1 Kɔrɛntɩ 1:9 - New Testament

⁹ Ɛsɔ weyi ɛya-mɩ se mɩ nɛ ɛ-Pɩyalʋ Yesu Krɩstʋ weyi ɛkɛ ɖa-Kɩpaɣlʋ yɔ ɩkpɛndɩ ɩla nɔɔ kʋɖʋmaɣ yɔ, ɛlakɩ mbʋ́ ɛɖʋwa se ɛlakɩ yɔ.

1 Kɔrɛntɩ 1:9 ပူးပေါင်းရင်းမြစ်များ

Maatiyee 24:35

Ɛsɔdaa nɛ tɛtʋ pamʋkɩ, ɛlɛ́, mɔn-tɔm ñaamʋkɩ kaʋ.»

Yohanɛɛsɩ 17:21

Mentendiɣ-ŋ se ŋyele nɛ patɩŋa payɩ pala nɔɔ kʋɖʋmaɣ. Caa! Yele ɖa nɛ wɛ ɖɩwɛɛ ɖama taa ɛzɩ ma nɛ ŋ ɖɩwɛʋ ɖama taa yɔ. Ḿbʋ́ wɩlɩɣnɩ kedeŋa ñɩma se ñetiyini-m.

Room 11:17

Izrɛɛlɩ ñɩma wɛ ɛzɩ somuu ŋgʋ́ pɔsɔwa nɛ pɛsɛtɩ ki-pilinzi nasɩyɩ yɔ. Weyi ña ŋtɛkɛ Yuda tʋ yɔ, ŋwɛ ɛzɩ somuu ŋgʋ́ kʋñɔ tɛyɛ yɔɔ yem yɔ ki-piliŋa. Pɛsɛtɩ-kɛ nɛ pɔsɔ ŋgʋ́ pɔsɔ kʋsɔʋ yɔ ki-pilinzi nzɩ́ pɛsɛtaa yɔ si-lone taa: lɛɛlɛɛyɔ, ŋtɔkɩ ɖɔɖɔ liɖe nɖɩ́ ɖɩcalɩɣ-kʋ yɔ ɖɩ-yɔɔ.

Room 8:28

Đɩsɩm ḿbʋ́ se Ɛsɔ lakɩ tʋmɩyɛ pɩtɩŋa pɩ-taa se pʋwazɩ mbá pɔsɔɔlɩ-ɩ yɔ. Ḿbá lɛ mbá ɛya-wɛ ɛzɩ ɛɖʋʋ yɔ.

Room 8:30

Mbá ɛɛɖʋ ɖooo lɔŋ se ɛlakɩ-wɛ ḿbʋ́ yɔ, ɛya-wɛ ɖɔɖɔ, nɛ mbá ɛya-wɛ yɔ, ɛpɩsɩ-wɛ kʋtʋʋzaa, nɛ mbá ɛpɩsɩ-wɛ kʋtʋʋzaa yɔ, eyele nɛ pɛwɛɛ e-Koboyaɣ taa.

Room 9:24

Toovenim lɛ, ɖa lɛ ɛyáa ḿbá. Paa ɖɩkɛ Yuda ñɩma yaa ɖɩtɛkɛ Yuda ñɩma yɔ, ɖa ɛyawa.

1 Kɔrɛntɩ 1:30

Ŋgʋ́, Ɛsɔ kpɛndɩ mɩ nɛ Krɩstʋ Yesu. Ɛsɔ ɛnʋ eyebina se ɛkɛ ɖɔ-lɔŋsɩnɖɛ. Ɛ-yɔɔ Ɛsɔ tɩŋnaa nɛ ɛpɩsɩ-ɖʋ kʋtʋʋzaa nɛ ɖɩpɩsɩ ɛ-ñɩma nɛ ɛya ɖa-ñʋʋ.

1 Kɔrɛntɩ 10:13

Pɩtakɩɣ-mɩ takʋʋ mbʋ́ yɔ, pɩfɛyɩ ndɩ nɛ ɛyáa lɛlaa takʋʋ. Ɛsɔ tʋʋzaa. Ɛlakɩ mbʋ́ ɛɖʋwa yɔ. Eeyeki se pɩtakɩ-mɩ nɛ pɩɖɛɛ mi-ɖoŋ yɔɔ. Ɛlɛ́, alɩwaatʋ ndʋ́ pɩtakɩɣ-mɩ yɔ, ɛwɩlɩɣ-mɩ nʋmɔʋ ŋgʋ́ pʋwɛɛ se ɩtɩŋ nɛ ɩlɩɩ pɩ-taa yɔ.

