1 Kɔrɛntɩ 14:3 - New Testament

³ Weyi ɛ́lɛ́ susuu tɔm ndʋ́ tɩlɩnɩ Ɛsɔ cɔlɔ yɔ, ɛyáa ɛyɔɔdʋʋnɩ se ɛsɩnɩ-wɛ nɛ papɩɩ pe-lidaʋ wɛnaʋ taa nɛ pɩlabɩ-wɛ hʋnʋm nɛ ɛhɛzɩ pa-laŋa.

1 Kɔrɛntɩ 14:3 ပူးပေါင်းရင်းမြစ်များ

Luka 3:18

Tɔm ńdʋ́ nɛ lɛɛtʋ sakɩyɛ Yohanɛɛsɩ sazaɣnɩ ɛyáa samaɣ nɛ ɛwɩlɩɣ-kɛ Laŋhɛzɩyɛ Tɔm.

Tʋma Labʋ 13:15

Đɩ-taa nɔɔyʋ tɩɩkalɩɣ ɛyáa tɩŋa ɛsɩndaa Mooyiizi paɣtʋ nɛ náyaa pa-takayɩsɩ taa. Ɛtɛma lɛ, ɖɩ-taa ñʋndɩnaa tiyi se peheyi Pɔɔlɩ nɛ Barnaabaasɩ se: «Taabalaa! Yee ɩwɛnɩ natʋyʋ se iheyiɣ samaɣ nɛ pɩlabɩ-kɛ hʋnʋm yɔ, ɩpɩzɩɣ ɩyɔɔdɩ-tʋ lɛɛlɛɛyɔ.»

Tʋma Labʋ 14:22

Patalaa lɛ, peyele pɩla peeɖe Krɩstʋ wayɩ tɩŋɩyaa hʋnʋm nɛ pa-laŋa hɛɛ. Paaheyi-wɛ se pɔ́ɖɔ́kɩ lidaʋ ŋgʋ́ pɛwɛnɩ Yesu yɔɔ yɔ nesi naalɛ kpam. Paatasɩ-wɛ heyuu se pʋwɛɛ se pɔtɔɔ kʋñɔŋ siŋŋ nɛ pʋcɔ pasʋʋ Ɛsɔ Kewiyaɣ taa.

Tʋma Labʋ 15:32

Yuudi nɛ Silaasɩ pa-maɣmaɣ paakɛ náyaa. Pʋ-yɔɔ paba ñɛkɛdɩ-wɛ tɔm sakɩyɛ se pɩlabɩ-wɛ hʋnʋm nɛ pɛtɛzɩ pɩʋ Ɛsɔ nʋmɔʋ taa.

Tʋma Labʋ 4:36

Ḿbʋ́ ɖɔɖɔ Leevi liɖe taa tʋ nɔɔyʋ kɛwɛ Ciiprɩ ɛjaɖɛ taa, payaɣ-ɩ se Yozɛɛfʋ. Tiyiyaa kakʋm-ɩ hɩɖɛ se Barnaabaasɩ. Pʋ-tɔbʋʋ se weyi ɛsazɩɣ lɛlaa yɔ.

Tʋma Labʋ 9:31

Krɩstʋ ŋgbɛyɛ taa ñɩma kɛwɛ laŋhɛzɩyɛ taa Yudee nɛ Galilee nɛ Samaarɩɩ pa-ageeta hɔɔlɩŋ tɩŋa taa. Pɛtɛzaɣ pɩʋ nɛ pañaŋ Kɩpaɣlʋ nɛ Fezuu Kiɖeɖeu sɩŋnɩ-wɛ nɛ pɛtɛzɩɣ ɖɔʋ.

