1 Kɔrɛntɩ 15:52 - New Testament

⁵² tam kʋɖʋm taa yem ɛzɩ pacɩbɩyʋʋ ɛsɛ yɔ alɩwaatʋ ndʋ́ payaɣ kɛtɛzaɣ ɛgandɩyɛ yɔ. Mbʋ́ pʋyɔɔ yɔ, payaɣ-ɖɩ lɛ, sɩɖaa feŋ nɛ papɩsɩ mbá paapɩzɩɣ patasɩ sɩbʋ wiɖiyi kaʋ yɔ nɛ mbá ɖa ɖɩwɛ wezuu yɔ, pɛlɛɣzɩ ɖatɩŋa payɩ ɖo-tomnaɣ.

1 Kɔrɛntɩ 15:52 ပူးပေါင်းရင်းမြစ်များ

Maatiyee 24:31

Pɔkɔŋ yaʋ ɛgandɩyɛ sɔsɔɖɛ nɛ etiyi e-tiyiyaa kedeŋa kpeekpe yɔɔ nɛ pekpeɣli mbá patɩŋa payɩ Ɛsɔ lɩzaa se pɛkɛ ɛ-ñɩma yɔ.»

Yohanɛɛsɩ 5:25

Toovenim lɛ, meheyiɣ-mɩ se alɩwaatʋ natʋyʋ kɔŋ, halɩ tɩtɛm talʋʋ. Tɩ-taa sɩɖaa kɔŋ nɩʋ Ɛsɔ Pɩyalʋ nɔɔ nɛ mbá panɩɣ yɔ, pehiɣ wezuu.

Yohanɛɛsɩ 5:28

Pɩtaaɖɩɣzɩ-mɩ. Alɩwaatʋ natʋyʋ kɔŋ nɛ pɩlaŋ taa ñɩma tɩŋa payɩ nɩɩ mɔ-nɔɔ

1 Kɔrɛntɩ 15:23

Ɛlɛ́, Ɛsɔ kɔŋ fezuu paa mbá nɛ pa-alɩwaatʋ: Krɩstʋ ɛcalɩnɩ fezuu. Ɛ-wayɩ lɛ, mbá pɛkɛ Krɩstʋ ɛnʋ ɛ-ñɩma yɔ, efeziɣ-wɛ alɩwaatʋ ndʋ́ Krɩstʋ pɩsɩɣ ɛkɔɔ yɔ.

1 Kɔrɛntɩ 15:42

Ḿbʋ́ ɖɔɖɔ sɩɖaa wɛɣ alɩwaatʋ ndʋ́ pefeŋ yɔ. Pepiŋ-wɛ lɛ, po-tomnaɣ ɖazɩ, pefeŋ lɛ, po-tomnaɣ ɛɛtasɩɣ ɖazʋʋ kaʋ.

1 Kɔrɛntɩ 15:50

Taabalaa, ndʋ́ meheyiɣ-mɩ yɔ lɛ se: ɖo-tomnasɩ nzɩ́ sɩwɛ ɛzʋnɔ yɔ, sɩɩpɩzɩɣ sɩsʋʋ Ɛsɔ Kewiyaɣ taa. Mbʋ́ pʋyɔɔ yɔ, mbʋ́ pɩɖazɩɣ yɔ, pɩɩpɩzɩɣ pɩpɩsɩ mbʋ́ pɩɩɖazɩɣ wiɖiyi kaʋ yɔ.

1 Tesalooniki 4:15

Ɩna tɔm ndʋ́ Kɩpaɣlʋ yɔɔdaa nɛ ɖiheyiɣ-mɩ yɔ. Ńdʋ́ lɛ se: mbá ɖa ɖɩwɛɣnɩ ɖɛ-ɛsɛ puwiye nɖɩ́ ɛkɔŋ yɔ, ɖɩɩkaɣ ɖɛʋ mbá pasɩba yɔ nɔɔ kaʋ.

2 Pɩyɛ 3:10

Kɩyakʋ ŋgʋ́ Kɩpaɣlʋ kɔŋ yɔ, pʋwɛɣ ɛzɩ mɩ́lʋ́ kɔŋʋʋ yɔ. Puwiye ńɖɩ́ lɛ, pɩyakɩ kɔkɔɖɛ sɔsɔɖɛ naɖɩyɛ siŋŋ nɛ ɛsɔdaa mʋʋ́ʋ. Miŋ ñakɩ mbʋ́ pʋwɛ ɛsɔdaa yɔ. Tɛtʋ nɛ mbʋ́ pɩtɩŋa payɩ pʋwɛ tɩ-yɔɔ yɔ, paatasɩɣ wɛʋ.

Wɩlʋʋ 8:13

Mantasɩ cɔnaʋ lɛ, manaɣ keziye naɖɩyɛ, ɖɩkʋyaɣ ɖooo ɛsɔdaa nɛ manɩɣ ɖɩyɔɔdʋʋ ɖoŋ se: «Pʋtɔɔ-wɛ! Pʋtɔɔ-wɛ! Pʋtɔɔ kedeŋa yɔɔ ñɩma, agandɛɛ wena Ɛsɔ tiyiyaa naadozo mbá pɩkazaa yɔ, pɔkɔŋ hʋlʋʋ yɔ a-yɔɔ!»

Wɩlʋʋ 8:2

Mɔncɔnaa lɛ, manaɣ Ɛsɔ tiyiyaa mbá pasɩŋɩɣ ɛ-ɛsɩndaa yɔ, pɛwɛ lʋbɛ. Pɛcɛlaɣaɣ-wɛ agandɛɛ lʋbɛ.