1 Kɔrɛntɩ 14:2 - New Testament

² Toovenim lɛ, weyi ɛyɔɔdʋʋ kʋnʋmɩŋ ndɩ ndɩ yɔ, pɩtɛkɛ ɛyáa ɛyɔɔdʋʋna, ɛlɛ́, Ɛsɔ ɛyɔɔdʋʋna. Mbʋ́ pʋyɔɔ yɔ, nɔɔyʋ ɛɛnɩɣ ndʋ́ ɛyɔɔdʋʋ yɔ. Fezuu Kiɖeɖeu wɩlɩɣnɩ-ɩ mɛsaɣ tɛɛ tɔm nɛ ɛyɔɔdʋʋ.

1 Kɔrɛntɩ 14:2 ပူးပေါင်းရင်းမြစ်များ

Maatiyee 13:11

Yesu cosi-wɛ se: «Ɛsɔ taha-wɛ lɛɣtʋ se panɩɩ e-Kewiyaɣ tɔm ndʋ́ tɩwɛ mɛsaɣ tɛɛ yɔ, tɩ-tɔbʋʋ yɔɔ mɔyɔɔdʋʋnɩ-wɛ ḿbʋ́. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ.

Maarkɩ 16:17

Ɩɩnaɣ Ɛsɔ hama lakasɩ nzɩ́ mbá pɛwɛnɩ lidaʋ ɛ-yɔɔ yɔ, pɔkɔŋ labʋ yɔ: pɔɖɔɔnʋʋ aleewaa nɛ mon-ɖoŋ nɛ pɔyɔɔdɩ kʋnʋmɩŋ ndɩ ndɩ ɖɔɖɔ.

Maarkɩ 4:11

Peeɖe ecosi-wɛ se: «Ɛsɔ Kewiyaɣ tɔm wɛ mɛsaɣ tɛɛ. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ. Piyele lɛlaa yɔ, pɛfɛyɩ Ɛsɔ Kewiyaɣ taa. Panɩɣ tɔm ńdʋ́ lɛ, tɩkɛnɩ-wɛ aduwa.

Tʋma Labʋ 10:46

Mbʋ́ pʋyɔɔ yɔ, panɩɣaɣ tɔm ndʋ́ ɛyáa mbá pɔyɔɔdaɣ kʋnʋmɩŋ lɛɛŋ nɛ pasaŋ Ɛsɔ yɔ, pɔyɔɔdaɣ yɔ. Pʋ-yɔɔ Pɩyɛ tɔm se:

Tʋma Labʋ 19:6

Peeɖe Pɔɔlɩ tɩnɩ pɔ-yɔɔ nesi nɛ Fezuu Kiɖeɖeu tii pɔ-yɔɔ nɛ papazɩ yɔɔdʋʋ kʋnʋmɩŋ ndɩ ndɩ nɛ tɔm ndʋ́ tɩlɩnɩ Ɛsɔ cɔlɔ yɔ.

Tʋma Labʋ 22:9

Mbá ma nɛ wɛ ɖɩɩwɛ peeɖe yɔ, pana ñalɩmɩyɛ ńɖɩ́ ɖɔɖɔ. Ɛlɛ́, patanɩɩ weyi ɛyɔɔdaɣnɩ-m yɔ ɛ-nɔɔ.

Room 16:25

Đɩsa Ɛsɔ, mbʋ́ pʋyɔɔ yɔ, ɛpɩzɩɣ ɛha-mɩ ɖoŋ nɛ ɩɖɔkɩ mɩ-tɩ ɛ-nʋmɔʋ taa. Pʋwɛ ɛzɩ paɖʋʋ Laŋhɛzɩyɛ Tɔm ndʋ́ monsusuu nɛ mɛnkɛdɩɣ ɛyáa Yesu Krɩstʋ tɔm yɔ tɩ-taa yɔ. Tɩ-taa ɛwɩlɩ-ɖʋ mbʋ́ pɩɩwɛ mɛsaɣ tɛɛ nɛ ɛtaawɩlɩ-pʋ ɛyáa ɖooo ɛzɩ ɛlabʋ kedeŋa yɔ.

1 Kɔrɛntɩ 12:10

Ŋ́gʋ́ ɖɔɖɔ hanɩ nabɛyɛ se pala hama lakasɩ, lɛlaa se posusi tɔm ndʋ́ tɩlɩnɩ Ɛsɔ cɔlɔ yɔ, lɛlaa se patɩlɩ mbʋ́ pɩlɩnɩ kʋ-cɔlɔ yaa mbʋ́ pɩtalɩɩnɩ kʋ-cɔlɔ yɔ, lɛlaa se pɔyɔɔdɩ kʋnʋmɩŋ ndɩ ndɩ nɛ lɛlaa se palɩzɩ a-tɔbɩŋ.

1 Kɔrɛntɩ 12:28

Krɩstʋ tiyiyaa Ɛsɔ calɩnɩ lɩzʋʋ Yesu ŋgbɛyɛ taa. Pa-wayɩ lɛ, náyaa, paba wayɩ lɛ, wɩlɩyaa. Pʋwayɩ lɛ, ɛla lɛlaa kʋjɔŋ ndɩ ndɩ: ḿbá lɛ mbá palakɩ hama lakasɩ nɛ mbá peyeki se kʋdɔndɩnaa yɔɔ ɛcɛ yɔ nɛ mbá pasɩŋnɩ lɛlaa nɛ mbá pɔcɔŋnɩ lɛlaa yɔɔ yɔ nɛ mbá pɔyɔɔdʋʋ kʋnʋmɩŋ ndɩ ndɩ yɔ.

1 Kɔrɛntɩ 13:1

Meheyiɣ-mɩ se: paa maapɩzaɣ se mɔyɔɔdɩ ɛyáa kʋnʋmɩŋ nɛ pɩkpɛndɩnɩ Ɛsɔ tiyiyaa ñɩŋ nɛ yee maasɔɔlʋʋ ɛyáa yɔ, mɛwɛ ɛzɩ suye yaa ŋgbanɛ nɖɩ́ pamakɩ nɛ ɖiwiɣ yem yɔ.

1 Kɔrɛntɩ 13:2

Paa pɩɩha-m se monsusi tɔm ndʋ́ tɩlɩnɩ Ɛsɔ cɔlɔ yɔ nɛ mɛwɛnɩ lɛɣtʋ tɩŋa nɛ manpɩzɩɣ manɩɣ tɔm ndʋ́ tɩwɛ mɛsaɣ tɛɛ yɔ tɩtɩŋa yaa paa maawɛnɩ lidaʋ siŋŋ se manpɩzɩɣ mɛnkpɛzɩɣnɩ pʋŋ nɛ yee maasɔɔlʋʋ ɛyáa yɔ, mɛntɛkɛ pʋyʋ.

1 Kɔrɛntɩ 14:16

Toovenim lɛ, yee ŋsaŋ Ɛsɔ nɛ ña-kalɩzaɣ ɖeke lɛ, ɛzɩma weyi ɛɛnɩɣ kʋnʋŋ ŋ́gʋ́ yɔ, ɛpɩzɩɣ etisi se: «pɩla ḿbʋ́» ñɛ-Ɛsɔ sam ḿbʋ́ pʋ-yɔɔ? Mbʋ́ pʋyɔɔ yɔ, ɛɛnɩɣ ndʋ́ ŋyɔɔdʋʋ yɔ.

