1 Kɔrɛntɩ 16:6 - New Testament

⁶ Pʋtɔmaɣ yɔ, mɔnkɔŋ sɩŋʋʋ mɩ-cɔlɔ pazɩ. Halɩ mancakɩ niŋkaɣ alɩwaatʋ tɩŋa nɛ ɩsɩnɩ-m nɛ mowolo ɖenɖe pʋwɛɛ se mowolo yɔ.

1 Kɔrɛntɩ 16:6 ပူးပေါင်းရင်းမြစ်များ

Tʋma Labʋ 15:3

Pɛɖɛɣaɣ lɛ, ŋgbɛyɛ taa ñɩma cɛlɩ-wɛ mbʋ́ pʋpɔzʋʋ-wɛ pa-nʋmɔʋ ɖɔm taa yɔ. Paatɩŋnɩ Fenisii nɛ Samaarɩɩ pa-ageeta taa nɛ Pɔɔlɩ nɛ Barnaabaasɩ pɛkɛdɩɣ a-taa ñɩma ɛzɩma mbʋ́ Ɛsɔ yeba nɛ mbá pɛtɛkɛ Yuda ñɩma yɔ papɩsɩnɩ ɛ-yɔɔ yɔ piye piye nɛ tɩla taabalaa tɩŋa leleŋ pɩŋŋ.

Tʋma Labʋ 17:15

Ɛɖɛɣaɣ lɛ, nabɛyɛ sɩɩ-ɩ nɛ patanɩ-ɩ Atɛɛnɩ tɛtʋ taa. Papɩsaɣ lɛ, eheyi-wɛ se patalaa lɛ, peheyi Silaasɩ nɛ Timootee se pakʋyɩ kpaka nɛ patɩŋ ɛ-wayɩ.

Tʋma Labʋ 20:38

Mbʋ́ piyebi kpem nɛ pɛ-ɛsɛ ñɩŋ yɔ lɛ se: eheyi-wɛ se paatasɩɣ naʋ ɛ-ɛsɩbiye taa kaʋ. Pʋwayɩ pasɩ-ɩ nɛ patanɩ-ɩ mɛlɛ cɔlɔ.

Tʋma Labʋ 21:5

Ɛlɛ́, kpɩtaʋ ŋ́gʋ́ kʋkɔm kɩɖɛɛ lɛ, ɖɩɖaɣnɩ ɖa-nʋmɔʋ pazʋʋ. Đɩɖɛɣaɣ lɛ, pasɩɩ-ɖʋ patɩŋa, pa nɛ pa-halaa nɛ pe-piya nɛ palɩnɩ-ɖʋ tɛtʋ wayɩ. Peeɖe ɖiluŋ ɖa-nʋmbɔla yɔɔ teŋgu nɔɔ nɛ ɖɩsɛɛ Ɛsɔ.

Tʋma Labʋ 27:12

Đɔɖɔ lɛ, mɛlɛnaa ɖɩsɩŋɩyɛ taawɛɛ ɖeu se ɛyáa ɛcaɣ niŋkaɣ alɩwaatʋ. Pʋ-yɔɔ mbá paawɛ kɩ-taa yɔ, pa-taa sakɩyɛ tisaa se pakʋyɩ peeɖe nɛ pɛɖɛɛ. Mbʋ́ pʋyɔɔ yɔ, pacaɣaɣ se pʋwɛ ɛzɩma yɔ, paatalɩ Krɛɛtɩ mɛlɛnaa ɖɩsɩŋɩyɛ nɖɩ́ payaɣ se Feniksɩ yɔ ɖɩ-taa. Đɩha ɛsɛ nɛ hadɛ kiŋ wɩsɩ ɖɩɖʋyɛ nɛ hayo kiŋ wɩsɩ ɖɩɖʋyɛ pɔ-hɔɔlʋʋ taa. Peeɖe ɛyáa pɩzɩɣ pacaɣ niŋkaɣ alɩwaatʋ.

Tʋma Labʋ 28:11

Fenasɩ naadozo ɖɛwa lɛ, ɖɩsʋʋ Alɛksandrii tɛtʋ taa mɛlɛ ŋgʋ́ payaɣ se Đomaa Ñʋŋ yɔ nɛ ɖɩɖɛɛ. Kɩɩsɩŋ Maltɩ ɛjaɖɛ taa niŋkaɣ alɩwaatʋ taa.

Room 15:24

Mancaɣ se maaɖɛɣ Ɛspaañɩ lɛ, mantɩŋ mɩ-tɛ nɛ mana-mɩ alɩwaatʋ pazɩ nɛ me-liu sɩ. Pʋwayɩ lɛ, ɩsɩnɩ-m nɛ mɔnɖɔ ma-nʋmɔʋ.

1 Kɔrɛntɩ 16:11

Pɩfɛyɩ se nɔɔyʋ enim-i. Ɛlɛ́, ɩsɩnɩ-ɩ nɛ ɛɖɔ ɛ-nʋmɔʋ nɛ laŋhɛzɩyɛ nɛ ɛpɩsɩ ɛkɔɔ mɔn-cɔlɔ. Mbʋ́ pʋyɔɔ yɔ, ma nɛ taabalaa ɖɩɖaŋ-ɩ.

2 Kɔrɛntɩ 1:16

Mankʋyʋʋ mɩ-tɛ lɛ, me-liu wɛɛ se mowolo Masedonii nɛ malɩɩnɩ peeɖe lɛ, mantasɩ mɩ-tɛ tɩŋʋʋ. Pʋbʋ ɩpɩzɩɣ ɩsɩnɩ-m nɛ mowolo Yudee.

Tiiti 3:12

Mentiyiɣ Artemaasɩ yaa Ticiiki ñɔ-cɔlɔ. Pa-taa weyi ɛtalaa lɛ, ŋñaɣ pana nɛ ŋkatɩ-m Niikopoliisi. Mbʋ́ pʋyɔɔ yɔ, manɖʋwa se mancakɩ peeɖe niŋkaɣ alɩwaatʋ taa.