1 Kɔrɛntɩ 15:2 - New Testament

² Yee ɩɖɔkɩ-tʋ ḿbʋ́ camɩyɛ kpam ɛzɩ monsusuu-mɩ-tʋ yɔ yɔ, tɩyakɩ mɩ-ñʋʋ. Pɩtɛkɛ ḿbʋ́, lidaʋ ŋgʋ́ ɩɩwɛnɩ alɩwaatʋ ndʋ́ monsusi-mɩ-tʋ yɔ, kɩɩwazɩɣ-mɩ pʋyʋ.

1 Kɔrɛntɩ 15:2 ပူးပေါင်းရင်းမြစ်များ

Luka 8:13

Mbá paba wɛ ɛzɩ ɛwaɣ ŋgá kɔ-yɔɔ pee tɔlaa yɔ, panɩɣ-tʋ lɛ, petisi kpaagbaa nɛ laŋhʋlʋmɩyɛ. Ɛlɛ́, paayeki se tɩlabɩ-wɛ tʋmɩyɛ camɩyɛ. Pɛwɛɣnɩ lidaʋ tɩ-yɔɔ alɩwaatʋ pazɩ nɛ pʋkɔɔ pɩtakɩɣ-wɛ lɛ, pɔlɔ-kʋ.

Tʋma Labʋ 2:47

Pasaŋaɣ Ɛsɔ nɛ ɛyáa tɩŋa laŋa hɛɣnɩ-wɛ. Mbá Kɩpaɣlʋ yabɩ pa-ñʋʋ yɔ, pɔsɔzaɣ pɔ-yɔɔ kɩyakɩŋ tɩŋa.

Tʋma Labʋ 8:13

Halɩ Siimɔɔ maɣmaɣ ñetisi nɛ palabɩ-ɩ-sɩ ɖɔɖɔ. Ɛɛwɛɛ ɛtɩŋɩɣ Filiipu nɛ pɩlakɩ-ɩ piti nɛ hama lakasɩ sɔsɔsɩ nzɩ́ ɛ́lɛ́ lakaɣnɩ Ɛsɔ ɖoŋ yɔ nɛ kawɩlɩsɩ nzɩ́ ɛwɩlaɣnɩ ɖoŋ ɛnʋ nɛ ɛnaɣ yɔ.

Room 1:16

Mbʋ́ pʋyɔɔ yɔ, fɛyɛ ɛɛkpaɣ-m nɛ Laŋhɛzɩyɛ Tɔm ńdʋ́: tɩkɛ ɖoŋ weyi Ɛsɔ tɩŋɩɣnɩ ɩ-yɔɔ nɛ ɛya mbá patɩŋa payɩ pɛwɛɣnɩ lidaʋ ɛ-yɔɔ yɔ pa-ñʋʋ yɔ. Ɛpazɩɣnɩ Yuda ñɩma nɛ pʋkɔɔ pɩtamnɩ mbá pɛtɛkɛ Yuda ñɩma yɔ.

Room 11:22

Cɔnɩ ŋna Ɛsɔ camɩyɛ lakasɩ nɛ ɛzɩma mbʋ́ ɛhʋʋnɩ ɛyáa nɛ ɛhɔŋ pa-nɩŋgbaaŋ ɖɔɖɔ yɔ: ɛhʋʋnɩ mbá palabɩ kɩwɛɛkɩm yɔ nɛ ɛlakɩ ña ɖeu. Ɛlɛ́, pʋwɛɛ se ŋwɛɛ Ɛsɔ camɩyɛ lakasɩ nʋmɔʋ taa. Pɩtɛkɛ ḿbʋ́, ɛsɛtɩɣ-ŋ ɖɔɖɔ ɛzɩ pɛsɛtʋʋ piliŋa yɔ.

1 Kɔrɛntɩ 1:18

Tɔm ndʋ́ posusuu se Krɩstʋ sɩbɩ kaamaŋkaɣ yɔɔ yɔ, mbá pɛwɛ asayʋʋ nʋmɔʋ taa yɔ, panɩɣ-tʋ lɛ, tɩwɛ-wɛ ɛzɩ kɩmɛlɛndʋ tɔm yɔ. Ɛlɛ́, mbá ɖa payakɩ ɖa-ñʋʋ yɔ, tɩkɛnɩ-ɖʋ Ɛsɔ ɖoŋ.

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

1 Kɔrɛntɩ 11:2

Mansaŋ-mɩ ɛzɩma mbʋ́ ɩtɔzʋʋ mɔ-yɔɔ paa ɖooye nɛ ɩɖɔkɩ ma-lakasɩ nɛ tɔm ndʋ́ pawɩlɩ-m nɛ mawɩlɩ-mɩ yɔ, pɔ-yɔɔ.

1 Kɔrɛntɩ 15:14

Yee Krɩstʋ etefe yɔ, tɔm ndʋ́ ɖisusuu yɔ, tɩfɛyɩnɩ wazaɣ nakɛyɛ nɛ mi-lidaʋ fɛyɩnɩ wazaɣ nakɛyɛ ɖɔɖɔ.

2 Kɔrɛntɩ 2:15

Toovenim lɛ, ɖɩwɛ ɛzɩ tɩlaaɖɩ kɩbaŋgʋ ŋgʋ́ Krɩstʋ ha Ɛsɔ yɔ. Kʋ-sɔzɩŋ ñɛyɩɣ mbá Ɛsɔ yakɩ pa-ñʋʋ yɔ nɛ mbá peleki yɔ pɛ-hɛkʋ taa.

2 Kɔrɛntɩ 6:1

Yee ḿbʋ́, mbá ɖa ɖa nɛ Ɛsɔ ɖɩlakɩ tʋmɩyɛ yɔ, ɖɩsazɩɣ-mɩ se ɩtaawɛɛkɩ lootiye nɖɩ́ ɛlabɩ-mɩ yɔ yem.

Galaatɩ 3:4

Ɩmaɣzɩɣ se ɩtɔɔ kʋñɔmɩŋ ɩnʋ falaa yaa we? Pɩɩpɩzɩɣ pɩla ḿbʋ́.

Efɛɛzɩ 2:8

E-lootiye ńɖɩ́ ɖɩ-yɔɔ ɛtɩŋnɩ lidaʋ ŋgʋ́ ɩwɛnɩ Krɩstʋ yɔɔ yɔ kʋ-yɔɔ nɛ ɛya mɩ-ñʋʋ. Pɩtɛkɛ mɩ-cɔlɔ pɩlɩnaa, Ɛsɔ kʋjɔʋ pɩkɛnaa.

Koloosi 1:23

Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.

2 Tesalooniki 2:15

Taabalaa! Yee ḿbʋ́, ɩɖɔkɩ mɩ-tɩ kpam nɛ ɩɖɔkɩ ɖɔɖɔ tɔm ndʋ́ ɖɩwɩlɩ-mɩ nɛ nɔɔ taa yaa ndʋ́ ɖɩma-mɩ nɛ ɖɩwɩlɩ-mɩ yɔ nesi naalɛ.

2 Timootee 1:9

Ɛnʋ yabɩnɩ ɖa-ñʋʋ nɛ ɛ́yáa-ɖʋ se ɖɩkɛ ɛ-ñɩma. Pɩtɛkɛ tʋma wena ɖɩlaba yɔ a-yɔɔ ɛlabɩ-ɖʋ ḿbʋ́. Ɛlɛ́, pʋcɔ ɛla kedeŋa lɛ, ɛɛɖʋwa se ɛtɩŋɩɣnɩ Krɩstʋ Yesu yɔɔ nɛ ɛlabɩ-ɖʋ lootiye.

Ebree 10:23

Đɩɖɔkɩ ɖaŋʋʋ tɔm ndʋ́ ɖisusuu yɔ nesi naalɛ kpam. Ɛsɔ ɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ ɖɔɖɔ.

Ebree 2:1

Pʋyɔɔ pʋwɛɛ se ɖɛ-ɛsɩyɛ ɛsɛɛnɩ tɔm ndʋ́ ɖɩnɩwa yɔ nɛ pɩkɩlɩ ɛzɩ pɩtɩɩ yɔ nɛ ɖɩtaakɔɔ ɖile nʋmɔʋ.

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

Ebree 4:14

Ɛsɔ Pɩyalʋ Yesu lɛ cɔjɔnaa ñʋndɩnaa taa sɔsɔ, ɛnʋ wobina Ɛsɔ cɔlɔ. Pʋ-yɔɔ lɛ, pʋwɛɛ se ɖɩɖɔkɩ lidaʋ ŋgʋ́ ɖɩwɛnɩ ɛ-yɔɔ nɛ ɖisusuu ɛyáa kʋ-tɔm yɔ nesi naalɛ kpam.

Yakubu 2:14

Man-taabalaa! Yee ɛyʋ ɛwɛɛ nɛ ɛyɔɔdʋʋnɩ nɔɔ yem se: «Mɛwɛnɩ lidaʋ Ɛsɔ yɔɔ» nɛ ɛɛwɩlɩɣ-kʋ nɛ lakasɩ kɩbanzɩ lɛ, pɩwazɩɣ-ɩ we? Lidaʋ ŋ́gʋ́ kɩpɩzɩɣ kɩya ɛ-ñʋʋ naa we?

Yakubu 2:17

Ḿbʋ́ ɖɔɖɔ pʋwɛnɩ Ɛsɔ yɔɔ lidaʋ wɛnaʋ: yee nɔɔyʋ ɛtɔm se ɛwɛnɩ lidaʋ Ɛsɔ yɔɔ nɛ ɛɛwɩlɩɣ-kʋ nɛ lakasɩ kɩbanzɩ yɔ, e-lidaʋ ŋ́gʋ́ kɩsɩba.

Yakubu 2:26

Toovenim lɛ, ɛzɩma mbʋ́ ɛyʋ ɛfɛyɩnɩ fezuu, ɛsɩba yɔ, ḿbʋ́ ɖɔɖɔ yee nɔɔyʋ ɛwɛnɩ lidaʋ Ɛsɔ yɔɔ nɛ ɛɛlakɩ lakasɩ kɩbanzɩ yɔ, e-lidaʋ ŋ́gʋ́ kɩsɩba.