1 Kɔrɛntɩ 12:8 - New Testament

⁸ Pʋ-yɔɔ kɩha ɖa-taa nabɛyɛ lɔŋsɩnɖɛ se pɔyɔɔdɩna, nɛ kɩha lɛlaa lɛɣtʋ se paba ɛyɔɔdɩna ɖɔɖɔ.

1 Kɔrɛntɩ 12:8 ပူးပေါင်းရင်းမြစ်များ

Maatiyee 13:11

Yesu cosi-wɛ se: «Ɛsɔ taha-wɛ lɛɣtʋ se panɩɩ e-Kewiyaɣ tɔm ndʋ́ tɩwɛ mɛsaɣ tɛɛ yɔ, tɩ-tɔbʋʋ yɔɔ mɔyɔɔdʋʋnɩ-wɛ ḿbʋ́. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ.

Tʋma Labʋ 6:3

Pʋ-yɔɔ lɛ, taabalaa! Ɩcɔna nɛ ɩlɩzɩ mɩ-taa abalaa kɩbama lɔŋsɩnɖaa lʋbɛ mbá Fezuu Kiɖeɖeu wɛ pɔ-yɔɔ yɔ nɛ ɖɩɖʋ-wɛ tʋmɩyɛ ńɖɩ́.

Room 15:14

Man-taabalaa mɩ, ma-maɣmaɣ mana siŋŋ se ɩlakɩ ɖeu pɩtɩŋa pɩ-taa nɛ ɩtɩlɩ mbʋ́ pʋpɔzʋʋ Ɛsɔ nʋmɔʋ taa yɔ pɩtɩŋa payɩ. Ɩpɩzɩɣ ɩtasɩ ɖama lɛɣtʋ.

1 Kɔrɛntɩ 1:30

Ŋgʋ́, Ɛsɔ kpɛndɩ mɩ nɛ Krɩstʋ Yesu. Ɛsɔ ɛnʋ eyebina se ɛkɛ ɖɔ-lɔŋsɩnɖɛ. Ɛ-yɔɔ Ɛsɔ tɩŋnaa nɛ ɛpɩsɩ-ɖʋ kʋtʋʋzaa nɛ ɖɩpɩsɩ ɛ-ñɩma nɛ ɛya ɖa-ñʋʋ.

1 Kɔrɛntɩ 1:5

Toovenim lɛ, mɩ-kpɛndʋʋ ḿbʋ́ pʋ-yɔɔ ɩpɩsɩ ñɩm tɩnaa. Ɛsɔ ha-mɩ pɩtɩŋa payɩ. Kɔzɩkɔzɩ eyebu nɛ ɩtɩlɩ toovenim nɛ isusuu ɛ-tɔm yɔ.

1 Kɔrɛntɩ 13:2

Paa pɩɩha-m se monsusi tɔm ndʋ́ tɩlɩnɩ Ɛsɔ cɔlɔ yɔ nɛ mɛwɛnɩ lɛɣtʋ tɩŋa nɛ manpɩzɩɣ manɩɣ tɔm ndʋ́ tɩwɛ mɛsaɣ tɛɛ yɔ tɩtɩŋa yaa paa maawɛnɩ lidaʋ siŋŋ se manpɩzɩɣ mɛnkpɛzɩɣnɩ pʋŋ nɛ yee maasɔɔlʋʋ ɛyáa yɔ, mɛntɛkɛ pʋyʋ.

1 Kɔrɛntɩ 13:8

Sɔɔlɩm wɛɣ tam, ɛlɛ́, tɔm ndʋ́ tɩlɩnɩ Ɛsɔ cɔlɔ yɔ ti-susuu kaɣ sɩʋ tɩnaɣ. Kʋnʋmɩŋ ndɩ ndɩ yɔɔdʋʋ nɛ mbʋ́ ɖɩsɩma yɔ, pɔkɔŋ sɩʋ tɩnaɣ ɖɔɖɔ.

1 Kɔrɛntɩ 14:26

Taabalaa, ɛbɛ pʋwɛɛ se ɩla yɔ? Pʋwɛɛ se paa mɩ-taa weyi ɛwɛnɩ nabʋyʋ alɩwaatʋ ndʋ́ ikpeɣliɣ ɖama yɔ. Pɩpɩzaɣ se pɩkɛ hendu yaa tɔm natʋyʋ se ɛwɩlɩɣ yaa Ɛsɔ wɩlɩ-ɩ nabʋyʋ yaa ɛwɛnɩ tɔm natʋyʋ se ɛyɔɔdʋʋnɩ kʋnʋŋ ŋgʋ́ ɛyáa ɛɛnɩɣ yɔ kɩ-taa nɛ lɛlʋ ɖɛzɩɣ-tʋ. Ɛlɛ́, pʋwɛɛ se pɩtɩŋa payɩ pɩsɩnɩ lɛlaa nɛ papɩɩ pe-lidaʋ nʋmɔʋ taa.

