1 Kɔrɛntɩ 2:12 - New Testament

¹² Ŋgʋ́ ɖa lɛ, pɩtɛkɛ kedeŋa fezuu paha-ɖʋ. Ɛlɛ́, Ɛsɔ hanɩ-ɖʋ e-Fezuu Kiɖeɖeu se ɖɩpɩzɩ ɖɩtɩlɩ ɛ-ñɩm mbʋ́ paha-ɖʋ falaa yɔ.

1 Kɔrɛntɩ 2:12 ပူးပေါင်းရင်းမြစ်များ

Room 8:1

Tɔm ńdʋ́ tɩtɩŋa tɩ-yɔɔ lɛ, lɛɛlɛɛyɔ paatasɩɣ kʋʋ mbá pa nɛ Krɩstʋ Yesu palabɩ nɔɔ kʋɖʋmaɣ yɔ pɔ-tɔm kaʋ.

Room 8:32

Ɛnʋ weyi etohuuzi ɛ-maɣmaɣ ɛ-Pɩyalʋ yɔɔ nɛ eyele palaa-ɩ ɖatɩŋa payɩ ɖɔ-yɔɔ yɔ, ɛzɩma ɛɛhaɣ-ɖʋ mbʋ́ pɩtɩŋa payɩ pʋwɛ ɛ-cɔlɔ yɔ falaa?

1 Kɔrɛntɩ 1:27

Ɛlɛ́, Ɛsɔ lɩzɩ mbá ɛyáa kpakɩɣ se kɩmɛlɛmɩŋ yɔ nɛ ɛɖʋnɩ lɔŋsɩnɖaa fɛyɛ. Ɛlɩzɩ ɖɔɖɔ mbʋ́ pʋwɛ ɛjandʋ kedeŋa yɔɔ yɔ nɛ ɛɖʋnɩ mbʋ́ pʋwɛ ɖoŋ yɔ fɛyɛ.

1 Kɔrɛntɩ 2:6

Ŋgʋ́, lɔŋsɩnɖɛ tɔm ɖisusuu ɛyáa mbá papɩ Ɛsɔ nʋmɔʋ taa siŋŋ yɔ. Ɛlɛ́, pɩtɛkɛ kedeŋa ñɩma lɔŋsɩnɖɛ yaa kedeŋa awiya mbá pɔkɔŋ labʋ asayʋʋ yɔ pa-ñɩnɖɛ.

1 Kɔrɛntɩ 3:22

paa ma Pɔɔlɩ yaa Apoloosi yaa Pɩyɛ. Paa kedeŋa yaa wezuu yaa sɩm yaa mbʋ́ pʋwɛ sɔnɔ yaa mbʋ́ pʋkɔŋ yɔ yɔ, pɩtɩŋa payɩ pɩkɛ mɩ-ñɩm ɖɔɖɔ.

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

Efɛɛzɩ 2:2

Ɩcakaɣ wezuu kɩwɛɛkɩm taa ɛzɩ pʋwɛʋ kedeŋa yɔɔ cɩnɛ yɔ nɛ ɩñaŋ ɛsɔdaa nɛ tataa pɛ-hɛkʋ taa ɖoŋ wiyaʋ. Wiyaʋ ɛnʋ lɛ Satanɩ. Ɛnʋ seɣtiɣni mbá paañaŋ Ɛsɔ yɔ lɛɛlɛɛyɔ.

Yakubu 4:5

Ɩmaɣzɩɣ se Ɛsɔtɔm Takayaɣ taa tɔm tʋnɛ, tɩfɛyɩ wazaɣ naa we? Ńdʋ́ lɛ se: «Ɛsɔ ñɩnɩɣ fezuu ŋgʋ́ ɛha-ɖʋ yɔ nɛ sʋsɩ.»

1 Yohanɛɛsɩ 2:20

Mɩ lɛ, Ɛsɔ Ñɩnʋ ha-mɩ e-Fezuu Kiɖeɖeu ɛzɩ papɩyʋʋ ɛyʋ ñʋʋ taa num yɔ nɛ mɩtɩŋa payɩ ɩnaɣ mbʋ́ pɩkɛ toovenim yɔ.

1 Yohanɛɛsɩ 2:27

Mɩ lɛ, Fezuu ŋgʋ́ Yesu Krɩstʋ ha-mɩ ɛzɩ papɩyʋʋ ɛyʋ ñʋʋ taa num yɔ, kɩwɛ mɩ-cɔlɔ. Yee ḿbʋ́ pɩtatasɩ pɔzʋʋ se nɔɔyʋ ɛkpɛlɩkɩ-mɩ, mbʋ́ pʋyɔɔ yɔ, kɩwɩlɩɣ-mɩ pɩtɩŋa payɩ nɛ toovenim, cɛtɩm fɛyɩ pɩ-taa. Pʋ-yɔɔ lɛ, mɩ nɛ Yesu Krɩstʋ mɩ-kpɛndʋʋ ɛwɛɛ ḿbʋ́ ɛzɩ Fezuu Kiɖeɖeu ŋ́gʋ́ kɩwɩlʋʋ-mɩ yɔ.

Wɩlʋʋ 12:9

Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.

Wɩlʋʋ 22:6

Pʋwayɩ lɛ, Ɛsɔ tiyiyu ɛnʋ, eheyi-m se: «Tɔm tʋnɛ, tɩkɛ toovenim, tɩlakɩ ḿbʋ́. Kɩpaɣlʋ Ɛsɔ weyi ɛwɩlɩɣ náyaa ɛ-lɩmaɣza yɔ, etiyi e-tiyiyu se ɛwɩlɩ ɛ-tʋmlaɖaa mbʋ́ pʋwɛɛ se pala alɩwaatʋ pazɩ taa yɔ.»