1 Kɔrɛntɩ 3:13 - New Testament

¹³ pɔkɔŋ ɛ-tʋmɩyɛ naʋ. Mbʋ́ pʋyɔɔ yɔ, tɔm hʋʋ kɩyakʋ wiye lɛ, Ɛsɔ ɖʋʋ paa weyi ɛ-tʋmɩyɛ miŋ taa. Miŋ ɛnʋ ɛwɩlɩɣna se ɖɩwɛ ɖeu naa ɖɩfɛyɩ ɖeu nɛ pasɩm-ɖɩ.

1 Kɔrɛntɩ 3:13 ပူးပေါင်းရင်းမြစ်များ

Maatiyee 10:15

Toovenim lɛ, meheyiɣ-mɩ se kɩyakʋ ŋgʋ́ Ɛsɔ hʋʋnɩ ɛyáa yɔ, Sodom nɛ Gomɔɔrɩ ñɩma mbá Ɛsɔ kʋ-wɛ nɛ miŋ pa-kɩwɛɛkɩm yɔɔ yɔ, pa-kʋñɔŋ ɛɛtalɩɣ tɛtʋ ńdʋ́ tɩ-taa ñɩma ñɩŋgʋ.»

Maatiyee 16:27

Ɛyʋ Pɩyalʋ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ nɛ ɛhɛyɩ paa weyi mbʋ́ ɛlaba yɔ pʋ-yɔɔ.

Luka 2:35

Peeɖe eyeki nɛ pukuli mbʋ́ pɩtɩŋa payɩ ɛyáa sakɩyɛ maɣzɩɣ mɛsaɣ tɛɛ yɔ pʋ-yɔɔ nɛ paa weyi ɛna. Ña ko-ɖoo lɛ, ŋkɔŋ nɩʋ siziŋ ña-lɩmaɣza taa ɛzɩ pɔsɔbɩ-ŋ sɩɣa yɔ.»

Room 2:16

Ḿbʋ́ kaɣnɩ lɩʋ kɩyakʋ ŋgʋ́ Ɛsɔ kɔŋ ɛyáa tɔm hʋnaʋ yɔ. Ɛtɩŋɩɣnɩ Krɩstʋ Yesu yɔɔ nɛ ɛhʋʋnɩ ɛyáa mbʋ́ pɩtɩŋa payɩ palabɩ mɛsaɣ tɛɛ yɔ pʋ-yɔɔ. Ḿbʋ́ wɛnɩ Laŋhɛzɩyɛ Tɔm ndʋ́ monsusuu yɔ tɩ-taa.

Room 2:5

Ɛlɛ́, ña-laŋɩyɛ wɛ kpɩzɩŋ nɛ ŋŋcaɣ lɛɣzʋʋ. Pʋ-yɔɔ lɛ, Ɛsɔ pana tɛzɩɣ-ŋ kpanaʋ siŋŋ kɩyakʋ ŋgʋ́ ɛhʋʋnɩ ɛyáa tɔm siɣsiɣ yɔ.

1 Kɔrɛntɩ 1:8

Ɛsɔ ɛnʋ ɛhaɣnɩ-mɩ ɖoŋ nɛ ɩɖɔkɩ mɩ-tɩ ḿbʋ́ ɛ-nʋmɔʋ taa nɛ pʋkɔɔ pɩsɩɩnɩ kɛtɛzaɣ wiye se pataana kɩdɛkɛdɩm nabʋyʋ mɩ-yɔɔ puwiye nɖɩ́ ɖa-Kɩpaɣlʋ Yesu Krɩstʋ kɔŋ yɔ.

1 Kɔrɛntɩ 3:12

Paa nɔɔyʋ ɛtɩnɩ ɖɩ-yɔɔ nɛ sika yaa ñɩɣlɩ́m yaa pɛɛ kɩñɩlɩzɛɛ yaa ɖasɩ yaa kesi yaa ñɩtʋ yɔ,

1 Kɔrɛntɩ 4:5

Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.

2 Timootee 1:12

Pʋ-yɔɔ mɔntɔkɩ kʋñɔŋ kʋnɛ yɔ. Ɛlɛ́, fɛyɛ ɛɛkpaɣ-m nɛ kʋ, mbʋ́ pʋyɔɔ yɔ, mansɩm weyi ɛ-yɔɔ mɛwɛnɩ lidaʋ yɔ nɛ mana siŋŋ se ɛpɩzɩɣ ɛcɔnɩ mbʋ́ ɛɖʋzɩ me-nesi taa yɔ pʋ-yɔɔ nɛ pʋkɔɔ pɩsɩɩnɩ kɩyakʋ ŋgʋ́ ɛɖʋwa yɔ.

2 Timootee 1:18

Pʋ-yɔɔ lɛ, Kɩpaɣlʋ eyele nɛ Ɛsɔ na ɛ-pʋtɔdɩyɛ kɩyakʋ ŋgʋ́ ɛɖʋwa yɔ. Ŋsɩm ɖɔɖɔ tʋma wena atɩŋa payɩ ɛlabɩ-m Efɛɛzɩ yɔ nɛ pɩkɩlɩ lɛlaa tɩŋa.

