1 Kɔrɛntɩ 13:3 - New Testament

³ Paa maakpaɣ ma-ñɩm tɩŋa payɩ nɛ mantayɩ lɛlaa yaa paa maacɛlɩ man-tɩ se pɔsɔbɩ-m miŋ ɛyáa yɔɔ nɛ yee maasɔɔlʋʋ-wɛ yɔ, pɩɩlɩɣ-m pʋyʋ.

1 Kɔrɛntɩ 13:3 ပူးပေါင်းရင်းမြစ်များ

Maatiyee 23:5

Palakɩ pɩtɩŋa payɩ se ɛyáa ɛna-wɛ. Pʋ-yɔɔ pamaɣ Ɛsɔtɔm tɔnzɩ nzɩ́ sɩkɩlɩ walʋʋ yɔ sɩ-yɔɔ nɛ pataŋ pe-nesi nɛ pe-kila pa-taa. Pataŋ ɖɔɖɔ po-tokonaa nesi taa toma nɛ akɩlɩɣ lɛlaa tɛ.

Luka 18:22

Eheyi Yesu ḿbʋ́ lɛ, ɛ́lɛ́ heyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Luka 18:28

Ɛyɔɔdɩ ḿbʋ́ lɛ, Pɩyɛ heyi-i se: «Cɔnɩ ŋna ɖa ɖeyebu mbʋ́ pɩtɩŋa ɖɩwɛna yɔ nɛ ɖɩtɩŋ ña-wayɩ.»

Luka 19:8

Ɛlɛ́, Zaacee kʋyɩ nɛ eheyi Yesu se: «Kɩpaɣlʋ! Meheyiɣ-ŋ se mantayɩɣ ma-ñɩm tam naalɛ nɛ mankpaɣ hɔɔlʋʋ maha kʋñɔndɩnaa. Yee maamuli nɔɔyʋ nɛ mɔntɔɔ e-liidiye yɔ, mɛhɛyɩ-ɩ ɖɩ-tam naanza.»

Yohanɛɛsɩ 12:43

Paasɔɔlaa se ɛyáa ɛyɩɣyɩ-wɛ nɛ pɩkɩlɩ Ɛsɔ yɩɣyʋʋ-wɛ yɔ.

Yohanɛɛsɩ 13:37

Peeɖe Pɩyɛ pɔzɩ-ɩ se: «Kɩpaɣlʋ! Pɩlabɩ ɛzɩma nɛ maapɩzɩɣ mantɩŋ-ŋ lɛɛlɛɛyɔ? Paa sɩm yɔ, mansɩkɩ ñɔ-yɔɔ!»

Yohanɛɛsɩ 15:13

Weyi etisiɣ nɛ ɛsɩ ɛ-ɛgbaɣdɩnaa yɔɔ yɔ, ɛsɔɔlɩ-wɛ siŋŋ. Sɔɔlɩm nabʋyʋ fɛyɩ nɛ pɩkɩlɩ ḿbʋ́.

Yohanɛɛsɩ 6:63

Fezuu Kiɖeɖeu haɣnɩ wezuu. Ɛyʋ ɛɛpɩzɩɣ ɛla pʋyʋ. Tɔm ndʋ́ meheyi-mɩ yɔ, tɩ-yɔɔ kɩtɩŋɩɣna nɛ kɩhaɣ wezuu.

Tʋma Labʋ 21:13

Peeɖe ɛ́lɛ́ kitini-ɖʋ se: «Pɩlabɩ ɛzɩma nɛ iwiliɣ nɛ ɩñɩnɩɣ se itisi mon-toma taa ḿbʋ́? Ma lɛ, pɩtɛkɛ hɔkʋʋ yɔɔ ɖeke mɔñɔɔzɩ man-tɩ nɛ manɖaŋ. Ɛlɛ́, manɖaŋaa ɖɔɖɔ se paa sɩm yɔ, mansɩ Kɩpaɣlʋ Yesu yɔɔ Yeruusalɛm.»

Galaatɩ 5:26

Đɩtaakpazɩ ɖa-tɩ, ɖɩɖɔkɩ ɖa-tɩ nɛ ɖa-pana ɛtaakpanɩ ɖama yaa ɖɩtaaɖʋ ɛsɩyɛ ɖama yɔɔ.

Filiipu 2:3

Ɩtaala nabʋyʋ se ɩkɩlɩnɩ lɛlaa yaa ɩkʋndɩnɩ-pʋ falaa. Ɛlɛ́, iluzi mɩ-tɩ ɖama tɛɛ, paa weyi ɛkpaɣ lɛlaa se pakɩlɩ ɛ-maɣmaɣ.

1 Timootee 4:8

Yee nɔɔyʋ ɛmalɩsɩɣ e-tomnaɣ nɛ nabʋyʋ yɔ, pʋwɛ waɣzaɣ pazɩ yem. Ɛlɛ́, yee ɛcaɣ wezuu ɛzɩ Ɛsɔ liu wɛʋ yɔ yɔ, pʋwɛ waɣzaɣ pɩtɩŋa pɩ-taa. Mbʋ́ pʋyɔɔ yɔ, pɩhaɣ-ɖʋ lɛɛlɛɛyɔ wezuu nɛ cee wayɩ ñɩŋgʋ.

Ebree 13:9

Ɛyáa lɩzɩ tɔm ndɩ ndɩ nɛ pawɩlɩɣ. Pʋ-yɔɔ lɛ, itaayele nɛ pepeɣzi-mɩ nɛ tʋ. Mbʋ́ pʋyɔɔ yɔ, pʋwɛ ɖeu se pɩtɩŋnɩ Ɛsɔ lootiye yɔɔ nɛ ɛyʋ kpa ɖoŋ. Ɛlɛ́, pɩtaatɩŋnɩ tɔɔnaɣ paɣtʋ yɔɔ. Mbá pɔɖɔm paɣtʋ ńdʋ́ tɩ-yɔɔ yɔ, pɩtawazɩ-wɛ pʋyʋ.