1 Kɔrɛntɩ 10:16

Kpɛndʋʋ caɖaɣ ŋgá ɖɩsɛɣ kɔ-yɔɔ Ɛsɔ yɔ, kaakpɛndɩɣ ɖa nɛ Krɩstʋ calɩm alɩwaatʋ ndʋ́ ɖɩñɔʋ-kɛ yɔ yaa we? Nɛ tindine nɖɩ́ ɖɩcɩyɩɣ yɔ, ɖɩɩkpɛndɩɣ ɖa nɛ Krɩstʋ tomnaɣ alɩwaatʋ ndʋ́ ɖɩtɔkɩ-ɖɩ yɔ yaa we?

2 Kɔrɛntɩ 1:18

Ɛzɩma mbʋ́ pɩkɛ toovenim se Ɛsɔ ɛɛlɛɣzɩɣ ɛ-tɔm kaʋ yɔ, ḿbʋ́ ɖɔɖɔ maayɔɔdʋʋnɩ-mɩ nɔsɩ naalɛ.

Galaatɩ 1:15

Ɛlɛ́, Ɛsɔ ya-m. Pʋcɔ palʋlɩ-m lɛ, ɛɛtɛm-m lɩzʋʋ nɛ ɛlabɩ-m lootiye nɛ ɛya-m se mala ɛ-tʋmɩyɛ. Alɩwaatʋ ndʋ́ pɩmaɣ-ɩ

Galaatɩ 2:20

Paa ḿbʋ́ yɔ, mɛwɛ wezuu. Pɩtɛkɛ mɔn-cɔlɔ pɩlɩnaa, ɛlɛ́, Krɩstʋ wezuu wɛnɩ man-taa. Alɩwaatʋ ndʋ́ mɛwɛ wezuu kedeŋa yɔɔ cɩnɛ yɔ, Ɛsɔ Pɩyalʋ weyi ɛsɔɔlɩ-m nɛ ɛsɩ mɔ-yɔɔ yɔ, ɛ-yɔɔ mɛwɛnɩ lidaʋ.

Efɛɛzɩ 3:6

Ńdʋ́ lɛ se: mbá pɛtɛkɛ Yuda ñɩma yɔ nɛ Yuda ñɩma, pɛkɛ tomnaɣ kʋɖʋmaɣ pilinzi. Ñɩm kʋɖʋmʋm Ɛsɔ ñɔɔzaa nɛ ɛsɩɩ-wɛ. Ñɩm kʋɖʋmʋm ɖɔɖɔ ɛɖʋwa se ɛhaɣ-wɛ pa nɛ Krɩstʋ Yesu pɛ-kpɛndʋʋ taa. Laŋhɛzɩyɛ Tɔm yɔɔ ɛtɩŋnaa nɛ ɛla ḿbʋ́.

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

1 Tesalooniki 2:12

Điiyeba pɩlabɩ-mɩ hʋnʋm nɛ ɖɩhɛzɩ mɩ-laŋa nɛ ɖɩka mɩ-ñʋŋ taa se ɩɖɔ ɛzɩ pʋmʋnaʋ Ɛsɔ ɛsɩndaa yɔ. Ɛnʋ yaɣnɩ-mɩ se ɩkɛ e-Kewiyaɣ nɛ e-koboyaɣ pa-taa ñɩma.

2 Tesalooniki 2:14

Pʋ-yɔɔ ɖɔɖɔ ɛtɩŋnɩ Laŋhɛzɩyɛ Tɔm ndʋ́ ɖiheyi-mɩ yɔ, tɩ-yɔɔ nɛ ɛ́yáa-mɩ se ihiɣ ɖa-Kɩpaɣlʋ Yesu Krɩstʋ koboyaɣ.

2 Tesalooniki 3:3

Ɛlɛ́, Kɩpaɣlʋ ñalakɩ mbʋ́ ɛɖʋwa yɔ. Eyeki nɛ ɩkpa ɖoŋ nɛ ehuuzi mɩ-yɔɔ se Satanɩ ɛtaapɩzɩ ɛlabɩ-mɩ pʋyʋ.

