1 Kɔrɛntɩ 10:32 - New Testament

³² Mi-wezuu caɣʋ taa lɛ, itaayele nɛ pɩtɩŋnɩ mɩ-yɔɔ nɛ Yuda ñɩma yaa mbá pɛtɛkɛ Yuda ñɩma yɔ yaa Ɛsɔ ñɩma pa-taa nɔɔyʋ tɔlɩ nʋmɔʋ ŋgʋ́ ɛɖɔŋ yɔ kɩ-taa.

1 Kɔrɛntɩ 10:32 ပူးပေါင်းရင်းမြစ်များ

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Tʋma Labʋ 24:16

Pʋ-yɔɔ mañakɩ pana se man-taa ɛwɛɛ ɖeu Ɛsɔ nɛ ɛyáa pɛ-ɛsɩndaa tam.

Room 14:13

Điyele ɖama tɔm hʋnaʋ. Ɛlɛ́, ɩɖʋ kpem se: ɩɩlakɩ nabʋyʋ nɛ piyele putuuli mɩ-taabalʋ yaa pɩpɛɖɩ-ɩ kɩwɛɛkɩm taa.

1 Kɔrɛntɩ 1:2

Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ. Ɛya-mɩ se pɩtɩŋnɩ Krɩstʋ yɔɔ nɛ ɩcaɣ wezuu ɛzɩ pɩkɛdɩnaʋ-ɩ yɔ. Pɩtɩŋnɩ mɩ nɛ Krɩstʋ Yesu mɩ-kpɛndʋʋ yɔɔ nɛ ɩkɛ ɛ-ñɩma. Đɩmaɣ-kɛ mɩ nɛ mbá patɩŋa payɩ pɛwɛ paa le nɛ payaɣ ɖa-Kɩpaɣlʋ Yesu Krɩstʋ hɩɖɛ yɔ. Yesu Krɩstʋ lɛ pa-Kɩpaɣlʋ. Ɛnʋ ɖɔɖɔ lɛ ɖa-Kɩpaɣlʋ.

1 Kɔrɛntɩ 10:33

Ɩla ɖɔɖɔ ɛzɩ ma yɔ: mañakɩ pana se mɔn-tɔm ɛkɛdɩnɩ ɛyáa tɩŋa pɩtɩŋa pɩ-taa. Maañɩnɩɣ se piɖeni ma-maɣmaɣ. Ɛlɛ́, mañɩnɩɣ se piɖeni ɛyáa tɩŋa nɛ pɩya pa-ñʋʋ.

1 Kɔrɛntɩ 11:22

Ɩfɛyɩnɩ ɖɩsɩ se ɩtɔɔ nɛ ɩñɔɔ sɩ-taa yaa we? Yaa Ɛsɔ ŋgbɛyɛ taa ñɩma iniɣziɣ nɛ ɩɖʋʋ fɛyɛ mbá pɛfɛyɩ pʋyʋ yɔ? Se we pʋwɛɛ se meheyi-mɩ yɔ? Mansam-mɩ yaa we? Aayɩ, maapɩzɩɣ mansam-mɩ kpem.

1 Kɔrɛntɩ 12:28

Krɩstʋ tiyiyaa Ɛsɔ calɩnɩ lɩzʋʋ Yesu ŋgbɛyɛ taa. Pa-wayɩ lɛ, náyaa, paba wayɩ lɛ, wɩlɩyaa. Pʋwayɩ lɛ, ɛla lɛlaa kʋjɔŋ ndɩ ndɩ: ḿbá lɛ mbá palakɩ hama lakasɩ nɛ mbá peyeki se kʋdɔndɩnaa yɔɔ ɛcɛ yɔ nɛ mbá pasɩŋnɩ lɛlaa nɛ mbá pɔcɔŋnɩ lɛlaa yɔɔ yɔ nɛ mbá pɔyɔɔdʋʋ kʋnʋmɩŋ ndɩ ndɩ yɔ.

1 Kɔrɛntɩ 15:9

Mbʋ́ pʋyɔɔ yɔ, mɛnkɛnɩ Krɩstʋ tiyiyaa taa tɔyaɣ. Toovenim lɛ, mantamʋna se paya-m se Krɩstʋ tiyiyu. Mbʋ́ pʋyɔɔ yɔ, maawɛnɩ ɛ-ŋgbɛyɛ taa ñɩma wayɩ kaŋ kaŋ.

