1 Kɔrɛntɩ 12:3 - New Testament

³ Pʋ-yɔɔ mankaɖɩɣ-mɩ se: nɔɔyʋ fɛyɩ se ɛyɔɔdʋʋnɩ Fezuu Kiɖeɖeu ɖoŋ nɛ ɛtɛ ɛtɔ se: «Ɛsɔ ɛwɩlɩ Yesu kpalʋʋ.» Nɔɔyʋ ɛɛpɩzɩɣ ɛyɔɔdɩ ɖɔɖɔ se: «Yesu lɛ Kɩpaɣlʋ» nɛ pɩtatɩŋnɩ Fezuu Kiɖeɖeu yɔɔ.

1 Kɔrɛntɩ 12:3 ပူးပေါင်းရင်းမြစ်များ

Maatiyee 22:43

Peeɖe ɛpɔzɩ-wɛ se: «Yee ḿbʋ́, pɩlabɩ ɛzɩma nɛ Fezuu Kiɖeɖeu tii Daaviidi yɔɔ nɛ ɛpɩzɩ ɛ́yáa-ɩ se: ‹Kɩpaɣlʋ?›

Maarkɩ 9:39

Peeɖe Yesu cosi-wɛ se: «Ɩtaaɖaŋ-ɩ, mbʋ́ pʋyɔɔ yɔ, nɔɔyʋ fɛyɩ se ɛpɩzɩɣ ɛla hama lakasɩ nɛ mon-ɖoŋ nɛ ɛtɛ ɛyɔɔdɩ-m tɔm ɛzaɣ́tʋ ɖɔɖɔ.

Yohanɛɛsɩ 13:13

Ɩyaɣ-m se: ‹Wɩlɩyʋ› nɛ ‹Kɩpaɣlʋ.› Ɩwɛnɩ toovenim, mbʋ́ pʋyɔɔ yɔ, mɛnkɛ ḿbʋ́.

Yohanɛɛsɩ 13:14

Yee weyi ma mɛnkɛ mɩ-Kɩpaɣlʋ nɛ mɩ-Wɩlɩyʋ yɔ, mɔnkɔ mɩ-naŋgbanzɩ lɩm yɔ, pʋwɛɛ se mɩ ɖɔɖɔ, ɩkɔ ɖama naŋgbanzɩ.

Yohanɛɛsɩ 15:26

Sɩnɩyʋ kaɣ kɔm: ɛnʋ lɛ toovenim Fezuu ŋgʋ́ kɩlɩɣnɩ Caa cɔlɔ yɔ. Caa cɛlɩɣnɩ-m-kʋ nɛ mentiyini-mɩ, ŋ́gʋ́ kɔŋnɩ lɩzʋʋ ma-aseɣɖe.

Tʋma Labʋ 8:37

Filiipu cosi-i se: «Yee ŋtisi tɔm ńdʋ́ nɛ ña-laŋɩyɛ tɩŋa pilim yɔ, papɩzɩɣ palabɩ-ŋ-sɩ.» Ɛlɛ́, abalʋ ɛnʋ ecosi-i se: «Mentisaa se Yesu Krɩstʋ lɛ Ɛsɔ Pɩyalʋ.»]

Room 10:9

Ńdʋ́ lɛ se: yee ŋyɔɔdɩnɩ ñɔ-nɔɔ ɛyáa tɩŋa ɛsɩndaa se Yesu lɛ Kɩpaɣlʋ nɛ ña-taa lɛ, ŋwɛnɩ lidaʋ se Ɛsɔ fezi-i nɛ ɛlɩɩnɩ sɩɖaa taa yɔ, Ɛsɔ yakɩ ña-ñʋʋ.

