1 Kɔrɛntɩ 2:8 - New Testament

⁸ Kedeŋa awiya taa nɔɔyʋ tasɩ lɔŋsɩnɖɛ ńɖɩ́. Mbʋ́ pʋyɔɔ yɔ, yee paasɩm-ɖɩ yɔ, pataaka Kɩpaɣlʋ weyi ɛtɩnɩ koboyaɣ yɔ kaamaŋkaɣ yɔɔ.

1 Kɔrɛntɩ 2:8 ပူးပေါင်းရင်းမြစ်များ

Maatiyee 11:25

Alɩwaatʋ ńdʋ́ tɩ-taa Yesu tɔm se: «Man-Caa! Ɛsɔdaa nɛ tataa Kɩpaɣlʋ! Mansaŋ-ŋ. Mbʋ́ pʋyɔɔ yɔ, ŋkuli tɔm ndʋ́ ŋmɛsɩ lɔŋsɩnɖaa nɛ lɛɣsɩnɖaa yɔ tɩ-yɔɔ nɛ piya ajamaa nɩɩ tɩ-tɔbʋʋ.

Maatiyee 13:22

Lɛlaa wɛ ɛzɩ kpaŋsɔɔ taa ɖenɖe pee tɔlaa yɔ. Pɛtɛŋ Ɛsɔtɔm nɩʋ lɛ, kedeŋa yɔɔ cɩnɛ lɩmaɣza wena akʋʋ ɛyáa yɔ nɛ ñɩm mbʋ́ pɩkɛdɩɣnɩ ɛyáa yɔ, pɩ-lɩmaɣza sʋʋ pa-taa nɛ paɖɩɣ-tʋ nʋmɔʋ nɛ paawɛɣnɩ kɛzɛɣa.

Luka 23:34

Ɛlɛ́, Yesu tɔ se: «Caa! Kpeɣ-wɛ pa-kɩwɛɛkɩm, patasɩ mbʋ́ palakɩ yɔ.» Alɩwaatʋ ńdʋ́ lɛ, paɖʋwaɣ miika se patayɩ ɖama e-wondu.

Yohanɛɛsɩ 16:3

Pɔkɔŋ labʋ ḿbʋ́, mbʋ́ pʋyɔɔ yɔ, patasɩ Caa yaa ma.

Yohanɛɛsɩ 7:48

Đa-awiya taa nɔɔyʋ yaa ɖa Farɩsɩ ñɩma, ɖa-taa nɔɔyʋ tisi ɛ-tɔm naa we? Đɩtasa.

Yohanɛɛsɩ 8:19

Peeɖe pɔpɔzɩ-ɩ se: «Le ña-Caa wɛɛ?» Ecosi-wɛ se: «Yee ɩɩsɩm-m yɔ, ɩɩsɩm ɖɔɖɔ man-Caa. Ɩtasɩm-m, ɩtasɩ ɖɔɖɔ man-Caa.»

Tʋma Labʋ 13:27

Toovenim lɛ, Yeruusalɛm ñɩma nɛ pa-awiya, pekizi Yesu nɛ pɩkpɛndɩnɩ náyaa tɔm ndʋ́ pakalaɣ paa kɩyakʋ kɩhɛzʋʋ ŋgʋ́ yɔ. Ɛlɛ́, palabɩ tɔm ńdʋ́ tɩ-yɔɔ, mbʋ́ pʋyɔɔ yɔ, pahʋnɩ Yesu nɛ pakʋ ɛ-tɔm.

Tʋma Labʋ 7:2

Ɛ́lɛ́ cosi-i se: «Man-caanaa nɛ man-taabalaa mɩ! Ɩma nɩŋgbaaŋ nɛ ɩnɩɩ. Ɛsɔ koboyaɣ tʋ kalɩzɩ ɛ-tɩ nɛ ɛwɩlɩ ɖɔ-cɔzɔ Abraham alɩwaatʋ ndʋ́ ɛɛwɛ Mezoopotamii yɔ nɛ pʋcɔ ɛ́lɛ́ kʋyɩ ewolo Haraɣ.

1 Kɔrɛntɩ 1:20

Yee ḿbʋ́ weyi ɛmaɣzɩɣ se ɛkɛ lɔŋsɩnɖʋ yɔ, se we ɛpɩzɩɣ ɛtasɩ yɔɔdʋʋ? Nɛ weyi ɛ́lɛ́ woba sukuli yɔ? Nɛ weyi ɛ́lɛ́ maɣzɩɣ se ɛsɩm tɔm yɔɔdʋʋ camɩyɛ yɔ, ɛwazɩɣ we? Se we ɛyáa panɛ patɩŋa papɩzɩɣ patasɩ yɔɔdʋʋ ɖɔɖɔ? Paawazɩɣ pʋyʋ, mbʋ́ pʋyɔɔ yɔ, Ɛsɔ wɩlaa se kedeŋa ñɩma lɔŋsɩnɖɛ kɛ kɩmɛlɛndʋ.

1 Kɔrɛntɩ 2:6

Ŋgʋ́, lɔŋsɩnɖɛ tɔm ɖisusuu ɛyáa mbá papɩ Ɛsɔ nʋmɔʋ taa siŋŋ yɔ. Ɛlɛ́, pɩtɛkɛ kedeŋa ñɩma lɔŋsɩnɖɛ yaa kedeŋa awiya mbá pɔkɔŋ labʋ asayʋʋ yɔ pa-ñɩnɖɛ.

2 Kɔrɛntɩ 3:14

Pa-ñʋŋ taa kakpa ɖoŋ nɛ halɩ nɛ sɔnɔ yee pakalɩɣ Nɔɔ Haʋ Kɩbɩm Takayaɣ yɔ, paanɩɣ kɔ-tɔbʋʋ. Pʋwɛ ɛzɩ kɛtɛɛka ŋgá kohuuzi pɛ-ɛsɩndaa tam yɔ. Weyi ɛ nɛ Krɩstʋ pɛkpɛndaa yɔ, e-ɖeke koŋ ɛ-ɛsɩndaa kɛtɛɛka ŋ́gá kamʋkɩ.

Efɛɛzɩ 1:17

Malakɩ ḿbʋ́ se ɖa-Kɩpaɣlʋ Yesu Krɩstʋ Ɛsɔ, Caa koboyaɣ tʋ ɛha-mɩ lɔŋsɩnɖɛ Fezuu nɛ kɩwɩlɩ-mɩ pɩtɩŋa nɛ ɩtɩlɩ-ɩ.

Efɛɛzɩ 4:18

Pɛwɛ cɩkpɛndʋʋ tɛɛ, paasɩŋ wezuu ŋgʋ́ Ɛsɔ haɣ yɔ, pa-laŋkpɩzɩyɛ yɔɔ lɛ, pɛwɛ kaatɩlɩtʋ taa.

1 Timootee 1:13

Ŋgʋ́, maawɛɛkɩ ɛ-hɩɖɛ nɛ mɛwɛɛ ɛ-wayɩ kaŋ kaŋ nɛ mantʋʋ-ɩ ɖɔɖɔ. Ɛlɛ́, ɛna man-pʋtɔdɩyɛ, mbʋ́ pʋyɔɔ yɔ, mantaatɩlɩ mbʋ́ malakaɣ yɔ. Mbʋ́ pʋyɔɔ yɔ, mantaawɛnɩ lidaʋ ɛ-yɔɔ.

Yakubu 2:1

Man-taabalaa! Đenɖe ɩwɛnɩ lidaʋ ɖa-Kɩpaɣlʋ Yesu Krɩstʋ weyi ɛwɛ Ɛsɔ koboyaɣ taa yɔ ɛ-yɔɔ yɔ, ɩtaacɔnɩ nɔɔyʋ ɛsɩndaa nɛ pʋcɔ ɩlabɩ-ɩ pʋyʋ.