1 Kɔrɛntɩ 7:17

Piyele tɔm lɛɛtʋ tɩŋa payɩ taa lɛ, pʋwɛɛ se paa weyi ɛcaɣ wezuu ɛzɩ Kɩpaɣlʋ haʋ-ɩ yɔ nɛ ɛwɛɛ ɛzɩ ɛɛwɛʋ nɛ pʋcɔ Ɛsɔ yaa-ɩ yɔ. Paɣtʋ tʋnɛ manɖʋʋ Yesu aŋgba tɩŋa taa ñɩma.

1 Kɔrɛntɩ 8:13

Pʋ-yɔɔ lɛ, yee tɔɔnaɣ ŋgá ka-taa wɛ kɩlaʋ nandʋ yɔ kɔ-tɔɔʋ eyekina se man-taabalʋ ɛtɔlɩ Ɛsɔ nʋmɔʋ taa yɔ, maatasɩɣ nandʋ tɔɔʋ kaʋ.

2 Kɔrɛntɩ 1:1

Ma Pɔɔlɩ weyi Ɛsɔ liu wɛɛ se mɛnkɛ Krɩstʋ Yesu tiyiyu yɔ nɛ taabalʋ Timootee ɖɩmaɣnɩ-mɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ nɛ Ɛsɔ ñɩma lɛlaa mbá patɩŋa payɩ pɛwɛ Akayɩ egeetiye tɩŋa taa yɔ.

2 Kɔrɛntɩ 6:3

Đɩcaɣ se nɔɔyʋ ɛtaapɩzɩ ɛkpɛzɩnɩ-ɖʋ tʋmɩyɛ nɖɩ́ ɖɩlakɩ yɔ ɖɩ-yɔɔ. Pʋ-yɔɔ ɖɩñakɩ pana se nɔɔyʋ ɛtaatɔlɩ Ɛsɔ nʋmɔʋ taa.

Galaatɩ 1:13

Pɔyɔɔdaa nɛ ɩnɩɩ mbʋ́ malakaɣ alɩwaatʋ ndʋ́ malakaɣ Yuda ñɩma sɔnzɩ yɔ. Tɩ-taa lɛ, maawɛ Ɛsɔ ŋgbɛyɛ taa ñɩma wayɩ kaŋ kaŋ nɛ mañɩnɩɣ se mankʋ patɩŋa.

Filiipu 1:10

nɛ ɩpɩzɩ ɩlɩzɩ mbʋ́ pɩkɩlɩ ɖeu yɔ. Ḿbʋ́ yekina nɛ ɩwɛɛ cɩɖɩcɩɖɩ nɛ paanaɣ kawanaɣ nakɛyɛ mɩ-yɔɔ puwiye nɖɩ́ Krɩstʋ lɩzɩɣ ɛ-tɩ nɛ ɛwɩlɩ yɔ

Filiipu 3:6

Mɛ-ɛsɩyɛ kɛsɛnɩ Krɩstʋ ŋgbɛyɛ taa ñɩma wayɩ wɛʋ kaŋ kaŋ. Paɣtʋ yɔɔ ɖɔm lɛ, natʋyʋ fɛyɩ se paawanɩ-m.

1 Tesalooniki 2:14

Taabalaa! Toovenim lɛ, ɩtɩŋ Yudee Ɛsɔ aŋgba taa ñɩma nʋmɔʋ. Aŋgba ana, a nɛ Krɩstʋ Yesu pɛ-kpɛndʋʋ yɔɔ akɛ ḿbʋ́. Mɩ-maɣmaɣ mɩ-tɛ ñɩma ɖʋ-mɩ kʋñɔŋ ɖɔɖɔ ɛzɩ Yuda ñɩma kaaɖʋʋ a-taa ñɩma yɔ.

1 Timootee 3:15

Yee mɔntɔkɔɔ lɔŋ yɔ, takayaɣ kanɛ kawɩlɩɣnɩ-ŋ ɛzɩma mbʋ́ pʋwɛɛ se pɔɖɔ Ɛsɔ hɔʋ taa yɔ. Ŋ́gʋ́ lɛ Ɛsɔ weyi ɛwɛ wezuu yɔ ɛ-ŋgbɛyɛ. Ŋ́gʋ́ ɖɔɖɔ lɛ toovenim tɔm tilimiye nɛ ti-sisika.

1 Timootee 3:5

Mbʋ́ pʋyɔɔ yɔ, yee ɛyʋ ɛɛpɩzɩɣ ɛ-maɣmaɣ ɛ-hɔʋ taa ñɩma yɔɔ cɔnaʋ lɛ, ɛzɩma ɛpɩzɩɣ ɛcɔnɩ Ɛsɔ ŋgbɛyɛ taa ñɩma yɔɔ yɔ?