1 Kɔrɛntɩ 11:4 - New Testament

⁴ Abalʋ weyi ɛsɛɣ Ɛsɔ yaa esusuu tɔm ndʋ́ tɩlɩnɩ Ɛsɔ cɔlɔ yɔ, ehuuzi ɛ-ñʋʋ yɔɔ pʋyʋ yɔ, ɛɖʋʋ e-wiyaʋ Krɩstʋ fɛyɛ.

1 Kɔrɛntɩ 11:4 ပူးပေါင်းရင်းမြစ်များ

Tʋma Labʋ 13:1

Náyaa nɛ wɩlɩyaa paawɛ Antɩyɔɔsɩ Krɩstʋ ŋgbɛyɛ taa. Ḿbá yɔ: Barnaabaasɩ nɛ Siimeyɔɔ weyi payaɣ se Kɩkpɛdʋ yɔ nɛ Siirɛɛnɩ tʋ Lusiyuusi nɛ Manayɛɛnɩ weyi paaɖɔkɩ ɛ nɛ wiyaʋ Eroodi pa-pɩcatʋ taa yɔ nɛ Sɔɔlɩ.

1 Kɔrɛntɩ 11:14

Mbʋ́ mɩ-maɣmaɣ ɩnaɣ kedeŋa yɔɔ cɩnɛ yɔ, pɩɩwɩlɩɣ-mɩ se pɩkɛnɩ abalʋ fɛyɛ se eyele ɛ-ñɔsɩ nɛ susu yaa we?

1 Kɔrɛntɩ 11:5

Ɛlɛ́, halʋ weyi ɛsɛɣ Ɛsɔ yaa esusuu tɔm ndʋ́ tɩlɩnɩ Ɛsɔ cɔlɔ yɔ nɛ etohuuzi ɛ-ñʋʋ yɔɔ pʋyʋ yɔ, ɛɖʋʋ ɛ-walʋ fɛyɛ. Mbʋ́ pʋyɔɔ yɔ, ɛnɩɣzɩnɩ halʋ weyi pahʋm-ɩ koloŋgolo se paɖʋ-ɩ fɛyɛ yɔ.

1 Kɔrɛntɩ 12:10

Ŋ́gʋ́ ɖɔɖɔ hanɩ nabɛyɛ se pala hama lakasɩ, lɛlaa se posusi tɔm ndʋ́ tɩlɩnɩ Ɛsɔ cɔlɔ yɔ, lɛlaa se patɩlɩ mbʋ́ pɩlɩnɩ kʋ-cɔlɔ yaa mbʋ́ pɩtalɩɩnɩ kʋ-cɔlɔ yɔ, lɛlaa se pɔyɔɔdɩ kʋnʋmɩŋ ndɩ ndɩ nɛ lɛlaa se palɩzɩ a-tɔbɩŋ.

1 Kɔrɛntɩ 12:28

Krɩstʋ tiyiyaa Ɛsɔ calɩnɩ lɩzʋʋ Yesu ŋgbɛyɛ taa. Pa-wayɩ lɛ, náyaa, paba wayɩ lɛ, wɩlɩyaa. Pʋwayɩ lɛ, ɛla lɛlaa kʋjɔŋ ndɩ ndɩ: ḿbá lɛ mbá palakɩ hama lakasɩ nɛ mbá peyeki se kʋdɔndɩnaa yɔɔ ɛcɛ yɔ nɛ mbá pasɩŋnɩ lɛlaa nɛ mbá pɔcɔŋnɩ lɛlaa yɔɔ yɔ nɛ mbá pɔyɔɔdʋʋ kʋnʋmɩŋ ndɩ ndɩ yɔ.

1 Kɔrɛntɩ 13:2

Paa pɩɩha-m se monsusi tɔm ndʋ́ tɩlɩnɩ Ɛsɔ cɔlɔ yɔ nɛ mɛwɛnɩ lɛɣtʋ tɩŋa nɛ manpɩzɩɣ manɩɣ tɔm ndʋ́ tɩwɛ mɛsaɣ tɛɛ yɔ tɩtɩŋa yaa paa maawɛnɩ lidaʋ siŋŋ se manpɩzɩɣ mɛnkpɛzɩɣnɩ pʋŋ nɛ yee maasɔɔlʋʋ ɛyáa yɔ, mɛntɛkɛ pʋyʋ.

1 Tesalooniki 5:20

Ɩtaaniɣzi tɔm ndʋ́ náyaa yɔɔdʋʋ yɔ.