1 Kɔrɛntɩ 2:10 - New Testament

¹⁰ Đa Ɛsɔ tɩŋnɩ e-Fezuu Kiɖeɖeu yɔɔ nɛ ɛwɩlɩ-pʋ. Toovenim lɛ se Fezuu Kiɖeɖeu sɩm pɩtɩŋa payɩ, halɩ pɩkpɛndɩnɩ mbʋ́ pʋwɛ ɖooo Ɛsɔ taa yɔ.

1 Kɔrɛntɩ 2:10 ပူးပေါင်းရင်းမြစ်များ

Maatiyee 13:11

Yesu cosi-wɛ se: «Ɛsɔ taha-wɛ lɛɣtʋ se panɩɩ e-Kewiyaɣ tɔm ndʋ́ tɩwɛ mɛsaɣ tɛɛ yɔ, tɩ-tɔbʋʋ yɔɔ mɔyɔɔdʋʋnɩ-wɛ ḿbʋ́. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ.

Maatiyee 16:17

Peeɖe Yesu heyi-i se: «Yoonaasɩ pɩyalʋ Siimɔɔ! Ŋhiɣ ña-tɩ! Mbʋ́ pʋyɔɔ yɔ, pɩtɛkɛ ɛyʋ nɔɔyʋ heyini-ŋ-tʋ. Ɛlɛ́, man-Caa weyi ɛwɛ ɛsɔdaa yɔ, ɛwɩlɩnɩ-ŋ-tʋ.

Luka 10:21

Yesu yɔɔdaɣ ḿbʋ́ lɛ, Fezuu Kiɖeɖeu yele nɛ ɛ-laŋɩyɛ hʋlʋmɩ siŋŋ nɛ ɛtɔ se: «Man-Caa! Ɛsɔdaa nɛ tataa Kɩpaɣlʋ! Mansaŋ-ŋ. Mbʋ́ pʋyɔɔ yɔ, ŋmɛsɩ ñɔ-tɔm lɔŋsɩnɖaa nɛ lɛɣsɩnɖaa nɛ ŋkuli tɩ-yɔɔ nɛ mbá pɛtɛkɛ pʋyʋ yɔ panɩɩ tɩ-tɔbʋʋ. Man-Caa! Ñɔsɔɔlɩna se pɩla ḿbʋ́ nɛ pɩla ɖɔɖɔ.»

Luka 2:26

nɛ keheyi-i se ɛnaɣ Weyi Kɩpaɣlʋ Lɩzaa nɛ etiyi-i yɔ nɛ pʋcɔ ɛsɩ.

Yohanɛɛsɩ 14:26

Sɩnɩyʋ ɛnʋ lɛ Fezuu Kiɖeɖeu. Ŋ́gʋ́ Caa kɔŋ-mɩ tiyinaʋ nɛ mɔ-nɔɔ. Kɩkɔŋ-mɩ wɩlʋʋ pɩtɩŋa nɛ kɩtɔzɩ-mɩ mbʋ́ pɩtɩŋa payɩ meheyi-mɩ yɔ.

Yohanɛɛsɩ 16:13

Toovenim Fezuu ŋ́gʋ́, kʋkɔŋ lɛ, kɩwɩlɩ-mɩ toovenim nʋmɔʋ tɩŋa. Pɩtɛkɛ ki-ɖoŋ ɖeke kʋyɔɔdʋʋna. Ɛlɛ́, ndʋ́ tɩtɩŋa payɩ kɩnɩɣ yɔ, kɩkɛdɩɣ-mɩ nɛ kiheyi-mɩ mbʋ́ pʋkɔŋ labʋ yɔ.

1 Kɔrɛntɩ 14:30

Ɛlɛ́, yee Ɛsɔ ɛwɩlɩ nɔɔyʋ natʋyʋ peeɖe yɔ, pʋwɛɛ se weyi ɛyɔɔdaɣ yɔ esu nɛ ɛ́lɛ́ ñɔyɔɔdɩ.

1 Kɔrɛntɩ 2:11

Apɩzɩɣ ɛtɩlɩ mbʋ́ pʋwɛ lɛlʋ taa yɔ? Ɛlɛ́, paa weyi ɛ-maɣmaɣ ɛ-kalɩzaɣ tɩlɩɣnɩ mbʋ́ pʋwɛ ɛ-taa yɔ. Ḿbʋ́ ɖɔɖɔ mbʋ́ pʋwɛ Ɛsɔ taa yɔ, nɔɔyʋ ɛɛpɩzɩɣ ɛtɩlɩ-pʋ nɛ pɩtasɩnɩ Ɛsɔ ɛnʋ ɛ-maɣmaɣ e-Fezuu.

Galaatɩ 1:12

Pɩtɛkɛ ɛyʋ nɔɔyʋ kɛdɩnɩ-m-tʋ yaa nɔɔyʋ kpɛlɩkɩnɩ-m-tʋ, ɛlɛ́, Yesu Krɩstʋ maɣmaɣ wɩlɩnɩ-m-tʋ.

