1 Kɔrɛntɩ 2:6 - New Testament

⁶ Ŋgʋ́, lɔŋsɩnɖɛ tɔm ɖisusuu ɛyáa mbá papɩ Ɛsɔ nʋmɔʋ taa siŋŋ yɔ. Ɛlɛ́, pɩtɛkɛ kedeŋa ñɩma lɔŋsɩnɖɛ yaa kedeŋa awiya mbá pɔkɔŋ labʋ asayʋʋ yɔ pa-ñɩnɖɛ.

1 Kɔrɛntɩ 2:6 ပူးပေါင်းရင်းမြစ်များ

Maatiyee 13:22

Lɛlaa wɛ ɛzɩ kpaŋsɔɔ taa ɖenɖe pee tɔlaa yɔ. Pɛtɛŋ Ɛsɔtɔm nɩʋ lɛ, kedeŋa yɔɔ cɩnɛ lɩmaɣza wena akʋʋ ɛyáa yɔ nɛ ñɩm mbʋ́ pɩkɛdɩɣnɩ ɛyáa yɔ, pɩ-lɩmaɣza sʋʋ pa-taa nɛ paɖɩɣ-tʋ nʋmɔʋ nɛ paawɛɣnɩ kɛzɛɣa.

Maatiyee 19:21

Ɛlɛ́, Yesu heyi-i se: «Yee ŋcaɣ se ŋtɛzɩ labʋ mbʋ́ Ɛsɔ liu wɛɛ yɔ yɔ, wolo ŋpɛdɩ mbʋ́ pɩtɩŋa payɩ ŋwɛna yɔ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Maatiyee 5:48

Pʋ-yɔɔ lɛ, ɩtɛzɩ pɩʋ Ɛsɔ nʋmɔʋ taa nɛ ɩwɛɛ ɛzɩ mɩ-Caa weyi ɛwɛ ɛsɔdaa yɔ.»

Luka 16:8

Pʋwayɩ lɛ, tʋmlaɖʋ ɛzaɣ́ʋ ɛnʋ ɛ-caa yɩɣyɩ-ɩ. Mbʋ́ pʋyɔɔ yɔ, ɛwɛnɩ lɛɣtʋ. Kedeŋa kanɛ kɔ-yɔɔ ñɩma wɛnɩ lɛɣtʋ pa-lakasɩ taa nɛ pɩkɩlɩ ñalɩmɩyɛ taa ñɩma.

1 Kɔrɛntɩ 1:28

Ɛnʋ lɩzɩnɩ ɖɔɖɔ mbá pɛfɛyɩ wazaɣ nakɛyɛ kedeŋa yɔɔ cɩnɛ nɛ ɛyáa takpaɣ-wɛ payaa pʋyʋ nɛ pɛfɛyɩ natʋyʋ taa kpem yɔ. Ɛlɩzɩ-wɛ se papɩsɩ sɔsaa mbá pamaɣzɩɣ se pawazɩɣ pʋyʋ yɔ pɛ-ɛsɩndaa.

1 Kɔrɛntɩ 12:8

Pʋ-yɔɔ kɩha ɖa-taa nabɛyɛ lɔŋsɩnɖɛ se pɔyɔɔdɩna, nɛ kɩha lɛlaa lɛɣtʋ se paba ɛyɔɔdɩna ɖɔɖɔ.

1 Kɔrɛntɩ 14:20

Taabalaa, ɩtaawɛnɩ pɩcatʋ lɩmaɣza. Kɩdɛkɛdɩm ɖeɖe lɛ, ɩwɛɛ ɛzɩ piya yɔ. Ɛlɛ́, ɩmaɣzɩ ɛzɩ sɔsaa yɔ.

1 Kɔrɛntɩ 2:1

Taabalaa, alɩwaatʋ ndʋ́ mɔnkɔm mɩ-tɛ se meheyi-mɩ Ɛsɔ tɔm ndʋ́ tɩwɛ mɛsaɣ tɛɛ yɔ, pɩtɛkɛ tɔm sɔsɔtʋ natʋyʋ yaa lɔŋsɩnɖɛ sɔsɔɖɛ naɖɩyɛ meheyini-mɩ-tʋ.

1 Kɔrɛntɩ 2:13

Đɩɩyɔɔdʋʋ pʋ-tɔm nɛ tɔm ndʋ́ kedeŋa lɔŋsɩnɖaa wɩlɩɣ yɔ. Ɛlɛ́, ndʋ́ Fezuu Kiɖeɖeu wɩlɩɣ yɔ ɖɩyɔɔdʋʋna. Pʋ-yɔɔ ɖɩlɩzɩɣ kʋ-tɔm ńdʋ́ tɩ-tɔbʋʋ mbá Ɛsɔ ha-wɛ-kʋ yɔ.

1 Kɔrɛntɩ 2:8

Kedeŋa awiya taa nɔɔyʋ tasɩ lɔŋsɩnɖɛ ńɖɩ́. Mbʋ́ pʋyɔɔ yɔ, yee paasɩm-ɖɩ yɔ, pataaka Kɩpaɣlʋ weyi ɛtɩnɩ koboyaɣ yɔ kaamaŋkaɣ yɔɔ.

1 Kɔrɛntɩ 3:1

Taabalaa, mantaapɩzɩɣ se mɔyɔɔdɩnɩ-mɩ ɛzɩ mbá Ɛsɔ ha-wɛ e-Fezuu Kiɖeɖeu yɔ. Ɛlɛ́, mɔyɔɔdɩnɩ-mɩ ɛzɩ mbá palakɩ ɛzɩ ɖooo paalakʋʋ yɔ yaa ɛzɩ mbá pɛkɛ piya pɩcɩɩcɩyɩmwaa Krɩstʋ nʋmɔʋ taa yɔ.

