1 Kɔrɛntɩ 16:9 - New Testament

⁹ Mbʋ́ pʋyɔɔ yɔ, paa koyindinaa ɛɖɔwa yɔ, pɩha-m waɖɛ se mala tʋmɩyɛ sɔsɔɖɛ nɖɩ́ ɖɩwɛ wazaɣ yɔ.

1 Kɔrɛntɩ 16:9 ပူးပေါင်းရင်းမြစ်များ

Tʋma Labʋ 14:27

Patalaa lɛ, pekpeɣli Krɩstʋ ŋgbɛyɛ taa ñɩma nɛ pɛkɛdɩ-wɛ mbʋ́ pɩtɩŋa Ɛsɔ tɩŋnɩ pɔ-yɔɔ nɛ ɛla yɔ nɛ ɛzɩma mbʋ́ ɛha mbá pɛtɛkɛ Yuda ñɩma yɔ waɖɛ nɛ pɛwɛnɩ lidaʋ Yesu yɔɔ yɔ.

1 Kɔrɛntɩ 15:32

Yee ɛyáa lɩmaɣza tɩtɩŋa maawɛna nɛ mala you nɛ tɛtɛ kpɩna Efɛɛzɩ lɛ, pɩɩlɩ-m we pɩ-taa? Yee sɩɖaa eefeŋ yɔ, pʋbʋ ɖɩla ɛzɩ potuu eduuye se: «Đɩtɔɔ nɛ ɖɩñɔɔ, mbʋ́ pʋyɔɔ yɔ, ɖɩkɔŋ sɩbʋ cee» yɔ.

2 Kɔrɛntɩ 1:6

Paa ɖɩtɔkɩ kʋñɔmɩŋ yɔ, ɖɩtɔkɩ-ɩ se Ɛsɔ ɛtɩŋnɩ ɖɔ-yɔɔ nɛ ɛhɛzɩ mɩ-laŋa nɛ ɛya mɩ-ñʋʋ. Yee Ɛsɔ ɛhɛzɩɣ ɖa-laŋa yɔ, ɛhɛzɩɣ-yɛ se ɖɩpɩzɩ ɖɩhɛzɩ mɩ-ñɩna ɖɔɖɔ nɛ ɩɖɔkɩ mɩ-tɩ kʋñɔmɩŋ weyi ɩtɔkɩ ɖɔɖɔ ɛzɩ ɖa yɔ ɩ-taa.

2 Kɔrɛntɩ 2:12

Alɩwaatʋ ndʋ́ mantalɩ Trowaasɩ se monsusuu Krɩstʋ Laŋhɛzɩyɛ Tɔm yɔ, Kɩpaɣlʋ kaha-m nʋmɔʋ.

Filiipu 3:18

Toovenim lɛ, tɔm ndʋ́ manpam-mɩ heyuu yɔ, ńdʋ́ mantasɩɣ-mɩ heyuu lɛɛlɛɛyɔ nɛ ɛsɩtɛɣlɩm. Ńdʋ́ lɛ se: ɛyáa sakɩyɛ wɛɛ nɛ pɔ-ɖɔnɛ wɩlɩɣ se pɛkɛ Krɩstʋ weyi pakam-ɩ kaamaŋkaɣ yɔɔ yɔ e-koyindinaa.

Koloosi 4:3

Itendi-i ɖɔɖɔ ɖɔ-yɔɔ nɛ ɛha-ɖʋ nʋmɔʋ nɛ ɖisusi ɛ-tɔm nɛ ɖɩpɩzɩ ɖɩlɩzɩ Krɩstʋ tɔm ndʋ́ tɩwɛ ɛyáa tɩŋa mɛsaɣ tɛɛ yɔ tɩ-tɔbʋʋ. Tɩ-yɔɔ mɛwɛ salaka taa lɛɛlɛɛyɔ.

Yakubu 5:16

Pʋ-yɔɔ meheyiɣ-mɩ se iheyi ɖama mɩ-kɩwɛɛkɩm nɛ itendi Ɛsɔ ɖama yɔɔ nɛ mɩ-yɔɔ cɛ. Weyi ɛtʋʋzɩ Ɛsɔ ɛsɩndaa yɔ, yee ɛsɛ Ɛsɔ nɛ ɛ-laŋɩyɛ tɩŋa yɔ, ɛ-Ɛsɔ sɛʋ wɛɣ ɖoŋ pɩtɩɩfɛyɩ.