Room 12:8

Weyi ɛha ɛ́lɛ́ se ɛyɔɔdɩnɩ lɛlaa nɛ pɩlabɩ-wɛ hʋnʋm yɔ, pʋwɛɛ se ɛ́lɛ́ ɛla ḿbʋ́. Pʋwɛɛ se weyi ɛhaɣ ɛ-ñɩm yɔ, ɛha-pʋ nɛ ɛ-laŋɩyɛ tɩŋa. Weyi ɛcɔŋnɩ lɛlaa yɔɔ yɔ, ɛcɔnɩ pɔ-yɔɔ camɩyɛ. Weyi ɛsɩŋnɩ pɩlabɩmwaa yɔ, ɛ́lɛ́ ɛsɩnɩ-wɛ nɛ laŋhʋlʋmɩyɛ.

Room 14:19

Pʋ-yɔɔ lɛ, ɖɩñɩnɩ mbʋ́ pɩhɛzɩɣ ɖa-laŋa nɛ ɛzɩma mbʋ́ ɖɩsɩnɩ ɖama nɛ ɖɩtɛzɩ pɩʋ Ɛsɔ nʋmɔʋ taa yɔ.

Room 15:2

Paa ɖa-taa weyi, ɛcɛyɩ ɛ-tɩ nɛ ɛla mbʋ́ pɩkɛdɩnɩ ɛ-taabalʋ yɔ, mbʋ́ pʋwɛ ɖeu yɔ pɩ-taa nɛ ɛ-taabalʋ ɛnʋ, ɛpɩɩ Ɛsɔ nʋmɔʋ taa.

1 Kɔrɛntɩ 10:23

Toovenim lɛ: «Pɩha-ɖʋ waɖɛ se ɖɩla pɩtɩŋa.» Ɛlɛ́, pɩtɛkɛ pɩtɩŋa pʋwɛnɩ wazaɣ. «Pɩha-ɖʋ waɖɛ se ɖɩla pɩtɩŋa.» Ɛlɛ́, pɩtɛkɛ pɩtɩŋa piyekina se ɖɩpɩɩ Ɛsɔ nʋmɔʋ taa.

1 Kɔrɛntɩ 14:12

Ḿbʋ́ ɖɔɖɔ pʋwɛnɩ-mɩ. Ɛzɩma mbʋ́ ɩsɔɔlɩ Fezuu Kiɖeɖeu kʋjɔŋ siŋŋ yɔ, ɩñaɣ pana nɛ ihiɣ-i camɩyɛ. Ɩkpaɣ-ɩ nɛ ɩsɩnɩnɩ Yesu ŋgbɛyɛ taa ñɩma nɛ papɩɩ pe-lidaʋ wɛnaʋ taa.

1 Kɔrɛntɩ 14:17

Paa ñɛ-Ɛsɔ sam ḿbʋ́ pʋwɛ ɖeu ɛzɩma yɔ, piiyeki se lɛlʋ ɛpɩɩ e-lidaʋ wɛnaʋ taa.

1 Kɔrɛntɩ 14:26

Taabalaa, ɛbɛ pʋwɛɛ se ɩla yɔ? Pʋwɛɛ se paa mɩ-taa weyi ɛwɛnɩ nabʋyʋ alɩwaatʋ ndʋ́ ikpeɣliɣ ɖama yɔ. Pɩpɩzaɣ se pɩkɛ hendu yaa tɔm natʋyʋ se ɛwɩlɩɣ yaa Ɛsɔ wɩlɩ-ɩ nabʋyʋ yaa ɛwɛnɩ tɔm natʋyʋ se ɛyɔɔdʋʋnɩ kʋnʋŋ ŋgʋ́ ɛyáa ɛɛnɩɣ yɔ kɩ-taa nɛ lɛlʋ ɖɛzɩɣ-tʋ. Ɛlɛ́, pʋwɛɛ se pɩtɩŋa payɩ pɩsɩnɩ lɛlaa nɛ papɩɩ pe-lidaʋ nʋmɔʋ taa.

1 Kɔrɛntɩ 14:31

Mbʋ́ pʋyɔɔ yɔ, mɩtɩŋa payɩ ɩpɩzɩɣ ɩyɔɔdɩ tɔm ndʋ́ tɩlɩnɩ Ɛsɔ cɔlɔ yɔ kʋɖʋm kʋɖʋm nɛ ɩwɩlɩnɩ ɛyáa tɩŋa payɩ lɔŋ nɛ pɩlabɩ-wɛ hʋnʋm.