Room 9:3

Mbʋ́ pʋyɔɔ yɔ, yee pʋwɛɛ se Ɛsɔ ɛwɩlɩ ma-maɣmaɣ kpalʋʋ nɛ ma nɛ Krɩstʋ ɖɛ-hɛkʋ taa tayɩ nɛ pɩsɩnɩ man-taabalaa Yuda ñɩma yɔ, pɩkɛdɩɣnɩ-m.

1 Kɔrɛntɩ 16:22

Yee nɔɔyʋ ɛtɔsɔɔlɩ Kɩpaɣlʋ yɔ, pʋwɛɛ se Ɛsɔ ɛwɩlɩ pʋdʋ kpalʋʋ! Maraana ta, Kɩpaɣlʋ! Kɔɔ.

1 Kɔrɛntɩ 8:6

Paa ḿbʋ́ yɔ, ɖa ɖanawa se Ɛsɔ kʋɖʋm koŋ wɛna. Ɛnʋ lɛ ɖa-Caa. Ɛnʋ labɩnɩ pɩtɩŋa payɩ, ɛnʋ tɩnɩ-ɖʋ ɖe-wezuu caɣʋ taa. Kɩpaɣlʋ kʋɖʋm koŋ ɖɔɖɔ ɖɩwɛna. Ɛnʋ lɛ Yesu Krɩstʋ weyi Ɛsɔ tɩŋnɩ ɛ-yɔɔ nɛ ɛla mbʋ́ pɩtɩŋa payɩ pʋwɛ kedeŋa yɔɔ cɩnɛ yɔ. Ɛnʋ hanɩ-ɖʋ wezuu.

2 Kɔrɛntɩ 11:4

Mbʋ́ pʋyɔɔ yɔ, yee nɔɔyʋ ɛkɔm esusi-mɩ Yesu tɔm nɛ tɩwɛnɩ ndɩ nɛ ndʋ́ ɖiisusi-mɩ yɔ yaa ɛkɛdɩ-mɩ Fezuu ŋgʋ́ kɩwɛnɩ ndɩ nɛ ŋgʋ́ ɩɩmʋwa yɔ kʋ-tɔm yaa ɛkɛdɩ-mɩ Laŋhɛzɩyɛ Tɔm ndʋ́ tɩwɛnɩ ndɩ nɛ ndʋ́ paaheyi-mɩ nɛ itisi yɔ yɔ, itisiɣ yem kitisu.

2 Kɔrɛntɩ 3:5

Mbʋ́ pʋyɔɔ yɔ, ɖɩnawa se ɖɩɩpɩzɩɣ ɖɩla tʋmɩyɛ ńɖɩ́ nɛ ɖa-maɣmaɣ ɖo-ɖoŋ. Ɛlɛ́, Ɛsɔ yebina se ɖɩpɩzɩ ɖɩlabɩ-ɖɩ.

Galaatɩ 3:13

Pɩwɩlɩɣ se Ɛsɔ tɛm ɖɔ-tɔm kʋʋ. Ɛlɛ́, Krɩstʋ pɩsɩnɩ weyi Ɛsɔ wɩlɩ kpalʋʋ yɔ. Ɛlɛ́ɣzɩ ɖo-lone taa se ɛ́lɛ́ ɛtaatasɩ-ɖʋ-kʋ wɩlʋʋ. Ḿbʋ́ ɛlaba nɛ ɛya ɖa-ñʋʋ. Pʋwɛ ḿbʋ́, mbʋ́ pʋyɔɔ yɔ, pama ka-taa ɖɔɖɔ se: «Weyi popuzuu-i tɩʋ yɔɔ yɔ, ɛnʋ Ɛsɔ wɩlɩɣ kpalʋʋ.»

Wɩlʋʋ 1:10

Peeɖe Fezuu Kiɖeɖeu tibi mɔ-yɔɔ Kɩpaɣlʋ kɩyakʋ nakʋyʋ wiye nɛ manɩɣ puholuu nɛ ma-wayɩ ɖoŋ ɛzɩ pahʋlʋʋ ɛgandɩyɛ yɔ se: