1 Kɔrɛntɩ 3:10 - New Testament

¹⁰ Ma lɛ, Ɛsɔ labɩ-m lootiye nɛ mɛwɛɛ ɛzɩ kuduyiŋ mayʋ kɩbanʋ weyi ɛsɩ tigiɖe nɛ lɛlʋ tɩnɩɣ ɖɩ-yɔɔ yɔ. Ɛlɛ́, pʋwɛɛ se paa weyi ɛtɩlɩ ɛzɩma mbʋ́ ɛtɩnɩɣ ɖɩ-yɔɔ yɔ.

1 Kɔrɛntɩ 3:10 ပူးပေါင်းရင်းမြစ်များ

Maatiyee 24:45

Yesu tɛm yɔɔdʋʋ ḿbʋ́ lɛ, ɛpɔzɩ ɛ-tɔmkpɛlɩkɩyaa se: «Akɛ tʋmlaɖʋ kɩbanʋ weyi ɛwɛ lɛɣtʋ yɔ? Ɛnʋ lɛ weyi ɛ-caa yekini-i ɖɩɣa se ɛcɔŋnɩ kɔ-yɔɔ nɛ ɛcɛlɩɣ tʋmlaɖaa lɛlaa tɔɔnaɣ alɩwaatʋ ndʋ́ pʋmʋnaa yɔ.

Maatiyee 7:24

Yesu tɛm-wɛ yɔɔdɩnaʋ lɛ, eheyi-wɛ se: «Weyi ewelesiɣ tɔm tʋnɛ tɩtɩŋa nɛ ɛɖɔŋ tɩ-yɔɔ yɔ, ɛwɛ ɛzɩ lɔŋsɩnɖʋ weyi ɛma ɛ-ɖɩɣa ɛwaɣ yɔɔ yɔ.

Luka 11:35

Pʋ-yɔɔ lɛ, ɖɔkɩ ña-tɩ camɩyɛ nɛ ñalɩmɩyɛ nɖɩ́ ŋwɛna yɔ, ɖɩtaapɩsɩ cɩkpɛndʋʋ.

Luka 21:8

Yesu cosi-wɛ se: «Ɩɖɔkɩ mɩ-tɩ camɩyɛ, ɩtaayele nɛ nɔɔyʋ yili-mɩ. Mbʋ́ pʋyɔɔ yɔ, ɛyáa sakɩyɛ kɔŋ Kʋɖʋm kʋɖʋm nɛ peyili-mɩ nɛ peheyi-mɩ se: ‹Ma lɛ Weyi Ɛsɔ Lɩzaa nɛ etiyini-mɩ› yɔ. Pakaɣ-mɩ heyuu ɖɔɖɔ se: ‹Alɩwaatʋ talaa.› Ɛlɛ́, ɩtaamʋ pɔ-tɔm nɛ ɩtɩŋ-wɛ.

Tʋma Labʋ 18:27

Pʋwayɩ lɛ, ɛɖʋ se ewoki Akayɩ egeetiye taa. Ɛlɛ́, taabalaa yele nɛ pɩlabɩ-ɩ hʋnʋm nɛ pama egeetiye ńɖɩ́ ɖɩ-taa taabalaa takayaɣ se ɛtalaa lɛ, pamʋ-ɩ ɖeu. Ɛtalaa lɛ, ɛwɛɛ wazaɣ siŋŋ mbá pɩtɩŋnɩ Ɛsɔ lootiye yɔɔ nɛ pɛwɛnɩ lidaʋ Yesu yɔɔ yɔ.

Room 1:5

Ɛ-yɔɔ pɩtɩŋnaa nɛ Ɛsɔ labɩ-m lootiye nɛ ɛha-m waɖɛ se mɛnkɛ Yesu ɛnʋ e-tiyiyu nɛ meyele nɛ ajɛya kpeekpe taa ɛyáa wɛnɩ lidaʋ ɛ-yɔɔ nɛ pañam-ɩ. Ḿbʋ́ yekina nɛ paɖʋ-ɩ hɩɖɛ.