1 Kɔrɛntɩ 14:26

Taabalaa, ɛbɛ pʋwɛɛ se ɩla yɔ? Pʋwɛɛ se paa mɩ-taa weyi ɛwɛnɩ nabʋyʋ alɩwaatʋ ndʋ́ ikpeɣliɣ ɖama yɔ. Pɩpɩzaɣ se pɩkɛ hendu yaa tɔm natʋyʋ se ɛwɩlɩɣ yaa Ɛsɔ wɩlɩ-ɩ nabʋyʋ yaa ɛwɛnɩ tɔm natʋyʋ se ɛyɔɔdʋʋnɩ kʋnʋŋ ŋgʋ́ ɛyáa ɛɛnɩɣ yɔ kɩ-taa nɛ lɛlʋ ɖɛzɩɣ-tʋ. Ɛlɛ́, pʋwɛɛ se pɩtɩŋa payɩ pɩsɩnɩ lɛlaa nɛ papɩɩ pe-lidaʋ nʋmɔʋ taa.

1 Kɔrɛntɩ 15:51

Iwelesi nɛ ɩnɩɩ: mancɩkɩ-mɩ cɩkpalʋʋ mɛsaɣ tɛɛ tɔm natʋyʋ. Ńdʋ́ lɛ se: ɖɩɩkɔŋ ɖatɩŋa sɩbʋ. Ɛlɛ́, pɔkɔŋ ɖatɩŋa payɩ lɛɣzʋʋ tomnaɣ

1 Kɔrɛntɩ 2:10

Đa Ɛsɔ tɩŋnɩ e-Fezuu Kiɖeɖeu yɔɔ nɛ ɛwɩlɩ-pʋ. Toovenim lɛ se Fezuu Kiɖeɖeu sɩm pɩtɩŋa payɩ, halɩ pɩkpɛndɩnɩ mbʋ́ pʋwɛ ɖooo Ɛsɔ taa yɔ.

1 Kɔrɛntɩ 2:7

Ɛsɔ lɔŋsɩnɖɛ nɖɩ́ ɖɩɩwɛ ɛyáa mɛsaɣ tɛɛ yɔ, ɖɩ-tɔm ɖisusuu. Tɩ-taa wɛ cukaŋ. Pʋcɔ Ɛsɔ la kedeŋa lɛ, ɛɛɖʋwa se pɩtɩŋnɩ ɖɩ-yɔɔ nɛ ɖɩwɛɛ e-koboyaɣ taa.

Efɛɛzɩ 6:19

Itendi-i ɖɔɖɔ mɔ-yɔɔ se eyele nɛ monkuli mɔ-nɔɔ lɛ, mantɩlɩ ndʋ́ maawɩlɩnɩ kaalɛyɩtʋ mbʋ́ pʋwɛ mɛsaɣ tɛɛ Laŋhɛzɩyɛ Tɔm taa yɔ.

Koloosi 2:2

Malʋkɩ ḿbʋ́ se pɩlabɩ-wɛ hʋnʋm nɛ pɔsɔɔlɩ ɖama camɩyɛ nɛ papɩsɩ ɛyʋ kʋɖʋm nɛ piyele pɛtɛzɩ wɛnaʋ lɛɣtʋ. Pʋbʋ, patɩlɩɣ mbʋ́ Ɛsɔ kɛmɛsaa yɔ: ḿbʋ́ lɛ Krɩstʋ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

1 Timootee 3:9

Pʋwɛɛ se pɔ́ɖɔ́kɩ lidaʋ tɔm ndʋ́ Ɛsɔ lɩzaa ɛwɩlɩ ɛ-ñɩma yɔ. Ɛlɛ́, pa-lɩmaɣza ɛtaacɛyɩ-wɛ pe-wezuu caɣʋ taa.

Wɩlʋʋ 10:7

Ɛlɛ́, alɩwaatʋ ndʋ́ Ɛsɔ tiyiyu lʋbɛ ñɩnʋ hʋlʋʋ ɛ-ɛgandɩyɛ yɔ, mbʋ́ Ɛsɔ ɖʋwa nɛ pʋwɛɛ mɛsaɣ tɛɛ yɔ, pɩtɛzɩɣ labʋ. Ḿbʋ́ eeheyi ɛ-tʋmlaɖaa mbá pɛkɛ náyaa yɔ.»