1 Kɔrɛntɩ 13:12 - New Testament

¹² Alɩwaatʋ tʋnɛ tɩ-taa lɛ, pʋwɛ ɛzɩ ñɩnʋʋ fiɖiyii ñɩŋgʋ taa ɖɩcɔŋna yɔ, ɖɩɩnaɣ pɩtɩŋa camɩyɛ. Ɛlɛ́ puwiye lɛ, ɖɩkɔŋ pɩtɩŋa naʋ ɖɛ-ɛsɩndaa kaŋŋ. Lɛɛlɛɛyɔ mantatɩlɩ pɩtɩŋa, ɛlɛ́, mɔnkɔŋ tɛzʋʋ pɩtɩŋa payɩ sɩm puwiye ńɖɩ́ ɛzɩ Ɛsɔ sɩm-m ɖɔɖɔ yɔ.

1 Kɔrɛntɩ 13:12 ပူးပေါင်းရင်းမြစ်များ

Maatiyee 18:10

Yesu tasɩ ɛ-tɔmkpɛlɩkɩyaa paɣ́ʋ se: «Ɩɖɔkɩ mɩ-tɩ nɛ ɩtaapɛŋ mbá pɛwɛnɩ lidaʋ mɔ-yɔɔ nɛ patakpaɣ-wɛ payaa pʋyʋ yɔ pa-taa nɔɔyʋ tɛtɛ. Toovenim lɛ, mankaɖɩɣ-mɩ se: man-Caa weyi ɛwɛ ɛsɔdaa yɔ, e-tiyiyaa mbá pɔcɔŋnɩ pɔ-yɔɔ yɔ, pɛwɛ ɛ-cɔlɔ tam. [

Maatiyee 5:8

Mbá pa-taa wɛ cɩɖɩcɩɖɩ yɔ, pehiɣ pa-tɩ! Mbʋ́ pʋyɔɔ yɔ, pɔkɔŋ Ɛsɔ naʋ.

Room 8:18

Manawa se kʋñɔŋ ŋgʋ́ ɖɩtɔkɩ lɛɛlɛɛyɔ yɔ, paapɩzɩɣ pamaɣzɩ-kʋ nɛ koboyaɣ ŋgá Ɛsɔ kaɣ-ɖʋ wɩlʋʋ yɔ.

1 Kɔrɛntɩ 13:11

Alɩwaatʋ ndʋ́ maakɛ pɩɣa yɔ, mɔyɔɔdaɣ nɛ mamaɣzɩɣ nɛ mahʋʋ man-taa ɛzɩ pɩɣa yɔ. Lɛɛlɛɛyɔ malabɩ ɛyʋ lɛ, meyele pɩcatʋ tɔm.

1 Kɔrɛntɩ 8:3

Ŋgʋ́, yee nɔɔyʋ ɛsɔɔlɩ Ɛsɔ yɔ, Ɛsɔ sɩm-ɩ.

2 Kɔrɛntɩ 3:18

Pʋ-yɔɔ lɛ, mbá ɖa ɖatɩŋa payɩ pokuli ɖɛ-ɛsɛ yɔɔ kɛtɛɛka ŋ́gá yɔ, ɖɩnaɣ Kɩpaɣlʋ koboyaɣ tam nɛ ɖɩtɛzɩɣ wɛʋ ɛzɩ ɛnʋ yɔ. Ḿbʋ́ yebina nɛ pɩtɩŋɩɣnɩ e-Fezuu Kiɖeɖeu yɔɔ nɛ e-koboyaɣ tɛzɩɣ ɖɔʋ ɖɔ-cɔlɔ.

2 Kɔrɛntɩ 5:7

Toovenim lɛ, ɖɩtanata-pʋ nɛ ɖɛ-ɛsɛ, ɛlɛ́, ɖɩwɛnɩ lidaʋ ɛ-yɔɔ yɔɔ ɖɩɖɔŋ ḿbʋ́.

Filiipu 3:12

Maatɔŋ se mɛntɛm hiɣu pɩtɩŋa payɩ yaa mɛntɛm kɛʋ weyi ɛmʋnaa yɔ. Ɛlɛ́, mɔnɖɔŋ ñaɣʋ pana se mantalɩ nɛ mamʋ man-kɩhɛyʋʋ. Mbʋ́ pʋyɔɔ yɔ, Krɩstʋ Yesu tɛm-m mʋ́ʋ.

Yakubu 1:23

Weyi ewelesiɣ-tʋ yem nɛ ɛɛɖɔŋ tɩ-yɔɔ yɔ, ɛwɛ ɛzɩ weyi ɛcɔŋnɩ ɛ-tɩ ñɩnʋʋ taa nɛ ɛnaɣ ɛzɩma mbʋ́ ɛwɛɛ yɔ.

1 Yohanɛɛsɩ 3:2

Mɛ-ɛgbaɣdɩnaa! Lɛɛlɛɛyɔ ɖɩkɛ Ɛsɔ piya. Nɔɔyʋ tanadɩ mbʋ́ ɖɩkɔŋ kɛʋ yɔ. Ɛlɛ́, ɖɩsɩm se alɩwaatʋ ndʋ́ Yesu Krɩstʋ pɩsɩɣ ɛkɔɔ nɛ pana-ɩ yɔ, ɖɩwɛɣ ɛzɩ ɛwɛʋ yɔ, mbʋ́ pʋyɔɔ yɔ, ɖɩnaɣ-ɩ ɛzɩ ɛwɛʋ yɔ.

Wɩlʋʋ 22:4

Pɔkɔŋ naʋ ɛ-ɛsɩndaa nɛ ɛ-hɩɖɛ wɛɛ pe-kila taa.