Room 12:3

Lootiye nɖɩ́ Ɛsɔ labɩ-m yɔ ɖɩ-yɔɔ lɛ, pɩha-m waɖɛ se meheyi paa mɩ-taa weyi se ɛtaakpazɩ ɛ-tɩ ɖenɖe ɛtatalɩ yɔ. Ɛlɛ́, ɛwɛnɩ lɩmaɣza wena amaɣnaa yɔ. Paa weyi ɛsɩɩnɩ lidaʋ ŋgʋ́ Ɛsɔ ha-ɩ yɔ kɩ-kámaɣ́ yɔɔ.

Room 15:15

Paa ḿbʋ́ yɔ, mama-mɩ-tʋ kpayɩ ɖoli ɖoli se mɔntɔzɩ-mɩ mbʋ́ ɩɩtɛm kpɛlɩkʋʋ nɛ pɩɖɛɛ yɔ. Lootiye nɖɩ́ Ɛsɔ labɩ-m yɔ, ńɖɩ́ hanɩ-m waɖɛ se mama-mɩ ḿbʋ́.

Room 15:20

Manɖʋwa siŋŋ se monsusuu Laŋhɛzɩyɛ Tɔm ɖenɖe pɔtɔyɔɔdɩdɩ Krɩstʋ tɔm yɔ nɛ mantaakɔɔ mantɩnɩ nɔɔyʋ tigiɖe yɔɔ.

1 Kɔrɛntɩ 3:11

Mbʋ́ pʋyɔɔ yɔ, nɔɔyʋ ɛɛpɩzɩɣ ɛtasɩ tigiɖe naɖɩyɛ sɩʋ nɛ pɩtasɩnɩ nɖɩ́ pɛtɛm sɩʋ yɔ. Ńɖɩ́ lɛ Yesu Krɩstʋ.

1 Kɔrɛntɩ 9:2

Paa lɛlaa ɛtakpaɣ-m se mɛnkɛ Krɩstʋ tiyiyu yɔ, pʋwɛɛ se mɩ mɩkpaɣ-m se mɛnkɛ-ɩ. Mbʋ́ pʋyɔɔ yɔ, mɩ nɛ Kɩpaɣlʋ mɩ-kpɛndʋʋ taa lɛ, mɩ lɛ mbʋ́ pɩwɩlɩɣ toovenim se malabɩ Krɩstʋ tiyiyu tʋmɩyɛ yɔ.

2 Kɔrɛntɩ 10:15

Đɩɩkʋndʋʋnɩ lɛlaa tʋma. Ɛlɛ́, ɖɩtaɣ liu se ɩtɛzɩɣ lidaʋ wɛnaʋ Krɩstʋ yɔɔ. Peeɖe ɖɩpɩzɩɣ ɖɩla tʋmɩyɛ mɩ-hɛkʋ taa nɛ pɩɖɛnɩ ɛsɩndaa. Ɛlɛ́, ɖɩɩlakɩ nɛ pɩɖɛɛ mbʋ́ Ɛsɔ ɖʋ-ɖʋ yɔ pʋ-yɔɔ.

Efɛɛzɩ 2:20

Mɩ lɛ ɖɩɣa ŋgá Yesu tiyiyaa nɛ náyaa pɛkɛ ke-kiɖe yɔ ko-kolonzi. Krɩstʋ Yesu maɣmaɣ lɛ pɩyɛ nɖɩ́ ɖɩkɩlɩ wazaɣ yɔ.

Koloosi 1:29

Pʋ-yɔɔ mankʋʋ man-tɩ nɛ tʋmɩyɛ nɛ e-ɖoŋ seɣtiɣ-m siŋŋ nɛ malʋkɩ.

Koloosi 4:17

Iheyi Arciipu se ɛ́ɖɔ́kɩ ɛ-tɩ nɛ tʋmɩyɛ nɖɩ́ etisaa nɛ Kɩpaɣlʋ ɖʋzɩ e-nesi taa yɔ nɛ ɛpɩzɩ ɛlabɩ-ɖɩ.

