɛ pɛkɛ mɛ-ɛyáa» yɔ.

1 Timootee 3:15

Yee mɔntɔkɔɔ lɔŋ yɔ, takayaɣ kanɛ kawɩlɩɣnɩ-ŋ ɛzɩma mbʋ́ pʋwɛɛ se pɔɖɔ Ɛsɔ hɔʋ taa yɔ. Ŋ́gʋ́ lɛ Ɛsɔ weyi ɛwɛ wezuu yɔ ɛ-ŋgbɛyɛ. Ŋ́gʋ́ ɖɔɖɔ lɛ toovenim tɔm tilimiye nɛ ti-sisika.

2 Timootee 1:14

Đɔkɩ pʋyʋ kɩbanʋ weyi Ɛsɔ tɩŋnɩ e-Fezuu Kiɖeɖeu ŋgʋ́ kɩwɛ ɖa-taa yɔ kʋ-yɔɔ nɛ ɛ́ɖʋzɩ ñe-nesi taa yɔ nesi naalɛ kpam.

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

Yakubu 4:4

Mɩ, ɩwɛ ɛzɩ acɛyɛ tɩnaa yɔ! Ɩtatɩlɩ se yee nɔɔyʋ ɛsɔɔlɩ kedeŋa ñɩm kpem yɔ, ɛpɩsɩɣ Ɛsɔ koyindu naa we? Pʋ-yɔɔ lɛ, weyi ɛsɔɔlʋʋ kedeŋa ñɩm yɔ, ɛpɩsɩɣ Ɛsɔ koyindu kpaagbaa.

1 Pɩyɛ 2:5

Pʋwɛɛ se ɩwɛɛ ɛzɩ pɛɛ wena awɛ wezuu yɔ. Ana Ɛsɔ kpakɩɣ nɛ ɛtɩŋnɩ e-Fezuu Kiɖeɖeu yɔɔ nɛ ɛmanɩ ɛ-ɖɩɣa. Peeɖe ɩkɛɣ cɔjɔnaa mbá ɛlɩzɩ-wɛ nɛ patɩŋɩɣnɩ Yesu Krɩstʋ yɔɔ nɛ palaɣ-ɩ kɩlaŋ weyi paanaɣ nɛ e-liu wɛɛ-ɩ yɔ.

1 Yohanɛɛsɩ 4:12

Nɔɔyʋ tana Ɛsɔ wiɖiyi kaʋ. Ɛlɛ́, yee ɖɩsɔɔlɩ ɖama yɔ, pɩwɩlɩɣ se ɖa nɛ ɩ ɖɩkpɛndaa nɛ ɛ-sɔɔlɩm wɛɛ ɖa-taa siŋŋ.