1 Kɔrɛntɩ 15:6 - New Testament

⁶ Paba wayɩ lɛ, ɛwɩlɩ ɛ-tɩ taabalaa mbá nɛ pɛkpɛndɩ-ɩ naʋ yɔ, pɛɖɛ ɛzɩ taŋga yɔ. Paa pa-taa lɛlaa ɛsɩba yɔ, pa-taa ɛyáa sakɩyɛ wɛ wezuu halɩ nɛ sɔnɔ.

1 Kɔrɛntɩ 15:6 ပူးပေါင်းရင်းမြစ်များ

Maatiyee 28:10

Ɛlɛ́, Yesu heyi-wɛ se: «Sɔɔndʋ ɛtaakpa-mɩ. Iwolo iheyi man-taabalaa se powolo Galilee, peeɖe pakaɣ-m naʋ.»

Maarkɩ 16:7

Iwolo iheyi Pɩyɛ nɛ Yesu tɔmkpɛlɩkɩyaa lɛlaa se ɛɖɛ-wɛ nɔɔ nɛ ewolo Galilee egeetiye taa. Peeɖe pamakɩnɩ-ɩ ɛzɩ eeheyuu-wɛ yɔ.»

Tʋma Labʋ 13:36

Daaviidi lɛ, ɛɛlaba mbʋ́ Ɛsɔ liu wɛɛ siŋŋ yɔ ɛ-alɩwaatʋ taa nɛ ɛkɔɔ ɛsɩ nɛ pepim-i ɛ-cɔzɔnaa cɔlɔ nɛ ɛɖazɩ.

Tʋma Labʋ 7:60

Peeɖe eluŋ ɛ-nɩmbɔla yɔɔ nɛ ɛma kubuka ɖoŋ se: «Kɩpaɣlʋ! Taakpaɣ pa-kɩwɛɛkɩm nɛ ŋlabɩnɩ tʋmɩyɛ!» Ɛtɛm yɔɔdʋʋ ḿbʋ́ lɛ, ɛhɛɛ.

1 Kɔrɛntɩ 15:18

Pɩwɩlɩɣ ɖɔɖɔ se mbá paawɛnɩ lidaʋ Krɩstʋ yɔɔ nɛ pʋcɔ pasɩ yɔ, peleba.

1 Kɔrɛntɩ 15:20

Ɛlɛ́ toovenim taa lɛ, Ɛsɔ fezi Krɩstʋ nɛ sɩɖaa taa. Ɛnʋ lɛ sɩɖaa taa kajalaɣ tʋ weyi efezaa yɔ.

1 Tesalooniki 4:13

Taabalaa! Sɩɖaa tɔm taa lɛ, ɖe-liu fɛyɩ se ɩwɛɛ kaatɩlɩtʋ taa nɛ piyele mɩ-ɛsɛ kɔɔ añɩŋ ɛzɩ lɛlaa mbá paataɣ pʋyʋ liu yɔ.

1 Tesalooniki 4:15

Ɩna tɔm ndʋ́ Kɩpaɣlʋ yɔɔdaa nɛ ɖiheyiɣ-mɩ yɔ. Ńdʋ́ lɛ se: mbá ɖa ɖɩwɛɣnɩ ɖɛ-ɛsɛ puwiye nɖɩ́ ɛkɔŋ yɔ, ɖɩɩkaɣ ɖɛʋ mbá pasɩba yɔ nɔɔ kaʋ.

2 Pɩyɛ 3:4

nɛ pɔtɔ se: «Kɩpaɣlʋ tɔm se ɛkɔŋ lɛ, pɩla ɛzɩma? Le ɛwɛɛ yɔ? Mbʋ́ pʋyɔɔ yɔ, ɖooo ɖa-caanaa sɩbʋ nɛ halɩ nɛ sɔnɔ yɔ, pɩtɩŋa payɩ pʋwɛ pi-ɖeɖe ɛzɩ ɖooo pɩɩwɛʋ alɩwaatʋ ndʋ́ Ɛsɔ labɩ kedeŋa yɔ.»