1 Kɔrɛntɩ 15:3 - New Testament

³ Tɔm ndʋ́ maanɩwa nɛ mentisi nɛ tɩkɩlɩ wazaɣ yɔ, ńdʋ́ meheyi-mɩ. Ńdʋ́ lɛ se: ɖa-kɩwɛɛkɩm yɔɔ Krɩstʋ sɩba. Ḿbʋ́ pama Ɛsɔtɔm Takayaɣ taa ɖooo lɔŋ.

1 Kɔrɛntɩ 15:3 ပူးပေါင်းရင်းမြစ်များ

Maatiyee 26:24

Ɛyʋ Pɩyalʋ kɔŋ kʋyʋʋ kedeŋa yɔɔ cɩnɛ ɛzɩ pamaʋ ɛ-tɔm Ɛsɔtɔm Takayaɣ taa yɔ. Ɛlɛ́, pʋtɔɔ weyi ɛɖʋzʋʋ-ɩ koyindinaa nesi taa yɔ! Yee pataalʋlɩ pʋdʋ yɔ, pɩɩkɩlɩ-ɩ sɛʋ.»

Maatiyee 26:28

Sʋlʋm pʋnɛ lɛ man-calɩm mbʋ́ pɩkpɛdɩɣ ɛyáa sakɩyɛ yɔɔ se Ɛsɔ ɛpɩzɩ ekpeɣ-wɛ pa-kɩwɛɛkɩm yɔ. Pʋ-yɔɔ ɛtɩŋɩɣna nɛ ɛɖʋ nɔɔ haʋ.

Luka 24:25

Peeɖe Yesu heyi-wɛ se: «Kɩmɛlɛmɩŋ mɩ! Pɩlabɩ ɛzɩma mɩ-laŋa wɛɛ kpɩzɩŋ nɛ iitisiɣ tɔm ndʋ́ náyaa kɔyɔɔdaa yɔ?

Yohanɛɛsɩ 1:29

Tɛʋ fema lɛ, Yohanɛɛsɩ na Yesu wokaɣ ɛ-cɔlɔ. Peeɖe eheyi ɛyáa se: «Ɩna Ɛsɔ Heɣa. Ŋ́gá mʋʋnɩ ɛyáa tɩŋa payɩ kɩwɛɛkɩm.

Tʋma Labʋ 17:2

Patalaa nɛ pɩtalɩ kɩyakʋ kɩhɛzʋʋ lɛ, Pɔɔlɩ wolo Ɛsɔ ɖɩsɛyɛ taa ɛzɩ ɛtɩɩlakʋʋ yɔ. Peeɖe ɛ nɛ Yuda ñɩma palabɩ lɩmaɣza Ɛsɔtɔm Takayaɣ taa tɔm yɔɔ kɩyakɩŋ kɩhɛzɩŋ naadozo.

Tʋma Labʋ 3:18

Tɔm ndʋ́ Ɛsɔ keheyi náyaa tɩŋa ɖooo lɔŋ yɔ, ńdʋ́ labɩnɩ ɛzʋnɔ yɔ. Ńdʋ́ lɛ se pʋwɛɛ se Weyi Ɛsɔ Lɩzaa Yɔ ɛtɔɔ kʋñɔŋ.

Tʋma Labʋ 8:32

Tɔm ndʋ́ Etiyoopii tʋ ɛnʋ ɛkalaɣ náyʋ Ezaayii takayaɣ taa yɔ, ńdʋ́ lɛ se: «Pakpa-ɩ nɛ powoni-i ɛzɩ alikizaŋnaa kpaʋ heu se powokini kʋʋ yɔ. Ɛwɛ ɖɔɖɔ ɛzɩ heɣa ŋgá kaawiliɣ alɩwaatʋ ndʋ́ pɛsɛtɩɣ kɛ-kpɛm yɔ. Etokuli ɛ-nɔɔ.