1 Kɔrɛntɩ 8:1

Lɛɛlɛɛyɔ, pʋcɔ ɖɩyɔɔdɩ kɩlaʋ nandʋ tɔm lɛ, meheyiɣ-mɩ se pɩkɛ toovenim se: «Đatɩŋa payɩ ɖɩsɩm lɛɣtʋ.» Ɛlɛ́, lɛɣtʋ ńdʋ́ tiyeki nɛ ɛyʋ kpazɩ ɛ-tɩ. Ŋgʋ́, sɔɔlɩm ñeyeki nɛ ɛyʋ tɛzɩ pɩʋ e-lidaʋ wɛnaʋ taa.

2 Kɔrɛntɩ 1:4

Ɛhɛzɩɣ ɖa-laŋa ɖa-kʋñɔmɩŋ tɩŋa taa se pɩtɩŋnɩ ɖɔ-yɔɔ nɛ ɖɩpɩzɩ ɖɩhɛzɩ ɖɔɖɔ mbá pɛwɛ kʋñɔmɩŋ ndɩ ndɩ taa yɔ pa-ñɩna.

2 Kɔrɛntɩ 2:7

Lɛɛlɛɛyɔ, pʋwɛɛ se ɩtɛzɩ-ɩ kpeɣu nɛ ɩhɛzɩ ɛ-laŋɩyɛ. Pɩtɛkɛ ḿbʋ́, pʋkɔŋ pɩkɩlɩ ɛ-hɔyɛ pɩsʋʋ nɛ ɛlɔ liu.

Efɛɛzɩ 4:29

Ɛzaɣ́tʋ tɔm natʋyʋ ɛtaalɩɩ mɩ-nɔɔ taa. Ɛlɛ́, yee pʋwɛɛ se natʋyʋ ɛlɩɩ yɔ, tɩkɛnɩ kɩbandʋ ndʋ́ tiyeki se mbá panɩɣ-tʋ yɔ, pɛtɛzɩ pɩʋ nɛ patɩlɩ mbʋ́ lootiye kɛnaa yɔ.

Efɛɛzɩ 6:22

Pɩ-maɣmaɣ pʋ-yɔɔ kpem mentiyi-i mɩ-cɔlɔ se ɛkɛdɩ-mɩ mbʋ́ pɩ-taa ɖɩwɛɛ yɔ nɛ ɛhɛzɩ mɩ-laŋa.

Koloosi 4:8

Mentiyiɣni-mɩ-ɩ faŋŋ se eheyi-mɩ mbʋ́ pɩ-taa ɖɩwɛɛ yɔ nɛ ɛhɛzɩ mɩ-laŋa.

1 Tesalooniki 2:11

Ɩnawa ɖɔɖɔ se ɖa nɛ mɩ-taa paa weyi pɩɩwɛ ɛzɩ caja nɛ e-piya yɔ.

1 Tesalooniki 2:3

Mbʋ́ pʋyɔɔ yɔ, pɩtɛkɛ nʋmɔʋ kilebuu tɔm yaa cɛtɩm tɔm yaa lɩmaɣza kɩdɛkɛdɛɛ tɔm ɖɩsazɩɣnɩ ɛyáa.