2 Kɔrɛntɩ 1:12

Mbʋ́ ɖɩkʋndʋʋna yɔ lɛ se: ɖɩnaɣ ɖa-taa se ɖe-wezuu caɣʋ kedeŋa yɔɔ cɩnɛ, kɔzɩkɔzɩ mɩ-ɛsɩndaa lɛ, ɖɩwɛ yayɩ nɛ ɖɩyɔɔdʋʋ toovenim. Ɛsɔ cɔlɔ pɩlɩnɩ pɩtɩŋa. Pɩtɛkɛ ɛyáa lɔŋsɩnɖɛ yɔɔ pɩtɩŋnaa. Ɛlɛ́, Ɛsɔ lootiye yɔɔ pɩtɩŋnaa.

2 Kɔrɛntɩ 13:11

Taabalaa, pɩlabɩ wiɖiyi! Ɩñaɣ pana nɛ ɩtɛzɩ pɩʋ Ɛsɔ nʋmɔʋ taa. Ɩhɛzɩ ɖama laŋa. Ɩla nɔɔ kʋɖʋmaɣ. Ɩwɛɛ laŋhɛzɩyɛ taa nɛ Ɛsɔ weyi ɛsɔɔlɩ ɛyáa nɛ ɛhɛzɩɣ pa-laŋa yɔ, ɛwɛɛ mɩ-cɔlɔ.

2 Kɔrɛntɩ 4:3

Yee Laŋhɛzɩyɛ Tɔm ndʋ́ ɖisusuu yɔ tɩ-taa ɛwɛ cɩkpɛndʋʋ ɖɔɖɔ yɔ, mbá peleki yɔ tɩwɛ cɩkpɛndʋʋ.

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

Efɛɛzɩ 2:2

Ɩcakaɣ wezuu kɩwɛɛkɩm taa ɛzɩ pʋwɛʋ kedeŋa yɔɔ cɩnɛ yɔ nɛ ɩñaŋ ɛsɔdaa nɛ tataa pɛ-hɛkʋ taa ɖoŋ wiyaʋ. Wiyaʋ ɛnʋ lɛ Satanɩ. Ɛnʋ seɣtiɣni mbá paañaŋ Ɛsɔ yɔ lɛɛlɛɛyɔ.

Koloosi 1:28

Ɛ-tɔm ɖisusuu nɛ ɖɩkaŋ paa weyi ɛ-ñʋʋ taa nɛ ɖɩwɩlɩɣ-ɩ nɛ ɖɔ-lɔŋsɩnɖɛ tɩŋa. Đɩlakɩ ḿbʋ́ se pɩtɩŋnɩ ɛ nɛ Krɩstʋ pɛ-kpɛndʋʋ yɔɔ nɛ ɛpɩɩ.

Koloosi 4:12

Epafraasɩ weyi ɛ-tɛ mɩ-tɛ ɖɔɖɔ yɔ, ɛsɛ-mɩ. Ɛkɛ Krɩstʋ Yesu tʋmlaɖʋ, ɛwɛɛ ɛlʋkɩ mɩ-yɔɔ ɛ-Ɛsɔ sɛtʋ taa se ɩsɩŋ mi-ɖeɖe ḿbʋ́ mi-lidaʋ wɛnaʋ taa nɛ ɩtɛzɩ pɩʋ nɛ ɩtɩlɩ mbʋ́ Ɛsɔ liu wɛɛ yɔ siŋŋ.

Ebree 5:14

Sɔsaa lɛ, tɔɔnaɣ yuŋ ñɩŋga paba ñɔtɔkɩ. Mbʋ́ pʋyɔɔ yɔ, pɛkpɛlɩkaa nɛ patɩlɩ kɩbandʋ nɛ ɛzaɣ́tʋ.

Ebree 6:1

Pʋ-yɔɔ lɛ, ɖɩɖɛɛnɩ ɛsɩndaa nɛ ɖɩkpɛlɩkɩ Krɩstʋ tɔm ɛzɩ mbá papɩ lidaʋ wɛnaʋ taa yɔ. Đɩtaawɛɛ ɖɩnɩɣnɩ ndʋ́ pɛkpɛlɩkɩ-ɖʋ kajalaɣ taa yɔ ti-ɖeke. Pɩtatasɩ pɔzʋʋ se pɛkpɛlɩkɩ-mɩ natʋyʋ ɛzɩ: tʋma wena aawazɩɣ pʋyʋ yɔ a-yebu nɛ Ɛsɔ yɔɔ lidaʋ wɛnaʋ

Yakubu 3:15

Mbá palakɩ ḿbʋ́ yɔ, pɔ-lɔŋsɩnɖɛ talɩɩnɩ Ɛsɔ cɔlɔ. Ɛlɛ́, kedeŋa yɔɔ cɩnɛ ɖɩlɩnaa, ɛyáa lɔŋsɩnɖɛ pɩkɛnaa, aleewaa cɔlɔ ɖɩlɩnaa.

Yakubu 3:2

Pɩpaŋ coɖuu ɖatɩŋa payɩ Ɛsɔ nʋmɔʋ taa. Yee putocoɖi nɔɔyʋ kaʋ ɛ-yɔɔdaɣ taa yɔ, nabʋyʋ fɛyɩ se paawanɩ-ɩ. Ɛpɩzɩɣ ɛtɛzɩ ɛ-tɩ ɖɔkʋʋ kpam.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.