Room 3:25

Ɛnʋ Ɛsɔ ɖʋwa se pɛkpɛdɩ ɛ-calɩm nɛ pɩtɩŋnɩ pʋ-yɔɔ nɛ ɛñalɩ mbá patɩŋa payɩ pɛwɛnɩ lidaʋ ɛ-yɔɔ yɔ, pa-kɩwɛɛkɩm. Ḿbʋ́ ɛwɩlɩnɩ ɛzɩma mbʋ́ ɛtʋʋzaa yɔ. Ɛɖɔkɩ ɛ-hɔyɛ ɖooo lɔŋ nɛ ɛtɔhɔ mbá paalabɩ kɩwɛɛkɩm yɔ pa-nɩŋgbaaŋ. Ɛñɩnɩɣ se ɛwɩlɩ ɛzɩma mbʋ́ ɛtʋʋzaa yɔ alɩwaatʋ tʋnɛ tɩ-taa nɛ paa weyi ɛsɩm-ɩ ḿbʋ́ nɛ ɛkpɛndɩ ɛpɩsɩ weyi ɛwɛnɩ lidaʋ Yesu yɔɔ yɔ kʋtʋʋzʋ.

Room 4:25

Đa-kɩwɛɛkɩm yɔɔ eyeba nɛ pakʋ-ɩ, ɛlɛ́, efezi-i se ɛpɩsɩ-ɖʋ kʋtʋʋzaa.

1 Kɔrɛntɩ 11:2

Mansaŋ-mɩ ɛzɩma mbʋ́ ɩtɔzʋʋ mɔ-yɔɔ paa ɖooye nɛ ɩɖɔkɩ ma-lakasɩ nɛ tɔm ndʋ́ pawɩlɩ-m nɛ mawɩlɩ-mɩ yɔ, pɔ-yɔɔ.

1 Kɔrɛntɩ 11:23

Mbʋ́ pʋyɔɔ yɔ, tɔm ndʋ́ Kɩpaɣlʋ heyi-m nɛ meheyi-mɩ yɔ, ńdʋ́ lɛ se: ɖoó wena a-taa pakpa Kɩpaɣlʋ Yesu yɔ, pʋcɔ pakpa-ɩ lɛ, ɛɛkpaɣ tindine

2 Kɔrɛntɩ 5:21

Krɩstʋ tala kɩwɛɛkɩm kaʋ. Ɛlɛ́, Ɛsɔ sʋʋ-ɩ ɖa-kɩwɛɛkɩm se ɖa nɛ ɩ ɖɛ-kpɛndʋʋ taa lɛ, ɖɩpɩsɩ ɛyáa kʋtʋʋzaa Ɛsɔ ɛnʋ ɛ-ɛsɩndaa» yɔ.

Galaatɩ 1:12

Pɩtɛkɛ ɛyʋ nɔɔyʋ kɛdɩnɩ-m-tʋ yaa nɔɔyʋ kpɛlɩkɩnɩ-m-tʋ, ɛlɛ́, Yesu Krɩstʋ maɣmaɣ wɩlɩnɩ-m-tʋ.

Galaatɩ 1:4

Krɩstʋ ɛnʋ ɛhanɩ ɛ-maɣmaɣ ɛ-tɩ ɖa-kɩwɛɛkɩm yɔɔ se ɛlɩzɩ-ɖʋ lɛɛlɛɛyɔ kedeŋa kɩdɛkɛdɩm nesi taa. Ɛlabɩ ḿbʋ́ ɛzɩ ɖa-Caa Ɛsɔ liu wɛʋ yɔ.

