1 Kɔrɛntɩ 2:4 - New Testament

⁴ Monsusaɣ-mɩ Ɛsɔtɔm lɛ, pɩtɛkɛ ɛyáa lɔŋsɩnɖɛ monsusaɣnɩ-mɩ-tʋ se mawabɩnɩ-mɩ. Ɛlɛ́, Fezuu Kiɖeɖeu ɖoŋ wɩlɩnɩ-mɩ se tɔm ndʋ́ monsusuu yɔ, tɩkɛ toovenim.

1 Kɔrɛntɩ 2:4 ပူးပေါင်းရင်းမြစ်များ

Tʋma Labʋ 20:27

Mbʋ́ pʋyɔɔ yɔ, meheyi-mɩ mbʋ́ Ɛsɔ ɖʋwa se ɛkɔŋ labʋ yɔ pɩtɩŋa payɩ, mɛntɛmɛsɩ-mɩ natʋyʋ.

Tʋma Labʋ 26:28

Peeɖe Agriipaa pɩsɩnɩ-ɩ se: «Ŋcaɣ se manpɩsɩ Krɩstʋ tʋ lɛɛlɛɛyɔ lɛɛlɛɛyɔ yaa we?»

Room 15:13

Ɛsɔ weyi eyeki se ɖɩtaa-ɩ yɔ, ɛtɩŋnɩ lidaʋ ŋgʋ́ ɩwɛnɩ ɛ-yɔɔ yɔ kʋ-yɔɔ nɛ eyele mɩ-laŋa hʋlʋmɩ siŋŋ nɛ ɛhɛzɩ-yɛ camɩyɛ. Peeɖe pɩtɩŋɩɣnɩ e-Fezuu Kiɖeɖeu ɖoŋ yɔɔ nɛ ɩtɛzɩ-ɩ taʋ kpem.

Room 15:19

Ɛlabɩ ɖɔɖɔ hama lakasɩ ndɩ ndɩ nɛ ɛwɩlɩ Fezuu Kiɖeɖeu ɖoŋ. Ḿbʋ́ monsusi Krɩstʋ Laŋhɛzɩyɛ Tɔm siŋŋ, kpaɣ Yeruusalɛm nɛ puwolo pɩsɩɩnɩ Iliirii.

Room 16:18

Mbʋ́ pʋyɔɔ yɔ, pɩtɛ ɛyáa ḿbá, paalakɩ ɖa-Kɩpaɣlʋ Krɩstʋ tʋmɩyɛ. Ɛlɛ́, pe-hiliŋ taa ɖeke pɔcɔŋna nɛ palakɩ nɔɔ leleŋ nɛ pɛcɛtɩɣnɩ mbá patasɩmdɩ pʋyʋ yɔ.

1 Kɔrɛntɩ 1:17

Krɩstʋ tetiyi-m se mɔnkɔɔ mala ɛyáa lɩm sɔʋ sɔnzɩ. Ɛlɛ́, etiyi-m se monsusi Laŋhɛzɩyɛ Tɔm. Maasusuu-tʋ ɛyáa ɛzɩ weyi ɛyɔɔdʋʋnɩ ɛ-maɣmaɣ ɛ-lɔŋsɩnɖɛ camɩyɛ yɔ. Pɩtɛkɛ ḿbʋ́, sɩm mbʋ́ Krɩstʋ sɩbɩ kaamaŋkaɣ yɔɔ yɔ, pɩɩtasɩɣ wɛnaʋ wazaɣ nakɛyɛ.

1 Kɔrɛntɩ 2:1

Taabalaa, alɩwaatʋ ndʋ́ mɔnkɔm mɩ-tɛ se meheyi-mɩ Ɛsɔ tɔm ndʋ́ tɩwɛ mɛsaɣ tɛɛ yɔ, pɩtɛkɛ tɔm sɔsɔtʋ natʋyʋ yaa lɔŋsɩnɖɛ sɔsɔɖɛ naɖɩyɛ meheyini-mɩ-tʋ.

1 Kɔrɛntɩ 2:13

Đɩɩyɔɔdʋʋ pʋ-tɔm nɛ tɔm ndʋ́ kedeŋa lɔŋsɩnɖaa wɩlɩɣ yɔ. Ɛlɛ́, ndʋ́ Fezuu Kiɖeɖeu wɩlɩɣ yɔ ɖɩyɔɔdʋʋna. Pʋ-yɔɔ ɖɩlɩzɩɣ kʋ-tɔm ńdʋ́ tɩ-tɔbʋʋ mbá Ɛsɔ ha-wɛ-kʋ yɔ.