2 Timootee 1:9

Ɛnʋ yabɩnɩ ɖa-ñʋʋ nɛ ɛ́yáa-ɖʋ se ɖɩkɛ ɛ-ñɩma. Pɩtɛkɛ tʋma wena ɖɩlaba yɔ a-yɔɔ ɛlabɩ-ɖʋ ḿbʋ́. Ɛlɛ́, pʋcɔ ɛla kedeŋa lɛ, ɛɛɖʋwa se ɛtɩŋɩɣnɩ Krɩstʋ Yesu yɔɔ nɛ ɛlabɩ-ɖʋ lootiye.

2 Timootee 2:13

Yee ɖa ɖaalakɩ mbʋ́ ɖɩɖʋwa yɔ yɔ, ɛnʋ ñalakɩ mbʋ́ ɛɖʋwa yɔ, ɛɛpɩzɩɣ ekizini ɛ-maɣmaɣ ɛ-tɩ.»

Tiiti 1:2

Ḿbʋ́ paɖaŋaa se pehiɣ wezuu maatɛŋ. Ɛsɔ weyi ɛɛcɛtɩɣ yɔ, pʋcɔ ɛla kedeŋa lɛ, ɛɛɖʋwa se ɛhaɣ-ɖʋ-kʋ.

Ebree 10:23

Đɩɖɔkɩ ɖaŋʋʋ tɔm ndʋ́ ɖisusuu yɔ nesi naalɛ kpam. Ɛsɔ ɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ ɖɔɖɔ.

Ebree 11:11

Saara kɛwɛnɩ lidaʋ ɖɔɖɔ Ɛsɔ yɔɔ, pʋ-yɔɔ Ɛsɔ ha-ɩ ɖoŋ se ɛpɩzɩ ɛlʋlɩ pɩɣa alɩwaatʋ ndʋ́ ɛkpadɩyɩ kuŋgu yɔ. Ɛlɛ́, ɛɛwɛnɩ lidaʋ Ɛsɔ yɔɔ se ɛlakɩ mbʋ́ ɛɖʋwa se ɛlakɩ-ɩ yɔ.

Ebree 2:17

Pʋ-yɔɔ pɩɩkɛnɩ-ɩ kɩcɛyʋʋ se ɛpɩsɩ ɛ-tɩ kpem ɛzɩ ɛ-ñɩma yɔ pɩtɩŋa pɩ-taa. Ɛlabɩ ḿbʋ́ se ɛpɩsɩ cɔjɔ sɔsɔ weyi ɛnaɣ pa-pʋtɔdɩyɛ nɛ ɛlakɩ Ɛsɔ tʋmɩyɛ camɩyɛ se ɛ́lɛ́ ekpeɣ ɛyáa pa-kɩwɛɛkɩm yɔ.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

Ebree 6:18

Paapɩzɩɣ pɛlɛɣzɩ lakasɩ ńzɩ́ sɩ-naalɛ kaʋ. Ɛsɔ ɛɛpɩzɩɣ ɛcɛtɩnɩ sɩ-taa. Pʋ-yɔɔ lɛ, mbá ɖa ɖihiɣ ɖɩcɔzɩyɛ Ɛsɔ cɔlɔ yɔ, pɩlakɩ-ɖʋ hʋnʋm siŋŋ se ɖɩtaa liu mbʋ́ ɛɖʋwa se ɛhaɣ-ɖʋ yɔ.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

1 Yohanɛɛsɩ 1:3

Điheyiɣ-mɩ mbʋ́ ɖɩnanɩ ɖɛ-ɛsɛ nɛ ɖɩnɩɩnɩ ɖa-nɩŋgbaaŋ yɔ se ɩkpɛndɩ ɖɔ-yɔɔ ɖa nɛ Caa nɛ ɛ-Pɩyalʋ Yesu Krɩstʋ ɖɛ-kpɛndʋʋ taa.

1 Yohanɛɛsɩ 1:7

Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.

1 Yohanɛɛsɩ 4:13

Ɛsɔ ha-ɖʋ e-Fezuu Kiɖeɖeu. Ḿbʋ́ wɩlɩɣnɩ-ɖʋ se ɖa nɛ ɩ ɖɩwɛ ɖama taa.

Wɩlʋʋ 19:11

Pʋwayɩ lɛ, mana ɛsɔdaa tʋlaa nɛ kpaŋnɔ kʋhʋlʋm nɔɔyʋ lɩɩ. Weyi ɛcaɣ-ɩ yɔ, payaɣ-ɩ se Weyi Ɛlakɩ Mbʋ́ Ɛɖʋwa yɔ nɛ Toovenim Tʋ. Ɛhʋʋ tɔm nɛ ɛlakɩ you nɛ toovenim.