1 Kɔrɛntɩ 14:6

Pʋ-yɔɔ lɛ, taabalaa, mɔnpɔzʋʋ-mɩ se: yee mɔnkɔm mɩ-tɛ nɛ mɔyɔɔdʋʋnɩ-mɩ kʋnʋmɩŋ weyi ɩɩnɩɣ yɔ nɛ menteheyi-mɩ tɔm ndʋ́ tɩɩwɛ mɛsaɣ tɛɛ yɔ tɩ-taa natʋyʋ yaa lɔŋsɩnɖɛ tɔm yaa tɔm ndʋ́ tɩlɩnɩ Ɛsɔ cɔlɔ yɔ yaa mantawɩlɩ-mɩ natʋyʋ lɛ, mawazɩ-mɩ we?

1 Kɔrɛntɩ 2:11

Apɩzɩɣ ɛtɩlɩ mbʋ́ pʋwɛ lɛlʋ taa yɔ? Ɛlɛ́, paa weyi ɛ-maɣmaɣ ɛ-kalɩzaɣ tɩlɩɣnɩ mbʋ́ pʋwɛ ɛ-taa yɔ. Ḿbʋ́ ɖɔɖɔ mbʋ́ pʋwɛ Ɛsɔ taa yɔ, nɔɔyʋ ɛɛpɩzɩɣ ɛtɩlɩ-pʋ nɛ pɩtasɩnɩ Ɛsɔ ɛnʋ ɛ-maɣmaɣ e-Fezuu.

1 Kɔrɛntɩ 2:16

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Asɩm Kɩpaɣlʋ lɩmaɣza? Apɩzɩɣ ɛtasɩ-ɩ tɔm?» Ŋgʋ́ ɖa yɔ, ɖɩmaɣzɩɣ ɛzɩ Krɩstʋ maɣzʋʋ yɔ.

2 Kɔrɛntɩ 1:12

Mbʋ́ ɖɩkʋndʋʋna yɔ lɛ se: ɖɩnaɣ ɖa-taa se ɖe-wezuu caɣʋ kedeŋa yɔɔ cɩnɛ, kɔzɩkɔzɩ mɩ-ɛsɩndaa lɛ, ɖɩwɛ yayɩ nɛ ɖɩyɔɔdʋʋ toovenim. Ɛsɔ cɔlɔ pɩlɩnɩ pɩtɩŋa. Pɩtɛkɛ ɛyáa lɔŋsɩnɖɛ yɔɔ pɩtɩŋnaa. Ɛlɛ́, Ɛsɔ lootiye yɔɔ pɩtɩŋnaa.

2 Kɔrɛntɩ 11:6

Paa mɛnfɛyɩ nɔɔ leleŋ yɔ, mansɩm nabʋyʋ. Ḿbʋ́ ɖɩwɩlɩ-mɩ kpayɩ alɩwaatʋ kpeekpe pɩtɩŋa pɩ-taa.

2 Kɔrɛntɩ 2:14

Pʋwɛɛ se ɖɩsa Ɛsɔ se eyeba pɩtɩŋna ɖa nɛ Krɩstʋ ɖɛ-kpɛndʋʋ yɔɔ nɛ ɖɩwakɩ tam. Mbʋ́ pʋyɔɔ yɔ, eyeki se pɩtɩŋnɩ ɖɔ-yɔɔ nɛ ɛyáa sɩm-ɩ paa le ɛzɩ tɩlaaɖɩ sɔzɩŋ ñɛyʋʋ yɔ.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

2 Kɔrɛntɩ 6:6

Đɔɖɔ lɛ, ɖɩtɩŋɩɣnɩ ɖa-cɩɖɩcɩɖɩ wɛtʋ nɛ ɖɔ-lɔŋsɩnɖɛ nɛ ɖa-tɩ ɖɔkʋʋ nɛ ɖa-camɩyɛ lakasɩ nɛ Fezuu Kiɖeɖeu nɛ ɖɔ-sɔɔlɩm siŋŋ

2 Kɔrɛntɩ 8:7

Ɩkɛ ñɩm tɩnaa Ɛsɔ nʋmɔʋ taa: ɩwɛnɩ lidaʋ siŋŋ Krɩstʋ yɔɔ, isusuu Ɛsɔtɔm camɩyɛ. Mbʋ́ ɩsɩm yɔ pʋɖɔwa, ɩñakɩ pana Ɛsɔ tʋmɩyɛ taa nɛ ɩsɔɔlɩ-ɖʋ siŋŋ. Pʋ-yɔɔ lɛ, ɩla sɔɔlɩm tʋmɩyɛ ńɖɩ́ ɖɔɖɔ nɛ mɩ-laŋɩyɛ tɩŋa pilim.