1 Tesalooniki 3:2

nɛ piyele ɖitiyi ɖa-tʋmlaɖʋ Timootee. Ɛkɛ Ɛsɔ tʋmlaɖʋ nɛ esusuu Krɩstʋ Laŋhɛzɩyɛ Tɔm. Đitiyi-i mɩ-cɔlɔ se eyele nɛ ɩtɛzɩ pɩʋ nɛ pɩlabɩ-mɩ hʋnʋm mi-lidaʋ wɛnaʋ taa

1 Timootee 4:16

Ñaɣ pana ŋɖɔkɩ ña-tɩ nɛ ŋɖʋ ɛsɩyɛ mbʋ́ ŋwɩlɩɣ yɔ pʋ-yɔɔ. Mbʋ́ pʋyɔɔ yɔ, yee ŋlabɩ ḿbʋ́ yɔ, ŋyakɩ ña nɛ mbá pewelesiɣni-ŋ yɔ mɩ-ñʋʋ.

2 Timootee 2:15

Ñaɣ pana nɛ ŋkɛ ɛyʋ weyi pasɩm ɛ-yɔɔ yɔ Ɛsɔ ɛsɩndaa ɛzɩ tʋmlaɖʋ weyi fɛyɛ ɛɛkpaɣ-ɩ nɛ ɛ-tʋmɩyɛ nɛ esusuu toovenim tɔm camɩyɛ yɔ.

Yakubu 3:1

Man-taabalaa! Itaakpedesi mɩtɩŋa se ɩpɩsɩ Ɛsɔtɔm wɩlɩyaa. Mbʋ́ pʋyɔɔ yɔ, ɩtɛm naʋ se mbá ɖa ɖɩkɛ wɩlɩyaa yɔ, Ɛsɔ kɔŋ-ɖʋ hʋnaʋ nɛ pɩkɩlɩ lɛlaa.

1 Pɩyɛ 4:11

Yee Ɛsɔ ɛha nɔɔyʋ se esusi ɛ-tɔm yɔ, ńdʋ́ pʋwɛɛ se esusi. Yee ɛha nɔɔyʋ se ɛsɩnɩ lɛlaa yɔ, pʋwɛɛ se ɛsɩnɩ-wɛ nɛ ɖoŋ weyi Ɛsɔ ha-ɩ yɔ. Ḿbʋ́ yekina nɛ ɛyáa tɩŋnɩ Yesu Krɩstʋ yɔɔ nɛ pasa Ɛsɔ mbʋ́ pɩtɩŋa payɩ ɩlakɩ yɔ pɩ-taa. Ɛnʋ tɩnɩ koboyaɣ nɛ ɖoŋ tam. Pɩla ḿbʋ́!

2 Pɩyɛ 3:15

Ɩtɩlɩ se ɖa-Kɩpaɣlʋ hɔyɛ ɖɔkʋʋ haɣnɩ-mɩ waɖɛ se pɩya mɩ-ñʋʋ. Ḿbʋ́ Ɛsɔ ha ɖa-taabalʋ kʋsɔɔlʋ Pɔɔlɩ lɔŋsɩnɖɛ nɛ ɛma nɛ eheyi-mɩ ɖɔɖɔ.

Wɩlʋʋ 21:14

Tɛtʋ ńdʋ́, ti-koloŋa kɛwɛnɩ tigila hiu nɛ naalɛ, pama a-yɔɔ Heɣa tiyiyaa hiu nɛ naalɛ hɩla.

Wɩlʋʋ 21:19

Pacanɩ ti-koloŋa tigila nɛ ñɩɣlɩ́m pɛɛ ndɩ ndɩ: wena pasɩ kiɖe tɛɛ yɔ, payaɣ-yɛ se yaaspɩ, wena patɩnɩ a-yɔɔ yɔ, payaɣ alɛ se saafiirɩ, tozo ɖeɖe lɛ, patɩnɩ wena payaɣ se agaatɩ yɔ nɛ naza ɖeɖe wena payaɣ se emeroodɩ yɔ,