1 Kɔrɛntɩ 2:14 - New Testament

¹⁴ Ɛlɛ́, mbá ɛtaha-wɛ-kʋ yɔ, paapɩzɩɣ petisi toovenim tɔm ndʋ́ kiheyiɣ ɛyáa yɔ. Pamaɣzɩɣ se tɩkɛ kɩmɛlɛndʋ tɔm. Paapɩzɩɣ panɩɩ-tʋ. Mbʋ́ pʋyɔɔ yɔ, mbá Ɛsɔ ha-wɛ e-Fezuu Kiɖeɖeu yɔ pe-ɖeke papɩzɩɣna panɩɩ tɩ-tɔbʋʋ.

1 Kɔrɛntɩ 2:14 ပူးပေါင်းရင်းမြစ်များ

Maatiyee 16:23

Ɛlɛ́, ekisini Pɩyɛ yɔɔ nɛ eheyi-i se: «Satanɩ, ɖɛɛ mɔ-yɔɔ! Ŋcaɣ se ŋtuuli-m ma-nʋmɔʋ taa. Mbʋ́ pʋyɔɔ yɔ, ña-lɩmaɣza tɛkɛ Ɛsɔ ñɩna, ɛyáa ñɩna akɛnaa.»

Yohanɛɛsɩ 10:20

Pa-taa sakɩyɛ tɔŋaɣ se: «Ekem aleewaa! Ɛsʋ kpaaŋ! Ɛbɛ yɔɔ ɩnɩɣnɩ-ɩ?»

Yohanɛɛsɩ 12:37

Ɛɛlaba hama lakasɩ ndɩ ndɩ Yuda ñɩma ɛsɩndaa, paa ḿbʋ́ yɔ, pɛfɛyɩnɩ lidaʋ ɛ-yɔɔ.

Yohanɛɛsɩ 14:17

ɛnʋ lɛ toovenim Fezuu. Mbá paañaŋ Ɛsɔ yɔ, paapɩzɩɣ pamʋ-ɩ, mbʋ́ pʋyɔɔ yɔ, paapɩzɩɣ pana-ɩ yaa pasɩm-ɩ. Ɛlɛ́ mɩ yɔ, mɩsɩŋ-ɩ, mbʋ́ pʋyɔɔ yɔ, ɛwɛɣ mɩ-cɔlɔ nɛ mɩ nɛ ɩ ɩwɛɛ ɖama taa.

Yohanɛɛsɩ 14:26

Sɩnɩyʋ ɛnʋ lɛ Fezuu Kiɖeɖeu. Ŋ́gʋ́ Caa kɔŋ-mɩ tiyinaʋ nɛ mɔ-nɔɔ. Kɩkɔŋ-mɩ wɩlʋʋ pɩtɩŋa nɛ kɩtɔzɩ-mɩ mbʋ́ pɩtɩŋa payɩ meheyi-mɩ yɔ.

Yohanɛɛsɩ 15:26

Sɩnɩyʋ kaɣ kɔm: ɛnʋ lɛ toovenim Fezuu ŋgʋ́ kɩlɩɣnɩ Caa cɔlɔ yɔ. Caa cɛlɩɣnɩ-m-kʋ nɛ mentiyini-mɩ, ŋ́gʋ́ kɔŋnɩ lɩzʋʋ ma-aseɣɖe.

Yohanɛɛsɩ 5:44

Mbá mɩ ɩyɩɣyɩɣ ɖama nɛ ɩɩcaɣ se Ɛsɔ ɖeke koŋ ɛyɩɣyɩnɩ-mɩ yɔ, ɛzɩma ɩpɩzɩɣ ɩwɛnɩ lidaʋ mɔ-yɔɔ?

Yohanɛɛsɩ 8:43

Pɩlabɩ ɛzɩma nɛ ɩɩnɩɣ tɔm ndʋ́ meheyiɣ-mɩ yɔ tɩ-tɔbʋʋ? Pʋwɛ ḿbʋ́, mbʋ́ pʋyɔɔ yɔ, ɩɩpɩzɩɣ iwelesi mɔn-tɔm.

