1 Kɔrɛntɩ 10:16 - New Testament

¹⁶ Kpɛndʋʋ caɖaɣ ŋgá ɖɩsɛɣ kɔ-yɔɔ Ɛsɔ yɔ, kaakpɛndɩɣ ɖa nɛ Krɩstʋ calɩm alɩwaatʋ ndʋ́ ɖɩñɔʋ-kɛ yɔ yaa we? Nɛ tindine nɖɩ́ ɖɩcɩyɩɣ yɔ, ɖɩɩkpɛndɩɣ ɖa nɛ Krɩstʋ tomnaɣ alɩwaatʋ ndʋ́ ɖɩtɔkɩ-ɖɩ yɔ yaa we?

1 Kɔrɛntɩ 10:16 ပူးပေါင်းရင်းမြစ်များ

Luka 22:17

Peeɖe ɛkpaɣ sʋlʋm nɛ caɖaɣ nɛ ɛsɛɛ pʋ-yɔɔ Ɛsɔ nɛ ɛcɛlɩ-wɛ se: «Ɩmʋ-pʋ nɛ ɩtayɩ ɖama nɛ ɩñɔɔ.»

Tʋma Labʋ 2:42

Ɛyáa ḿbá, pɛ-ɛsɩyɛ sɛnɩ tiyiyaa tɔm welesuu nɛ pa nɛ wɛ panɩɣnɩ ɖama nɛ palakɩ tindine tayʋʋ sɔnzɩ nɛ pɛsɛɣ Ɛsɔ.

Tʋma Labʋ 2:46

Panɩɣaɣnɩ ɖama kɩyakɩŋ tɩŋa nɛ papaŋ ɖama kpeɣluu Ɛsɔ ɖɩɣa taa. Pɔcɔwaɣ ɖama tɛ nɛ pɔtɔkɩ nɛ palakɩ tindine tayʋʋ sɔnzɩ nɛ laŋhʋlʋmɩyɛ yem fɛɛɛ.

Tʋma Labʋ 20:11

Peeɖe Pɔɔlɩ pɩsaa ɛkpa nɛ ɛcɩyɩ tindine nɛ ɛtɔɔ. Pɛtɛm sɔnzɩ ńzɩ́ labʋ lɛ, ɛɖaɣnɩ yɔɔdʋʋ ka ka nɛ tɛʋ kɔɔ kife. Pʋwayɩ lɛ, ɛɖɛɛ.

Tʋma Labʋ 20:7

Kujuka wiye lɛ, ɖikpeɣli ɖama se ɖɩlakɩ tindine tayʋʋ sɔnzɩ. Kifeŋaɣ se Pɔɔlɩ ekpe. Pʋ-yɔɔ ɛɛwɛɛ nɛ ɛyɔɔdʋʋnɩ mbá pɛwɛ peeɖe yɔ nɛ pʋkɔɔ pɩtalɩ ɖoó hɛkʋ.

1 Kɔrɛntɩ 1:9

Ɛsɔ weyi ɛya-mɩ se mɩ nɛ ɛ-Pɩyalʋ Yesu Krɩstʋ weyi ɛkɛ ɖa-Kɩpaɣlʋ yɔ ɩkpɛndɩ ɩla nɔɔ kʋɖʋmaɣ yɔ, ɛlakɩ mbʋ́ ɛɖʋwa se ɛlakɩ yɔ.

1 Kɔrɛntɩ 10:15

Mɔyɔɔdʋʋnɩ-mɩ ɛzɩ mbá pɛwɛ lɛɣtʋ yɔ. Mɩ-maɣmaɣ ɩmaɣzɩ ndʋ́ meheyiɣ-mɩ yɔ tɩ-yɔɔ nɛ ɩna.

1 Kɔrɛntɩ 12:13

Mbʋ́ pʋyɔɔ yɔ, Fezuu Kiɖeɖeu kʋɖʋmʋʋ ŋ́gʋ́ kɩ-yɔɔ pɩtɩŋnaa nɛ pala ɖatɩŋa payɩ lɩm sɔʋ sɔnzɩ nɛ ɖɩpɩsɩ tomnaɣ kʋɖʋmaɣ. Paa ɖɩkɛ Yuda ñɩma yaa mbá pɛtɛkɛ Yuda ñɩma yɔ, yaa yomaa yaa mbá pɛwɛ pa-tɩ yɔɔ yɔ, ɖatɩŋa payɩ Fezuu kʋɖʋmʋʋ ŋ́gʋ́ kɩ-lɩm ɖɩñɔwa.

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

1 Yohanɛɛsɩ 1:3

Điheyiɣ-mɩ mbʋ́ ɖɩnanɩ ɖɛ-ɛsɛ nɛ ɖɩnɩɩnɩ ɖa-nɩŋgbaaŋ yɔ se ɩkpɛndɩ ɖɔ-yɔɔ ɖa nɛ Caa nɛ ɛ-Pɩyalʋ Yesu Krɩstʋ ɖɛ-kpɛndʋʋ taa.

1 Yohanɛɛsɩ 1:7

Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.