Efɛɛzɩ 3:3

Ńdʋ́ lɛ se ɛwɩlɩ-m mbʋ́ pɩɩwɛ mɛsaɣ tɛɛ yɔ nɛ mansɩm-pʋ ɛzɩ mamaʋ tɔm pee ana lɛɛlɛɛyɔ yɔ.

Efɛɛzɩ 3:5

Mɛsaɣ tɛɛ tɔm ńdʋ́, kpaɖɩŋ weyi ɩɖɛwa yɔ, ɩ-taa ñɩma taasɩm-tʋ ɛzɩ Ɛsɔ tɩŋnaʋ e-Fezuu Kiɖeɖeu yɔɔ nɛ eyele nɛ náyaa nɛ ɛ-maɣmaɣ e-tiyiyaa pasɩm-tʋ lɛɛlɛɛyɔ yɔ.

1 Timootee 4:1

Fezuu Kiɖeɖeu yɔɔdɩ kpayɩ se kɛtɛzaɣ alɩwaatʋ taa lɛ, ɛyáa nabɛyɛ kɔŋ yebu lidaʋ ŋgʋ́ pɛwɛnɩ Krɩstʋ yɔɔ yɔ nɛ panɩɣnɩ feziŋ weyi ɩcɛtɩɣ yɔ nɛ pewelesiɣ tɔm ndʋ́ aleewaa wɩlɩɣ yɔ.

1 Pɩyɛ 1:12

Ɛsɔ wɩlɩ-wɛ kpayɩ se tɔm ndʋ́ posusaɣ yɔ, pɩtɛkɛ pa-tɩ posusaɣ-tʋ. Ɛlɛ́, mɩ posusaɣ-tʋ. Lɛɛlɛɛyɔ, Laŋhɛzɩyɛ Tɔm susiyaa heyi-mɩ-tʋ. Fezuu Kiɖeɖeu ŋgʋ́ kɩlɩnɩ ɛsɔdaa yɔ, ki-ɖoŋ paba heyini-mɩ-tʋ. Halɩ Ɛsɔ tiyiyaa maɣmaɣ ñɩnaɣ se patɩlɩ-tʋ.

1 Yohanɛɛsɩ 2:20

Mɩ lɛ, Ɛsɔ Ñɩnʋ ha-mɩ e-Fezuu Kiɖeɖeu ɛzɩ papɩyʋʋ ɛyʋ ñʋʋ taa num yɔ nɛ mɩtɩŋa payɩ ɩnaɣ mbʋ́ pɩkɛ toovenim yɔ.

1 Yohanɛɛsɩ 2:27

Mɩ lɛ, Fezuu ŋgʋ́ Yesu Krɩstʋ ha-mɩ ɛzɩ papɩyʋʋ ɛyʋ ñʋʋ taa num yɔ, kɩwɛ mɩ-cɔlɔ. Yee ḿbʋ́ pɩtatasɩ pɔzʋʋ se nɔɔyʋ ɛkpɛlɩkɩ-mɩ, mbʋ́ pʋyɔɔ yɔ, kɩwɩlɩɣ-mɩ pɩtɩŋa payɩ nɛ toovenim, cɛtɩm fɛyɩ pɩ-taa. Pʋ-yɔɔ lɛ, mɩ nɛ Yesu Krɩstʋ mɩ-kpɛndʋʋ ɛwɛɛ ḿbʋ́ ɛzɩ Fezuu Kiɖeɖeu ŋ́gʋ́ kɩwɩlʋʋ-mɩ yɔ.

Wɩlʋʋ 1:1

Mbʋ́ mbʋ́ Yesu Krɩstʋ wɩlaa yɔ, pʋ-tɔm pama takayaɣ kanɛ ka-taa. Ɛsɔ wɩlɩnɩ-ɩ-pʋ se ɛwɩlɩ ɛ-tʋmlaɖaa nɛ pana mbʋ́ pʋkɔŋ labʋ alɩwaatʋ pazɩ taa yɔ nɛ ɛtɩŋnɩ e-tiyiyu yɔɔ nɛ ɛwɩlɩ-pʋ ɛ-tʋmlaɖʋ Yohanɛɛsɩ.

Wɩlʋʋ 2:24

‹Ɛlɛ́, meheyiɣ Tiyaatiiri ñɩma mbá mɩ ɩɩɖɔŋ tɔm ńdʋ́ tɩ-yɔɔ ɛzɩ lɛlaa yɔ nɛ ɩtatazɩ Satanɩ ñɩndʋ ndʋ́ lɛlaa mbá pɔtɔŋ se tɩ-taa wɛ cukaŋ yɔ tɩ-taa yɔ se maatasɩɣ-mɩ sɔzʋʋ sʋʋtʋ natʋyʋ.