Tʋma Labʋ 16:14

Halaa ḿbá, payaɣ pa-taa lɛlʋ se Liidii, ɛkɛ Tiyaatiiri tʋ nɛ ɛpɛdɩɣ pɩsaŋ kɩsɛmɩŋ. Ɛñaŋaɣ Ɛsɔ, Kɩpaɣlʋ kuli ɛ-lɩmaɣza yɔɔ se ɛnɩɩnɩ Pɔɔlɩ camɩyɛ.

Tʋma Labʋ 17:18

Peeɖe lɔŋsɩnɖaa mbá pɛkɛ Epikuri nɛ Sitoyiisi pa-aŋgba taa ñɩma yɔ, powobi Pɔɔlɩ cɔlɔ nɛ pa nɛ ɩ pɔyɔɔdʋʋ nɛ pa-taa lɛlaa tɔŋ se: «Abalʋ kɔkɔɖɛ yaɖʋ ɛnɛ, se we ɛyɔɔdʋʋ yee?» Lɛlaa ñanɩ ɛyɔɔdaɣ Yesu sɩm nɛ e-fem pɔ-tɔm ḿbʋ́ lɛ, paba ñɔtɔŋ se: «Paa pɩɩla ɛzɩma, agɔlɩma kɩfana tɔm ɛyɔɔdʋʋ.»

Tʋma Labʋ 17:32

Mbá pɛwɛ peeɖe yɔ, panɩ Pɔɔlɩ yɔɔdaɣ sɩɖaa fem tɔm ḿbʋ́ lɛ, pa-taa lɛlaa woŋ-i nɛ lɛlaa ñɔtɔŋ se: «Wiɖiyi lɛ, ŋŋtasɩ kɔm nɛ ŋheyi-ɖʋ-tʋ.»

Tʋma Labʋ 18:15

Ɛlɛ́, ɖenɖe pɩkɛnɩ tɔm hɔm yem tɔm pee nɛ hɩla nɛ mɩ-maɣmaɣ mɩ-paɣtʋ pɔ-yɔɔ yɔ, mɩ-cɔlɔ lɛ. Maahʋʋ pɩtɛ tɔm ńdʋ́!»

Tʋma Labʋ 25:19

Ɛlɛ́, pa-maɣmaɣ pɔ-sɔnzɩ nɛ abalʋ weyi payaɣ se Yesu, ɛsɩba nɛ Pɔɔlɩ ñɔtɔŋ se ɛ nɛ ɛ-ɛsɛ yɔ, pʋ-yɔɔ pɔhɔŋaɣnɩ ɖama tɔm.

1 Kɔrɛntɩ 1:18

Tɔm ndʋ́ posusuu se Krɩstʋ sɩbɩ kaamaŋkaɣ yɔɔ yɔ, mbá pɛwɛ asayʋʋ nʋmɔʋ taa yɔ, panɩɣ-tʋ lɛ, tɩwɛ-wɛ ɛzɩ kɩmɛlɛndʋ tɔm yɔ. Ɛlɛ́, mbá ɖa payakɩ ɖa-ñʋʋ yɔ, tɩkɛnɩ-ɖʋ Ɛsɔ ɖoŋ.

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

1 Kɔrɛntɩ 1:23

Piyele ɖa lɛ, ɖisusuu Krɩstʋ weyi pakam-ɩ kaamaŋkaɣ yɔɔ yɔ ɛ-tɔm. Tɔm ńdʋ́, tɩkɛnɩ Yuda ñɩma mbʋ́ putuuluu-wɛ yɔ nɛ tɩkɛnɩ mbá pɛtɛkɛ Yuda ñɩma yɔ ɛzɩ kɩmɛlɛndʋ tɔm yɔ.

1 Kɔrɛntɩ 1:25

Mbʋ́ pʋyɔɔ yɔ, Ɛsɔ lɩmaɣza wena ɛyáa kpakɩɣ se akɛ kɩmɛlɛndʋ yɔ, akɩlɩ ɛyáa lɔŋsɩnɖɛ. Ɛ-lakasɩ nzɩ́ ɛyáa kpakɩɣ ɖɔɖɔ se sɩwɛ ɛjandʋ yɔ, sɩkɩlɩ ɛyáa ɖoŋ.

1 Kɔrɛntɩ 15:44

Pepiŋ-wɛ nɛ tomnaɣ ŋgá panaɣ yɔ, ɛlɛ́ pefemni ɛsɔdaa ñɩŋga. Yee tomnaɣ ŋgá panaɣ yɔ kɛwɛɛ yɔ, pʋwɛɛ se ɛsɔdaa ñɩŋga wɛɣ ɖɔɖɔ.

1 Kɔrɛntɩ 15:46

Pɩtɛkɛ ɛsɔdaa tomnaɣ calɩnɩ wɛʋ, ɛlɛ́, kedeŋa yɔɔ ñɩŋga. Pʋwayɩ lɛ, ɛsɔdaa ñɩŋga ñɔkɔɔ.

1 Kɔrɛntɩ 2:12

Ŋgʋ́ ɖa lɛ, pɩtɛkɛ kedeŋa fezuu paha-ɖʋ. Ɛlɛ́, Ɛsɔ hanɩ-ɖʋ e-Fezuu Kiɖeɖeu se ɖɩpɩzɩ ɖɩtɩlɩ ɛ-ñɩm mbʋ́ paha-ɖʋ falaa yɔ.

1 Kɔrɛntɩ 3:1

Taabalaa, mantaapɩzɩɣ se mɔyɔɔdɩnɩ-mɩ ɛzɩ mbá Ɛsɔ ha-wɛ e-Fezuu Kiɖeɖeu yɔ. Ɛlɛ́, mɔyɔɔdɩnɩ-mɩ ɛzɩ mbá palakɩ ɛzɩ ɖooo paalakʋʋ yɔ yaa ɛzɩ mbá pɛkɛ piya pɩcɩɩcɩyɩmwaa Krɩstʋ nʋmɔʋ taa yɔ.

Yakubu 3:15

Mbá palakɩ ḿbʋ́ yɔ, pɔ-lɔŋsɩnɖɛ talɩɩnɩ Ɛsɔ cɔlɔ. Ɛlɛ́, kedeŋa yɔɔ cɩnɛ ɖɩlɩnaa, ɛyáa lɔŋsɩnɖɛ pɩkɛnaa, aleewaa cɔlɔ ɖɩlɩnaa.

1 Yohanɛɛsɩ 2:20

Mɩ lɛ, Ɛsɔ Ñɩnʋ ha-mɩ e-Fezuu Kiɖeɖeu ɛzɩ papɩyʋʋ ɛyʋ ñʋʋ taa num yɔ nɛ mɩtɩŋa payɩ ɩnaɣ mbʋ́ pɩkɛ toovenim yɔ.

1 Yohanɛɛsɩ 2:27

Mɩ lɛ, Fezuu ŋgʋ́ Yesu Krɩstʋ ha-mɩ ɛzɩ papɩyʋʋ ɛyʋ ñʋʋ taa num yɔ, kɩwɛ mɩ-cɔlɔ. Yee ḿbʋ́ pɩtatasɩ pɔzʋʋ se nɔɔyʋ ɛkpɛlɩkɩ-mɩ, mbʋ́ pʋyɔɔ yɔ, kɩwɩlɩɣ-mɩ pɩtɩŋa payɩ nɛ toovenim, cɛtɩm fɛyɩ pɩ-taa. Pʋ-yɔɔ lɛ, mɩ nɛ Yesu Krɩstʋ mɩ-kpɛndʋʋ ɛwɛɛ ḿbʋ́ ɛzɩ Fezuu Kiɖeɖeu ŋ́gʋ́ kɩwɩlʋʋ-mɩ yɔ.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.

Yuudi 1:19

Ḿbá ɖɔɖɔ yekina nɛ ɛyáa tayɩɣ ɖama. Mbʋ́ pʋwɛ pa-maɣmaɣ pa-taa yɔ, pi-ɖeke palakɩ. Fezuu Kiɖeɖeu fɛyɩ pɔ-cɔlɔ.