1 Kɔrɛntɩ 13:8 - New Testament

⁸ Sɔɔlɩm wɛɣ tam, ɛlɛ́, tɔm ndʋ́ tɩlɩnɩ Ɛsɔ cɔlɔ yɔ ti-susuu kaɣ sɩʋ tɩnaɣ. Kʋnʋmɩŋ ndɩ ndɩ yɔɔdʋʋ nɛ mbʋ́ ɖɩsɩma yɔ, pɔkɔŋ sɩʋ tɩnaɣ ɖɔɖɔ.

1 Kɔrɛntɩ 13:8 ပူးပေါင်းရင်းမြစ်များ

Luka 22:32

Ɛlɛ́, mɛnsɛ Ɛsɔ ñɔ-yɔɔ se ŋtaalesi lidaʋ ŋgʋ́ ŋwɛnɩ mɔ-yɔɔ yɔ. Ŋkɔm ŋpɩsɩnɩ mɔ-yɔɔ lɛ, ŋla nɛ ña-taabalaa kpa ɖoŋ.»

Tʋma Labʋ 13:1

Náyaa nɛ wɩlɩyaa paawɛ Antɩyɔɔsɩ Krɩstʋ ŋgbɛyɛ taa. Ḿbá yɔ: Barnaabaasɩ nɛ Siimeyɔɔ weyi payaɣ se Kɩkpɛdʋ yɔ nɛ Siirɛɛnɩ tʋ Lusiyuusi nɛ Manayɛɛnɩ weyi paaɖɔkɩ ɛ nɛ wiyaʋ Eroodi pa-pɩcatʋ taa yɔ nɛ Sɔɔlɩ.

Tʋma Labʋ 19:6

Peeɖe Pɔɔlɩ tɩnɩ pɔ-yɔɔ nesi nɛ Fezuu Kiɖeɖeu tii pɔ-yɔɔ nɛ papazɩ yɔɔdʋʋ kʋnʋmɩŋ ndɩ ndɩ nɛ tɔm ndʋ́ tɩlɩnɩ Ɛsɔ cɔlɔ yɔ.

Tʋma Labʋ 2:4

Ɛlɛ́, Fezuu Kiɖeɖeu tii kɩwɛɛ patɩŋa pɔ-yɔɔ nɛ papazɩ yɔɔdʋʋ kʋnʋmɩŋ ndɩ ndɩ weyi kɩha-wɛ ɖoŋ se pɔyɔɔdɩ yɔ.

1 Kɔrɛntɩ 12:10

Ŋ́gʋ́ ɖɔɖɔ hanɩ nabɛyɛ se pala hama lakasɩ, lɛlaa se posusi tɔm ndʋ́ tɩlɩnɩ Ɛsɔ cɔlɔ yɔ, lɛlaa se patɩlɩ mbʋ́ pɩlɩnɩ kʋ-cɔlɔ yaa mbʋ́ pɩtalɩɩnɩ kʋ-cɔlɔ yɔ, lɛlaa se pɔyɔɔdɩ kʋnʋmɩŋ ndɩ ndɩ nɛ lɛlaa se palɩzɩ a-tɔbɩŋ.

1 Kɔrɛntɩ 13:10

Ɛlɛ́, alɩwaatʋ ndʋ́ mbʋ́ pʋwɛ pɩtɩŋa payɩ yɔ pʋkɔŋ lɛ, mbʋ́ pɩfɛyɩ pɩtɩŋa payɩ yɔ pʋmʋkɩ.

1 Kɔrɛntɩ 13:13

Yee ḿbʋ́ lɛɛlɛɛyɔ lidaʋ nɛ ɖaŋʋʋ nɛ sɔɔlɩm pa-naadozo pɛwɛɣna tam. Ɛlɛ́, pa-taa lɛ, sɔɔlɩm kɩlɩna.

1 Kɔrɛntɩ 14:39

Pʋ-yɔɔ lɛ, taabalaa, meheyiɣ-mɩ se tɔm ndʋ́ tɩlɩnɩ Ɛsɔ cɔlɔ yɔ ti-susuu ɛwɛɛ-mɩ liu. Ɩtaaɖaŋ ɛyáa se pataayɔɔdɩ kʋnʋmɩŋ ndɩ ndɩ.

1 Kɔrɛntɩ 8:2

Weyi ɛmaɣzɩɣ se ɛsɩm nabʋyʋ yɔ, ɛtasɩmda nɛ pɩtalɩ ɛzɩ pʋpɔzʋʋ se ɛtɩlɩ yɔ.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Ebree 8:13

Ɛsɔ yɔɔdʋʋ nɔɔ haʋ kɩfam tɔm ḿbʋ́ yɔ, pɩwɩlɩɣ se kajalaɣ ñɩmbʋ pɩnaa. Ŋgʋ́, mbʋ́ pɩpɩnaa nɛ pɩkpadɩyɩ yɔ, pɩwɩzɩ mʋʋ́ʋ.