2 Timootee 3:9

paakɔŋ talʋʋ ɖoli, mbʋ́ pʋyɔɔ yɔ, ɛyáa tɩŋa kɔŋ naʋ se pa-ñʋŋ taa fɛyɩ ɛzɩ pɩɩlabʋ Yaanɛɛsɩ nɛ Yambrɛɛsɩ yɔ.

2 Timootee 4:8

Lɛɛlɛɛyɔ lɛ, ɛsɩ man-kɩhɛyʋʋ nɛ ɛɖaŋnɩ-m: ŋ́gʋ́ lɛ tʋʋzʋʋ hulaɣ ŋgá Kɩpaɣlʋ kɔŋ-m cɛlʋʋ kɩyakʋ ŋgʋ́ ɛɖʋwa yɔ. Ɛtʋʋzɩ ɛ-tɔm hʋʋ taa. Pɩtɛkɛ men-ɖeke ɛkɔŋ-kʋ cɛlʋʋ, ɛlɛ́, ɛcɛlɩɣ-kʋ ɖɔɖɔ mbá patɩŋa payɩ paɖaŋnɩ sɔɔlɩm alɩwaatʋ ndʋ́ ɛkɔŋ yɔ.

Ebree 10:25

Nabɛyɛ wɛ ɖa-taa, pɩpɩsɩ-wɛ sɔnzɩ se pataakpeɣli nɛ poluŋ Ɛsɔ tɛɛ. Pɩfɛyɩ se ɖɩla ḿbʋ́. Ɛlɛ́, ɖɩsazɩ ɖama nɛ pɩlabɩ-ɖʋ hʋnʋm. Đɩwɛɛ pʋ-yɔɔ ḿbʋ́, mbʋ́ pʋyɔɔ yɔ, mɩ-maɣmaɣ ɩtɛm naʋ se kɩyakʋ ŋgʋ́ Kɩpaɣlʋ kɔŋ yɔ, kɩwɩzɩ talʋʋ.

1 Pɩyɛ 1:7

Pɩlakɩ-mɩ ḿbʋ́ se pana ɛzɩma mbʋ́ ɩwɛnɩ lidaʋ siŋŋ Ɛsɔ yɔɔ yɔ. Sika wɛʋ yɔ, kɔkɔŋ mʋʋ́ʋ. Paa ḿbʋ́ yɔ, paɖʋʋ-kɛ miŋ taa se pana se kɛkɛ kɩbaŋga naa kɛtɛkɛ. Ḿbʋ́ ɖɔɖɔ Ɛsɔ maɣzɩɣ mbá mɩ mi-lidaʋ kɩlɩ sika wazaɣ yɔ se ɛna kɩ-tɩnaɣ. Ḿbʋ́ yekina nɛ ɛsam-mɩ nɛ ɛɖʋ-mɩ hɩɖɛ kɩyakʋ ŋgʋ́ Yesu Krɩstʋ lɩzɩɣ ɛ-tɩ nɛ ɛwɩlɩ yɔ.

1 Pɩyɛ 4:12

Mɛ-ɛgbaɣdɩnaa! Pɩtaaɖɩɣzɩ-mɩ nɛ kʋñɔmɩŋ sɔsɔŋ weyi pamaɣzɩɣnɩ-mɩ se pana yɔ. Ɩtaakɛnɩ-mɩ ɛgɔndʋ pʋyʋ.

2 Pɩyɛ 3:10

Kɩyakʋ ŋgʋ́ Kɩpaɣlʋ kɔŋ yɔ, pʋwɛɣ ɛzɩ mɩ́lʋ́ kɔŋʋʋ yɔ. Puwiye ńɖɩ́ lɛ, pɩyakɩ kɔkɔɖɛ sɔsɔɖɛ naɖɩyɛ siŋŋ nɛ ɛsɔdaa mʋʋ́ʋ. Miŋ ñakɩ mbʋ́ pʋwɛ ɛsɔdaa yɔ. Tɛtʋ nɛ mbʋ́ pɩtɩŋa payɩ pʋwɛ tɩ-yɔɔ yɔ, paatasɩɣ wɛʋ.

2 Pɩyɛ 3:7

Ɛsɔ kɔyɔɔdɩ kʋyɔɔdʋ ɖɔɖɔ se ɛsɔdaa nɛ tɛtʋ mbá ɖɩnaɣ lɛɛlɛɛyɔ yɔ, pɛwɛɛ ḿbʋ́ nɛ pʋkɔɔ pɩsɩɩnɩ kɩyakʋ ŋgʋ́ paɖʋʋ-wɛ miŋ nɛ pañaɣ lusa yɔ. Puwiye ńɖɩ́ Ɛsɔ kɔŋ kañadɩnaa tɔm hʋnaʋ nɛ eyele pɛtɛŋɛlɩ.

Wɩlʋʋ 20:12

Mana ɖɔɖɔ sɩɖaa: ɖoŋ tɩnaa nɛ ajamaa pasɩŋ kewiyaɣ kpelaɣ ŋ́gá kɛ-ɛsɩndaa. Pukuli takayɩsɩ nasɩyɩ. Pukuli lɛɛka ɖɔɖɔ, ŋ́gá lɛ wezuu takayaɣ. Mbʋ́ sɩɖaa laba yɔ, pʋ-tɔm paama takayɩsɩ ńzɩ́ sɩ-taa, pʋ-yɔɔ pahʋʋnɩ-wɛ.