1 Tesalooniki 3:2

nɛ piyele ɖitiyi ɖa-tʋmlaɖʋ Timootee. Ɛkɛ Ɛsɔ tʋmlaɖʋ nɛ esusuu Krɩstʋ Laŋhɛzɩyɛ Tɔm. Đitiyi-i mɩ-cɔlɔ se eyele nɛ ɩtɛzɩ pɩʋ nɛ pɩlabɩ-mɩ hʋnʋm mi-lidaʋ wɛnaʋ taa

1 Tesalooniki 4:1

Taabalaa! Đɩɩkpɛlɩkɩ-mɩ ɛzɩma mbʋ́ pʋwɛɛ se ɩɖɔ nɛ pɩkɛdɩnɩ Ɛsɔ yɔ. Paa pɩɩla ɛzɩma, ḿbʋ́ ɩɖɔŋ. Ɛlɛ́, tɔm ndʋ́ ɖɩtɛzɩɣnɩ-mɩ yɔ lɛ se ɖɩsazɩɣ-mɩ nɛ ɖiheyiɣ-mɩ ɖa nɛ Kɩpaɣlʋ Yesu ɖɛ-kpɛndʋʋ taa se: ɩla nɛ pɩkɩlɩ ḿbʋ́!

1 Tesalooniki 4:18

Pʋ-yɔɔ lɛ, ɩsazɩ ɖama nɛ tɔm ndɩ ndɩ tʋnɛ.

2 Tesalooniki 3:12

Điheyiɣ pɩtɛ ɛyáa ḿbá nɛ ɖɩsazɩɣ-wɛ nɛ Kɩpaɣlʋ Yesu Krɩstʋ nɔɔ se pala tʋmɩyɛ pɛɛyɛɛ taa nɛ pa-maɣmaɣ pe-nesi nɛ pehiɣ pɔtɔɔ.

1 Timootee 1:4

Heyi-wɛ ɖɔɖɔ se pataanɩɩnɩ mʋya nɛ pɔ-cɔzɔnaa hɩla wena afɛyɩ kalʋʋ yɔ pɔ-tɔm. Ḿbʋ́ lɩzɩɣnɩ puuyaɣ. Pɩɩsɩŋnɩ mbʋ́ Ɛsɔ ɖʋwa se ɛlakɩ yɔ se puwobini ɛsɩndaa. Ɛlɛ́, lidaʋ yɔɔ pɩtɩŋɩɣna nɛ puwobini ɛsɩndaa.

1 Timootee 4:13

Wɛɛ Ɛsɔtɔm kalʋʋ yɔɔ ɛyáa samaɣ taa nɛ ŋyele pɩlabɩ-wɛ hʋnʋm nɛ ŋwɩlɩ-wɛ-tʋ nɛ pʋkɔɔ pɩsɩɩnɩ alɩwaatʋ ndʋ́ mɔnkɔŋ yɔ.

1 Timootee 6:2

Yom weyi ɛ-caa kɛ Krɩstʋ tʋ yɔ, pʋwɛɛ se yom ɛnʋ, ɛtaaniɣzi-i se ɛkɛ ɛ-taabalʋ yɔ, ɛ nɛ ɩ pɛwɛ kɩmaŋ. Ɛlɛ́, pʋwɛɛ se ɛlabɩ-ɩ tʋmɩyɛ camɩyɛ. Mbʋ́ pʋyɔɔ yɔ, weyi ɛlakɩ-ɩ tʋmɩyɛ ńɖɩ́ yɔ, ɛkɛ Krɩstʋ tʋ nɛ taabalʋ kʋsɔɔlʋ. Tɔm ndʋ́ meheyi-ŋ lɛɛlɛɛyɔ yɔ, pʋwɛɛ se ŋwɩlɩ-tʋ ɛyáa nɛ ŋsazɩnɩ-wɛ.

2 Timootee 4:2

paa nʋmɔʋ ɛwɛɛ yaa kɩfɛyɩ yɔ, susi ɛyáa Ɛsɔtɔm nɛ ŋñɩɣ tɩ-yɔɔ niye nɛ ŋla nɛ petisi-tʋ nɛ ŋkalɩ-wɛ nɛ ŋsazɩ-wɛ nɛ ŋɖɔkɩ ñɔ-hɔyɛ tam ña-wɩlʋʋ taa.

