1 Kɔrɛntɩ 11:2 - New Testament

² Mansaŋ-mɩ ɛzɩma mbʋ́ ɩtɔzʋʋ mɔ-yɔɔ paa ɖooye nɛ ɩɖɔkɩ ma-lakasɩ nɛ tɔm ndʋ́ pawɩlɩ-m nɛ mawɩlɩ-mɩ yɔ, pɔ-yɔɔ.

1 Kɔrɛntɩ 11:2 ပူးပေါင်းရင်းမြစ်များ

Luka 1:6

Pe-wezuu caɣʋ wɛ ɖeu Ɛsɔ ɛsɩndaa nɛ pɔɖɔŋ Kɩpaɣlʋ paɣtʋ tɩŋa yɔɔ camɩyɛ, natʋyʋ fɛyɩ se paawanɩ-wɛ.

1 Kɔrɛntɩ 11:17

Tɔm tʋnɛ tɩ-wayɩ lɛ, maasaŋ-mɩ lɛɛtʋ ndʋ́ manpazɩɣ yɔɔdʋʋ yɔ tɩ-taa. Mbʋ́ pʋyɔɔ yɔ, piiɖeɣni-mɩ mi-kpeɣluu taa. Ɛlɛ́, pʋwɛɛkɩɣ-mɩ kɩwɛɛkʋ.

1 Kɔrɛntɩ 11:22

Ɩfɛyɩnɩ ɖɩsɩ se ɩtɔɔ nɛ ɩñɔɔ sɩ-taa yaa we? Yaa Ɛsɔ ŋgbɛyɛ taa ñɩma iniɣziɣ nɛ ɩɖʋʋ fɛyɛ mbá pɛfɛyɩ pʋyʋ yɔ? Se we pʋwɛɛ se meheyi-mɩ yɔ? Mansam-mɩ yaa we? Aayɩ, maapɩzɩɣ mansam-mɩ kpem.

1 Kɔrɛntɩ 15:2

Yee ɩɖɔkɩ-tʋ ḿbʋ́ camɩyɛ kpam ɛzɩ monsusuu-mɩ-tʋ yɔ yɔ, tɩyakɩ mɩ-ñʋʋ. Pɩtɛkɛ ḿbʋ́, lidaʋ ŋgʋ́ ɩɩwɛnɩ alɩwaatʋ ndʋ́ monsusi-mɩ-tʋ yɔ, kɩɩwazɩɣ-mɩ pʋyʋ.

1 Kɔrɛntɩ 4:17

Ḿbʋ́ yebina nɛ mentiyini-mɩ man-pɩɣa kʋsɔɔlaɣ Timootee weyi ɛkɛ ɛyʋ toovenim tʋ Kɩpaɣlʋ ɛsɩndaa yɔ. Ɛnʋ tɔzʋʋnɩ-mɩ ɛzɩma mbʋ́ mɔnɖɔŋ Krɩstʋ nʋmɔʋ taa me-wezuu caɣʋ taa yɔ, nɛ ɛzɩma mbʋ́ mawɩlɩɣ paa le Yesu aŋgba tɩŋa payɩ taa yɔ.

1 Kɔrɛntɩ 7:17

Piyele tɔm lɛɛtʋ tɩŋa payɩ taa lɛ, pʋwɛɛ se paa weyi ɛcaɣ wezuu ɛzɩ Kɩpaɣlʋ haʋ-ɩ yɔ nɛ ɛwɛɛ ɛzɩ ɛɛwɛʋ nɛ pʋcɔ Ɛsɔ yaa-ɩ yɔ. Paɣtʋ tʋnɛ manɖʋʋ Yesu aŋgba tɩŋa taa ñɩma.

1 Tesalooniki 1:6

Ḿbʋ́ yebina nɛ ɩtɩŋ ɖa nɛ Kɩpaɣlʋ ɖa-nʋmɔʋ. Alɩwaatʋ ndʋ́ itisi Laŋhɛzɩyɛ Tɔm yɔ, ɩtɔɔ kʋñɔŋ siŋŋ. Ɛlɛ́, Fezuu Kiɖeɖeu kasɩnɩ-mɩ nɛ ɩwɛɛ laŋhʋlʋmɩyɛ taa.

1 Tesalooniki 3:6

Lɛɛlɛɛyɔ, Timootee lɩnɩ mɩ-tɛ nɛ ɛtalɩ. Ɛkɔnɩ-ɖʋ tɔm kɩbandʋ mi-lidaʋ wɛnaʋ nɛ mɩ-sɔɔlɩm nɛ ɛzɩma mbʋ́ ɩwɛɛ ɩtɔzʋʋ ɖɔ-yɔɔ camɩyɛ nɛ ɛzɩma mbʋ́ mi-liu wɛɛ kpem ɖɔɖɔ ɛzɩ ɖa yɔ se ɩtasɩ-ɖʋ naʋ yɔ pɔ-yɔɔ.

2 Tesalooniki 2:15

Taabalaa! Yee ḿbʋ́, ɩɖɔkɩ mɩ-tɩ kpam nɛ ɩɖɔkɩ ɖɔɖɔ tɔm ndʋ́ ɖɩwɩlɩ-mɩ nɛ nɔɔ taa yaa ndʋ́ ɖɩma-mɩ nɛ ɖɩwɩlɩ-mɩ yɔ nesi naalɛ.

2 Tesalooniki 3:6

Taabalaa! Đɩkaŋ mɩ-ñʋʋ taa nɛ ɖa-Kɩpaɣlʋ Yesu Krɩstʋ nɔɔ se ɩtaañɔtɩnɩ taabalaa mbá palakɩ fendu nɛ paaɖɔŋ tɔm ndʋ́ ɖɩwɩlɩ-mɩ nɛ itisi yɔ tɩ-yɔɔ yɔ pa-taa nɔɔyʋ.