1 Kɔrɛntɩ 10:6 - New Testament

⁶ Ḿbʋ́ wɩlɩɣnɩ-ɖʋ se ɖɩtaasɔɔlɩ kɩdɛkɛdɩm labʋ ɛzɩ paasɔɔlʋʋ yɔ.

1 Kɔrɛntɩ 10:6 ပူးပေါင်းရင်းမြစ်များ

Room 5:14

Paa ḿbʋ́ yɔ, kpaɣ Aɖam alɩwaatʋ nɛ puwolo pɩsɩɩnɩ Mooyiizi ñɩndʋ lɛ, sɩm ñaawɛɛ pʋkʋʋ ɛyáa. Halɩ pɩkpɛndɩnɩ mbá patala kɩwɛɛkɩm mbʋ́ Aɖam weyi ɛtɔɖɔ mbʋ́ Ɛsɔ kaɖʋwa yɔ pʋ-yɔɔ yɔ, ɛlaba yɔ. Aɖam ɛnʋ lɛ weyi pʋwɛɛ se ɛkɔɔ yɔ ɛ-lɛzʋʋ.

1 Kɔrɛntɩ 10:11

Pɩlabɩ-wɛ ḿbʋ́ se ɖɩna nɛ ɖɩkpa ɖa-tɩ. Ńdʋ́ pamawa se pasɩɣzɩnɩ mbá ɖa ɖɩwɛ alɩwaatʋ ndʋ́ tɩwɩzɩ tɛm yɔ tɩ-taa yɔ lɔŋ.

Ebree 4:11

Pʋ-yɔɔ lɛ, ɖikpedesi nɛ ɖɩsʋʋ hɛzʋʋ ḿbʋ́ pɩ-taa nɛ ɖa-taa nɔɔyʋ ɛtaakɔɔ ɛtɔlɩ se ɛlabɩ kaañamtʋ ɛzɩ ɖɔ-cɔzɔnaa yɔ.

Ebree 9:24

Mbʋ́ pʋyɔɔ yɔ, Krɩstʋ tasʋʋ kɩɖanɖʋʋ ŋgʋ́ ɛyáa siɣaa yɔ kɩ-tɛɛ. Ŋ́gʋ́ lɛ ɛsɔdaa ñɩŋgʋ lɛzʋʋ. Ɛlɛ́, ɛkpa ɛsɔdaa maɣmaɣ se ewolo Ɛsɔ cɔlɔ lɛɛlɛɛyɔ nɛ ɖɔ-nɔɔ.

1 Pɩyɛ 3:21

Pʋnɛ pɩtɩŋa payɩ pʋwɛ ɛzɩ lɩm sɔʋ sɔnzɩ nzɩ́ palabɩ-mɩ nɛ sɩya mɩ-ñʋʋ lɛɛlɛɛyɔ yɔ. Patalabɩ-mɩ-sɩ se sɩñalɩ mɩ-yɔɔ azuluma. Ɛlɛ́, sɩ-yɔɔ ɩtɩŋɩɣna nɛ itendi Ɛsɔ se eyele nɛ mɩ-taa wɛɛ ɖeu. Yesu Krɩstʋ fem yɔɔ Ɛsɔ tɩŋɩɣna nɛ ɛya mɩ-ñʋʋ.

2 Pɩyɛ 2:6

Pʋwayɩ lɛ, ɛhʋʋnɩ Sodom ñɩma nɛ Gomɔɔrɩ ñɩma nɛ ɛkʋ pɔ-tɔm nɛ ɛñaɣzɩ pa nɛ pɛ-tɛtʋ miŋ nɛ papɩsɩ tɔlɩma. Ḿbʋ́ ɛwɩlɩnɩ mbá paañaŋ-ɩ yɔ se ḿbʋ́ pʋkɔŋ-wɛ tɛmnaʋ.

Yuudi 1:7

Ɩtɔzɩ ɖɔɖɔ se Sodom tɛtʋ nɛ Gomɔɔrɩ ñɩndʋ nɛ ndʋ́ ndʋ́ tɩñɔtɩnɩ-tʋ yɔ, tɩ-taa ñɩma kalaba ɖɔɖɔ ɛzɩ Ɛsɔ tiyiyaa ḿbá yɔ. Palakaɣ acɛyɛ, halɩ pañɩnɩɣ se pala mbʋ́ pɩfɛyɩ ɛyáa ñɩndʋ taa kpem yɔ. Pʋ-yɔɔ Ɛsɔ hɔm pa-nɩŋgbaaŋ nɛ ɛɖʋ-wɛ miŋ weyi eeɖeŋ kaʋ yɔ ɛ-taa. Ɛlabɩ ḿbʋ́ se ɛyáa tɩŋa ɛna nɛ pakpa pa-tɩ.