Tiiti 1:9

Pʋwɛɛ se ɛ́ɖɔ́kɩ tɔm kɩbandʋ ndʋ́ ɖɩwɩlɩɣ yɔ nesi naalɛ kpam. Tɩmʋnaa se pɛwɛnɩ lidaʋ tɩ-yɔɔ. Tɩ-yɔɔ ɛtɩŋɩɣna nɛ ɛsazɩ ɛ-taabalaa nɛ ɛwɩlɩ mbá paatisiɣ ɛ-tɔm yɔ ɖenɖe pucoɖi-wɛ yɔ.

Tiiti 2:15

Tɔm ńdʋ́ tɩtɩŋa payɩ pʋwɛɛ se ŋheyi ɛyáa. Kpaɣ ña-abalɩtʋ tɩŋa payɩ nɛ ŋsazɩnɩ mbá pewelesiɣ ñɔ-tɔm yɔ yaa ŋkalɩnɩ-wɛ. Taayele pa-taa nɔɔyʋ pɛŋ-ŋ tɛtɛ.

Tiiti 2:6

Piyele evebiya lɛ, heyi paba se patɩlɩ pa-tɩ ɖɔkʋʋ ɖɔɖɔ.

Tiiti 2:9

Piyele yomaa lɛ, pʋwɛɛ se paña pa-caanaa nɛ pɔ-tɔm kɛdɩnɩ-wɛ pɩtɩŋa pɩ-taa. Pɩfɛyɩ se pɔhɔmnɩ pa-caanaa tɔm.

Ebree 10:25

Nabɛyɛ wɛ ɖa-taa, pɩpɩsɩ-wɛ sɔnzɩ se pataakpeɣli nɛ poluŋ Ɛsɔ tɛɛ. Pɩfɛyɩ se ɖɩla ḿbʋ́. Ɛlɛ́, ɖɩsazɩ ɖama nɛ pɩlabɩ-ɖʋ hʋnʋm. Đɩwɛɛ pʋ-yɔɔ ḿbʋ́, mbʋ́ pʋyɔɔ yɔ, mɩ-maɣmaɣ ɩtɛm naʋ se kɩyakʋ ŋgʋ́ Kɩpaɣlʋ kɔŋ yɔ, kɩwɩzɩ talʋʋ.

Ebree 13:22

Taabalaa, meheyiɣ-mɩ se ɩɖɔkɩ mɩ-hɔ nɛ itisi sazʋʋ tɔm tʋnɛ. Mbʋ́ pʋyɔɔ yɔ, tɔm tobi yem mama-mɩ.

Ebree 3:13

Ɛlɛ́, ɩsazɩ ɖama kɩyakɩŋ tɩŋa nɛ kɩwɛɛkɩm ɛtaacɛzɩ mɩ-taa nɔɔyʋ nɛ ɛla laŋɩyɛ ɖoŋ. Mbʋ́ pʋyɔɔ yɔ, pɔtɔŋʋʋ se: «Sɔnɔ» yɔ, pʋ-tɔbʋʋ se lootiye alɩwaatʋ ndʋ́ tɩ-taa ɖɩwɛɛ yɔ.

1 Pɩyɛ 5:12

Silaasɩ kɛ taabalʋ weyi ɛlakɩ mbʋ́ ɛɖʋwa yɔ. Ɛnʋ sɩnɩnɩ-m nɛ mama-mɩ takayaɣ cikpelaɣ kanɛ se pɩlabɩ-mɩ hʋnʋm. Mama-mɩ-kɛ ɖɔɖɔ se mawɩlɩ-mɩ ɛzɩma mbʋ́ Ɛsɔ labɩ-mɩ lootiye yɔ. Ɩɖɔkɩ-ɖɩ nesi naalɛ kpam.

Yuudi 1:20

Mɛ-ɛgbaɣdɩnaa! Mɩ lɛ, ɩñaɣ pana nɛ ɩtɛzɩ pɩʋ lidaʋ kɩbaŋgʋ ŋgʋ́ Ɛsɔ yeba se ɩwɛnɩ ɛ-yɔɔ yɔ kɩ-taa. Ɩsɛɛ Ɛsɔ nɛ e-Fezuu Kiɖeɖeu ɖoŋ.