1 Kɔrɛntɩ 4:20

Mbʋ́ pʋyɔɔ yɔ, pɩtɛkɛ ɛyáa yɔɔdaɣ panaɣnɩ ɛzɩma mbʋ́ Ɛsɔ tɔkɩ e-Kewiyaɣ yɔ. Ɛlɛ́, pa-lakasɩ panaɣna.

2 Kɔrɛntɩ 6:6

Đɔɖɔ lɛ, ɖɩtɩŋɩɣnɩ ɖa-cɩɖɩcɩɖɩ wɛtʋ nɛ ɖɔ-lɔŋsɩnɖɛ nɛ ɖa-tɩ ɖɔkʋʋ nɛ ɖa-camɩyɛ lakasɩ nɛ Fezuu Kiɖeɖeu nɛ ɖɔ-sɔɔlɩm siŋŋ

Galaatɩ 1:10

Ɩmaɣzɩɣ se mɔyɔɔdʋʋ ḿbʋ́ yɔ, mancaɣ se ɛyáa ɩyɩɣyɩ-m yaa Ɛsɔ ɛyɩɣyɩnɩ-m? Ɩmaɣzɩɣ se malakɩ se pɩwɛɛ pɩkɛdɩɣnɩ ɛyáa naa we? Yee me-liu ɛɛwɛ ḿbʋ́ yɔ, mantaakɛnɩ Krɩstʋ tʋmlaɖʋ.

Koloosi 2:4

Meheyiɣ-mɩ ḿbʋ́ se nɔɔyʋ ɛtaakɔɔ ɛcɛtɩ-mɩ nɛ ɛ-nɔɔ leleŋ.

1 Tesalooniki 1:5

Toovenim lɛ, Laŋhɛzɩyɛ Tɔm ndʋ́ ɖisusi-mɩ yɔ, pɩtɛkɛ nɔɔ taa yem ɖɩlaba. Ɛlɛ́, pɩtɩŋnɩ Fezuu Kiɖeɖeu yɔɔ nɛ ɩna ti-ɖoŋ nɛ ɛzɩma ɖɩtaɣ-tʋ liu siŋŋ yɔ. Mɩ-maɣmaɣ ɩna ɛzɩma mbʋ́ ɖɩcaɣ wezuu mɩ-hɛkʋ taa yɔ, ɖɩlabɩ ḿbʋ́ se pɩsɩnɩ-mɩ.

1 Pɩyɛ 1:12

Ɛsɔ wɩlɩ-wɛ kpayɩ se tɔm ndʋ́ posusaɣ yɔ, pɩtɛkɛ pa-tɩ posusaɣ-tʋ. Ɛlɛ́, mɩ posusaɣ-tʋ. Lɛɛlɛɛyɔ, Laŋhɛzɩyɛ Tɔm susiyaa heyi-mɩ-tʋ. Fezuu Kiɖeɖeu ŋgʋ́ kɩlɩnɩ ɛsɔdaa yɔ, ki-ɖoŋ paba heyini-mɩ-tʋ. Halɩ Ɛsɔ tiyiyaa maɣmaɣ ñɩnaɣ se patɩlɩ-tʋ.

2 Pɩyɛ 1:16

Toovenim lɛ, pɩtɛkɛ mʋya wena ɛyáa maɣzɩɣ nɛ pamʋyʋʋ yɔ a-yɔɔ ɖɩtɩŋnaa nɛ ɖɩkɛdɩ-mɩ ɛzɩma mbʋ́ ɖa-Kɩpaɣlʋ Yesu Krɩstʋ kɔŋnɩ ɖoŋ yɔ. Mbʋ́ pʋyɔɔ yɔ, ɖa-maɣmaɣ ɖɩna e-koboyaɣ nɛ ɖɛ-ɛsɛ.

2 Pɩyɛ 2:18

Pɔyɔɔdʋʋ camɩyɛ, ɛlɛ́ pɩkɛ kɩmɛlɛndʋ tɔm. Piteleɖida yɔ, nabɛyɛ lɩʋ ɛyáa mbá pelebi nʋmɔʋ yɔ pa-taa yɔ. Ḿbá cɛtɩm tɔm wɩlɩyaa peɣziɣ. Palakɩ yem yem lakasɩ nzɩ́ pa-maɣmaɣ pe-liu wɛɛ yɔ nɛ peyilini-wɛ.