Galaatɩ 3:13

Pɩwɩlɩɣ se Ɛsɔ tɛm ɖɔ-tɔm kʋʋ. Ɛlɛ́, Krɩstʋ pɩsɩnɩ weyi Ɛsɔ wɩlɩ kpalʋʋ yɔ. Ɛlɛ́ɣzɩ ɖo-lone taa se ɛ́lɛ́ ɛtaatasɩ-ɖʋ-kʋ wɩlʋʋ. Ḿbʋ́ ɛlaba nɛ ɛya ɖa-ñʋʋ. Pʋwɛ ḿbʋ́, mbʋ́ pʋyɔɔ yɔ, pama ka-taa ɖɔɖɔ se: «Weyi popuzuu-i tɩʋ yɔɔ yɔ, ɛnʋ Ɛsɔ wɩlɩɣ kpalʋʋ.»

Efɛɛzɩ 1:7

Đa nɛ ɩ ɖɛ-kpɛndʋʋ taa Ɛsɔ tɩŋnɩ ɛ-calɩm yɔɔ nɛ eholi-ɖʋ kɩdɛkɛdɩm nesi taa nɛ ekpeɣ-ɖʋ ɖa-kɩwɛɛkɩm. Ḿbʋ́ wɩlɩɣna se e-lootiye fɛyɩ ɖaɣʋ.

Efɛɛzɩ 5:2

Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Ebree 5:1

Paa cɔjɔnaa ñʋʋdʋ weyi lɛ, ɛyáa hɛkʋ taa palɩzɩ-ɩ. Ɛ-tʋmɩyɛ lɛ se ewolo Ɛsɔ ɛsɩndaa nɛ ɛlɔ nɔɔ nɛ ɛcɛlɩ-ɩ haɖɛ ndɩ ndɩ nɖɩ́ pahawa yɔ nɛ ɛlaa-ɩ kɩlaŋ nɛ ɛ́lɛ́ kpeɣ-wɛ pa-kɩwɛɛkɩm.

Ebree 5:3

Ɛjandʋ ńdʋ́ tɩ-yɔɔ pʋwɛɛ se ɛlaa pʋyʋ ɛ-maɣmaɣ ɛ-kɩwɛɛkɩm yɔɔ nɛ ɛlaa ɖɔɖɔ lɛlaa ñɩmbʋ yɔɔ.

1 Pɩyɛ 1:11

Krɩstʋ Fezuu ŋgʋ́ kɩɩwɛ pa-taa yɔ, kiiheyi-wɛ kʋñɔŋ ŋgʋ́ ɛkɔŋ tɔɔʋ yɔ nɛ koboyaɣ ŋgá ɛkɔŋ mʋ́ʋ yɔ pɔ-tɔm. Pʋ-yɔɔ pɛcɛyaɣ pa-tɩ se patɩlɩ alɩwaatʋ ndʋ́ pʋkɔŋ labʋ yɔ nɛ ɛzɩma mbʋ́ pɩlakɩ yɔ.

1 Pɩyɛ 2:24

Pakam-ɩ kaamaŋkaɣ yɔɔ lɛ, ɛmʋ ɖa-kɩwɛɛkɩm nɛ pʋwɛɛ ɛ-yɔɔ. Ɛlabɩ ḿbʋ́ se ɖɩsɩ ɖa-kɩwɛɛkɩm labʋ taa nɛ ɖɩwɛɛ wezuu nɛ ɖɩla mbʋ́ pʋtʋʋzaa yɔ. Ɛ-kɩcɩkpɩŋ yɔɔ pɩtɩŋnaa nɛ mɩ-yɔɔ cɛ.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

1 Yohanɛɛsɩ 2:2

Ɛ-maɣmaɣ ɛ-calɩm kpɛdɩnɩ se Ɛsɔ ɛtɩŋnɩ pʋ-yɔɔ nɛ ekpeɣ-ɖʋ ɖa-kɩwɛɛkɩm. Pɩtasɩɩnɩ ɖe-ɖeke, ɛlɛ́, ekpeɣ ɖɔɖɔ kedeŋa yɔɔ ɛyáa tɩŋa payɩ pa-ñɩmbʋ.

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa