1 Kɔrɛntɩ 14:4 - New Testament

⁴ Đɔɖɔ lɛ, weyi ɛyɔɔdʋʋ kʋnʋmɩŋ ndɩ ndɩ yɔ, pɩsɩŋnɩ-ɩ nɛ ɛ-maɣmaɣ ɛpɩɩ Ɛsɔ nʋmɔʋ taa. Weyi esusuu tɔm ndʋ́ tɩlɩnɩ Ɛsɔ cɔlɔ yɔ, Yesu ŋgbɛyɛ taa ñɩma ɛ́lɛ́ yeki se papɩɩ Ɛsɔ nʋmɔʋ taa.

1 Kɔrɛntɩ 14:4 ပူးပေါင်းရင်းမြစ်များ

Maarkɩ 16:17

Ɩɩnaɣ Ɛsɔ hama lakasɩ nzɩ́ mbá pɛwɛnɩ lidaʋ ɛ-yɔɔ yɔ, pɔkɔŋ labʋ yɔ: pɔɖɔɔnʋʋ aleewaa nɛ mon-ɖoŋ nɛ pɔyɔɔdɩ kʋnʋmɩŋ ndɩ ndɩ ɖɔɖɔ.

Room 14:19

Pʋ-yɔɔ lɛ, ɖɩñɩnɩ mbʋ́ pɩhɛzɩɣ ɖa-laŋa nɛ ɛzɩma mbʋ́ ɖɩsɩnɩ ɖama nɛ ɖɩtɛzɩ pɩʋ Ɛsɔ nʋmɔʋ taa yɔ.

1 Kɔrɛntɩ 12:10

Ŋ́gʋ́ ɖɔɖɔ hanɩ nabɛyɛ se pala hama lakasɩ, lɛlaa se posusi tɔm ndʋ́ tɩlɩnɩ Ɛsɔ cɔlɔ yɔ, lɛlaa se patɩlɩ mbʋ́ pɩlɩnɩ kʋ-cɔlɔ yaa mbʋ́ pɩtalɩɩnɩ kʋ-cɔlɔ yɔ, lɛlaa se pɔyɔɔdɩ kʋnʋmɩŋ ndɩ ndɩ nɛ lɛlaa se palɩzɩ a-tɔbɩŋ.

1 Kɔrɛntɩ 12:28

Krɩstʋ tiyiyaa Ɛsɔ calɩnɩ lɩzʋʋ Yesu ŋgbɛyɛ taa. Pa-wayɩ lɛ, náyaa, paba wayɩ lɛ, wɩlɩyaa. Pʋwayɩ lɛ, ɛla lɛlaa kʋjɔŋ ndɩ ndɩ: ḿbá lɛ mbá palakɩ hama lakasɩ nɛ mbá peyeki se kʋdɔndɩnaa yɔɔ ɛcɛ yɔ nɛ mbá pasɩŋnɩ lɛlaa nɛ mbá pɔcɔŋnɩ lɛlaa yɔɔ yɔ nɛ mbá pɔyɔɔdʋʋ kʋnʋmɩŋ ndɩ ndɩ yɔ.

1 Kɔrɛntɩ 13:1

Meheyiɣ-mɩ se: paa maapɩzaɣ se mɔyɔɔdɩ ɛyáa kʋnʋmɩŋ nɛ pɩkpɛndɩnɩ Ɛsɔ tiyiyaa ñɩŋ nɛ yee maasɔɔlʋʋ ɛyáa yɔ, mɛwɛ ɛzɩ suye yaa ŋgbanɛ nɖɩ́ pamakɩ nɛ ɖiwiɣ yem yɔ.

1 Kɔrɛntɩ 13:2

Paa pɩɩha-m se monsusi tɔm ndʋ́ tɩlɩnɩ Ɛsɔ cɔlɔ yɔ nɛ mɛwɛnɩ lɛɣtʋ tɩŋa nɛ manpɩzɩɣ manɩɣ tɔm ndʋ́ tɩwɛ mɛsaɣ tɛɛ yɔ tɩtɩŋa yaa paa maawɛnɩ lidaʋ siŋŋ se manpɩzɩɣ mɛnkpɛzɩɣnɩ pʋŋ nɛ yee maasɔɔlʋʋ ɛyáa yɔ, mɛntɛkɛ pʋyʋ.

1 Kɔrɛntɩ 14:12

Ḿbʋ́ ɖɔɖɔ pʋwɛnɩ-mɩ. Ɛzɩma mbʋ́ ɩsɔɔlɩ Fezuu Kiɖeɖeu kʋjɔŋ siŋŋ yɔ, ɩñaɣ pana nɛ ihiɣ-i camɩyɛ. Ɩkpaɣ-ɩ nɛ ɩsɩnɩnɩ Yesu ŋgbɛyɛ taa ñɩma nɛ papɩɩ pe-lidaʋ wɛnaʋ taa.

1 Kɔrɛntɩ 14:22

Pʋ-yɔɔ lɛ, mbá pañaŋ Krɩstʋ yɔ, kʋnʋmɩŋ ndɩ ndɩ yɔɔdʋʋ tɛkɛnɩ-wɛ yʋsaɣ. Ɛlɛ́, mbá paañaŋ Krɩstʋ yɔ pɩkɛnɩ yʋsaɣ. Piyele tɔm ndʋ́ tɩlɩnɩ Ɛsɔ cɔlɔ yɔ ti-susuu tɛkɛnɩ yʋsaɣ mbá paañaŋ Krɩstʋ yɔ. Ɛlɛ́, mbá pañaŋ-ɩ yɔ pɩkɛnɩ yʋsaɣ.

1 Kɔrɛntɩ 14:26

Taabalaa, ɛbɛ pʋwɛɛ se ɩla yɔ? Pʋwɛɛ se paa mɩ-taa weyi ɛwɛnɩ nabʋyʋ alɩwaatʋ ndʋ́ ikpeɣliɣ ɖama yɔ. Pɩpɩzaɣ se pɩkɛ hendu yaa tɔm natʋyʋ se ɛwɩlɩɣ yaa Ɛsɔ wɩlɩ-ɩ nabʋyʋ yaa ɛwɛnɩ tɔm natʋyʋ se ɛyɔɔdʋʋnɩ kʋnʋŋ ŋgʋ́ ɛyáa ɛɛnɩɣ yɔ kɩ-taa nɛ lɛlʋ ɖɛzɩɣ-tʋ. Ɛlɛ́, pʋwɛɛ se pɩtɩŋa payɩ pɩsɩnɩ lɛlaa nɛ papɩɩ pe-lidaʋ nʋmɔʋ taa.

1 Kɔrɛntɩ 14:3

Weyi ɛ́lɛ́ susuu tɔm ndʋ́ tɩlɩnɩ Ɛsɔ cɔlɔ yɔ, ɛyáa ɛyɔɔdʋʋnɩ se ɛsɩnɩ-wɛ nɛ papɩɩ pe-lidaʋ wɛnaʋ taa nɛ pɩlabɩ-wɛ hʋnʋm nɛ ɛhɛzɩ pa-laŋa.

1 Kɔrɛntɩ 14:5

Me-liu wɛɛ se mɩtɩŋa payɩ ɩyɔɔdɩ kʋnʋmɩŋ ndɩ ndɩ. Ɛlɛ́, mbʋ́ me-liu wɛɛ nɛ pɩkɩlɩ yɔ lɛ se isusi tɔm ndʋ́ tɩlɩnɩ Ɛsɔ cɔlɔ yɔ. Weyi esusuu-tʋ yɔ, ɛkɩlɩ wazaɣ weyi ɛyɔɔdʋʋ kʋnʋmɩŋ ɩnʋ yɔ. Ɛlɛ́, yee nɔɔyʋ ɛpɩzɩɣ se ɛlɩzɩ ndʋ́ ɛyɔɔdʋʋ yɔ tɩ-tɔbʋʋ nɛ pɩsɩnɩ Yesu ŋgbɛyɛ taa ñɩma nɛ papɩɩ Ɛsɔ nʋmɔʋ taa yɔ, ḿbʋ́ lɛ.