1 Kɔrɛntɩ 2:13 - New Testament

¹³ Đɩɩyɔɔdʋʋ pʋ-tɔm nɛ tɔm ndʋ́ kedeŋa lɔŋsɩnɖaa wɩlɩɣ yɔ. Ɛlɛ́, ndʋ́ Fezuu Kiɖeɖeu wɩlɩɣ yɔ ɖɩyɔɔdʋʋna. Pʋ-yɔɔ ɖɩlɩzɩɣ kʋ-tɔm ńdʋ́ tɩ-tɔbʋʋ mbá Ɛsɔ ha-wɛ-kʋ yɔ.

1 Kɔrɛntɩ 2:13 ပူးပေါင်းရင်းမြစ်များ

Luka 12:12

Mbʋ́ pʋyɔɔ yɔ, Fezuu Kiɖeɖeu wɩlɩɣ-mɩ ndʋ́ pʋmʋnaa se ɩyɔɔdɩ alɩwaatʋ ńdʋ́ yɔ.»

Tʋma Labʋ 2:4

Ɛlɛ́, Fezuu Kiɖeɖeu tii kɩwɛɛ patɩŋa pɔ-yɔɔ nɛ papazɩ yɔɔdʋʋ kʋnʋmɩŋ ndɩ ndɩ weyi kɩha-wɛ ɖoŋ se pɔyɔɔdɩ yɔ.

1 Kɔrɛntɩ 1:17

Krɩstʋ tetiyi-m se mɔnkɔɔ mala ɛyáa lɩm sɔʋ sɔnzɩ. Ɛlɛ́, etiyi-m se monsusi Laŋhɛzɩyɛ Tɔm. Maasusuu-tʋ ɛyáa ɛzɩ weyi ɛyɔɔdʋʋnɩ ɛ-maɣmaɣ ɛ-lɔŋsɩnɖɛ camɩyɛ yɔ. Pɩtɛkɛ ḿbʋ́, sɩm mbʋ́ Krɩstʋ sɩbɩ kaamaŋkaɣ yɔɔ yɔ, pɩɩtasɩɣ wɛnaʋ wazaɣ nakɛyɛ.

1 Kɔrɛntɩ 14:2

Toovenim lɛ, weyi ɛyɔɔdʋʋ kʋnʋmɩŋ ndɩ ndɩ yɔ, pɩtɛkɛ ɛyáa ɛyɔɔdʋʋna, ɛlɛ́, Ɛsɔ ɛyɔɔdʋʋna. Mbʋ́ pʋyɔɔ yɔ, nɔɔyʋ ɛɛnɩɣ ndʋ́ ɛyɔɔdʋʋ yɔ. Fezuu Kiɖeɖeu wɩlɩɣnɩ-ɩ mɛsaɣ tɛɛ tɔm nɛ ɛyɔɔdʋʋ.

1 Kɔrɛntɩ 2:1

Taabalaa, alɩwaatʋ ndʋ́ mɔnkɔm mɩ-tɛ se meheyi-mɩ Ɛsɔ tɔm ndʋ́ tɩwɛ mɛsaɣ tɛɛ yɔ, pɩtɛkɛ tɔm sɔsɔtʋ natʋyʋ yaa lɔŋsɩnɖɛ sɔsɔɖɛ naɖɩyɛ meheyini-mɩ-tʋ.

1 Kɔrɛntɩ 2:14

Ɛlɛ́, mbá ɛtaha-wɛ-kʋ yɔ, paapɩzɩɣ petisi toovenim tɔm ndʋ́ kiheyiɣ ɛyáa yɔ. Pamaɣzɩɣ se tɩkɛ kɩmɛlɛndʋ tɔm. Paapɩzɩɣ panɩɩ-tʋ. Mbʋ́ pʋyɔɔ yɔ, mbá Ɛsɔ ha-wɛ e-Fezuu Kiɖeɖeu yɔ pe-ɖeke papɩzɩɣna panɩɩ tɩ-tɔbʋʋ.

1 Kɔrɛntɩ 2:4

Monsusaɣ-mɩ Ɛsɔtɔm lɛ, pɩtɛkɛ ɛyáa lɔŋsɩnɖɛ monsusaɣnɩ-mɩ-tʋ se mawabɩnɩ-mɩ. Ɛlɛ́, Fezuu Kiɖeɖeu ɖoŋ wɩlɩnɩ-mɩ se tɔm ndʋ́ monsusuu yɔ, tɩkɛ toovenim.

1 Kɔrɛntɩ 9:11

Đisusi-mɩ Ɛsɔtɔm nɛ tɩwɛɛ mɩ-taa ɛzɩ poɖuu ɖomaɣ hayɩm taa yɔ. Pʋ-yɔɔ lɛ, ɖɩɩɖɛlɛsɩɣ niye alɩwaatʋ ndʋ́ ɖɩpɔzʋʋ-mɩ se ɩha-ɖʋ mbʋ́ ɖɩcakɩnɩ wezuu yɔ.

Efɛɛzɩ 5:19

Ɩkpɛndɩ ɖama nɛ ɩma keɣsi nɛ itee hendu ndʋ́ Fezuu Kiɖeɖeu wɩlɩɣ-mɩ yɔ. Itee hendu nɛ ɩyɩɣyɩ Kɩpaɣlʋ nɛ mɩ-laŋɩyɛ tɩŋa pilim.

Koloosi 3:16

Iyele ɖɔɖɔ nɛ Krɩstʋ tɔm su mɩ-taa ɖo: ɩkpɛlɩkɩ ɖama nɛ ɩka ɖama ñʋŋ taa nɛ mɩ-lɔŋsɩnɖɛ tɩŋa. Itee hendu nɛ ɩsa Ɛsɔ nɛ mɩ-laŋɩyɛ tɩŋa pilim e-lootiye yɔɔ: ɩyaa keɣsi nɛ itee-i hendu ndʋ́ ndʋ́ e-Fezuu Kiɖeɖeu wɩlɩɣ-mɩ yɔ.

1 Pɩyɛ 1:12

Ɛsɔ wɩlɩ-wɛ kpayɩ se tɔm ndʋ́ posusaɣ yɔ, pɩtɛkɛ pa-tɩ posusaɣ-tʋ. Ɛlɛ́, mɩ posusaɣ-tʋ. Lɛɛlɛɛyɔ, Laŋhɛzɩyɛ Tɔm susiyaa heyi-mɩ-tʋ. Fezuu Kiɖeɖeu ŋgʋ́ kɩlɩnɩ ɛsɔdaa yɔ, ki-ɖoŋ paba heyini-mɩ-tʋ. Halɩ Ɛsɔ tiyiyaa maɣmaɣ ñɩnaɣ se patɩlɩ-tʋ.

2 Pɩyɛ 1:16

Toovenim lɛ, pɩtɛkɛ mʋya wena ɛyáa maɣzɩɣ nɛ pamʋyʋʋ yɔ a-yɔɔ ɖɩtɩŋnaa nɛ ɖɩkɛdɩ-mɩ ɛzɩma mbʋ́ ɖa-Kɩpaɣlʋ Yesu Krɩstʋ kɔŋnɩ ɖoŋ yɔ. Mbʋ́ pʋyɔɔ yɔ, ɖa-maɣmaɣ ɖɩna e-koboyaɣ nɛ ɖɛ-ɛsɛ.