1 Kɔrɛntɩ 1:8 - New Testament

⁸ Ɛsɔ ɛnʋ ɛhaɣnɩ-mɩ ɖoŋ nɛ ɩɖɔkɩ mɩ-tɩ ḿbʋ́ ɛ-nʋmɔʋ taa nɛ pʋkɔɔ pɩsɩɩnɩ kɛtɛzaɣ wiye se pataana kɩdɛkɛdɩm nabʋyʋ mɩ-yɔɔ puwiye nɖɩ́ ɖa-Kɩpaɣlʋ Yesu Krɩstʋ kɔŋ yɔ.

1 Kɔrɛntɩ 1:8 ပူးပေါင်းရင်းမြစ်များ

Luka 17:24

Kɩyakʋ ŋgʋ́ Ɛyʋ Pɩyalʋ lɩzɩɣ ɛ-tɩ nɛ ɛwɩlɩ yɔ, pʋwɛɣ ɛzɩ tɛʋ ñɩlɩsʋʋ ɛsɔdaa nɛ pɩnaɣ paa le yɔ.

Luka 17:30

Kɩyakʋ ŋgʋ́ Ɛyʋ Pɩyalʋ lɩzɩɣ ɛ-tɩ nɛ ɛwɩlɩ yɔ, ḿbʋ́ ɖɔɖɔ pɩkaɣ labʋ.

Room 14:4

Ña anɩ nɛ ŋkpɛzɩɣnɩ lɛlʋ tʋmlaɖʋ? Yee ɛlakɩ ɖeu ɛ-tʋmɩyɛ taa yaa ɛɛlakɩ lɛ, pɩna-ŋ nɛ we? Ɛ-caa cɔlɔ lɛ. Ɛkɔŋ labʋ ɖeu, mbʋ́ pʋyɔɔ yɔ, Kɩpaɣlʋ wɛnɩ ɖoŋ se ɛsɩnɩ-ɩ nɛ ɛla mbʋ́ pʋwɛ ɖeu yɔ.

Room 16:25

Đɩsa Ɛsɔ, mbʋ́ pʋyɔɔ yɔ, ɛpɩzɩɣ ɛha-mɩ ɖoŋ nɛ ɩɖɔkɩ mɩ-tɩ ɛ-nʋmɔʋ taa. Pʋwɛ ɛzɩ paɖʋʋ Laŋhɛzɩyɛ Tɔm ndʋ́ monsusuu nɛ mɛnkɛdɩɣ ɛyáa Yesu Krɩstʋ tɔm yɔ tɩ-taa yɔ. Tɩ-taa ɛwɩlɩ-ɖʋ mbʋ́ pɩɩwɛ mɛsaɣ tɛɛ nɛ ɛtaawɩlɩ-pʋ ɛyáa ɖooo ɛzɩ ɛlabʋ kedeŋa yɔ.

Room 8:19

Mbʋ́ pɩtɩŋa payɩ Ɛsɔ labɩ kedeŋa yɔɔ yɔ, pɩɖaŋ alɩwaatʋ ndʋ́ Ɛsɔ lɩzɩɣ e-piya nɛ pana-sɩ yɔ kpam.

1 Kɔrɛntɩ 3:13

pɔkɔŋ ɛ-tʋmɩyɛ naʋ. Mbʋ́ pʋyɔɔ yɔ, tɔm hʋʋ kɩyakʋ wiye lɛ, Ɛsɔ ɖʋʋ paa weyi ɛ-tʋmɩyɛ miŋ taa. Miŋ ɛnʋ ɛwɩlɩɣna se ɖɩwɛ ɖeu naa ɖɩfɛyɩ ɖeu nɛ pasɩm-ɖɩ.

1 Kɔrɛntɩ 5:5

Peeɖe ɖɩɖʋzʋʋ pʋdʋ Satanɩ nesi taa nɛ ɛ́lɛ́ nuuti e-tomnaɣ nɛ Ɛsɔ ya ɛ-kalɩzaɣ ñʋʋ kɩyakʋ ŋgʋ́ Kɩpaɣlʋ hʋʋnɩ ɛyáa tɔm yɔ.

2 Kɔrɛntɩ 1:13

Maamaɣ-mɩ natʋyʋ yem nɛ pɩtasɩnɩ ndʋ́ ɩkalɩɣ nɛ ɩnɩɣ yɔ. Mantaɣ liu se ɩkɔŋ tɩtɩŋa tɩ-taa nɩʋ camɩyɛ. Halɩ ɩtɛm pazʋʋ tɩ-taa nɩʋ se puwiye nɖɩ́ ɖa-Kɩpaɣlʋ Yesu pɩsɩɣ yɔ, ɩkʋndʋʋnɩ-ɖʋ ɛzɩ ɖɩkʋndʋʋnɩ-mɩ ɖɔɖɔ yɔ.

2 Kɔrɛntɩ 1:21

Ɛsɔ ɛnʋ ɛ-maɣmaɣ eyekini se ɖa nɛ mɩ ɖɩkpa ɖoŋ ɖa nɛ Krɩstʋ ɖɛ-kpɛndʋʋ taa. Ɛ-maɣmaɣ ɛlɩzɩnɩ-ɖʋ ɛsɩɩ hɔɔlʋʋ.

Efɛɛzɩ 5:27

Ɛlabɩ ḿbʋ́ ɖɔɖɔ se Krɩstʋ ŋgbɛyɛ ɛwɛɛ koboyaɣ taa nɛ ewoni-ɖɩ ɛ-ɛsɩndaa, azuluma yaa mɩndʋ yaa mbʋ́ pɩnɩɣzɩnɩ ḿbʋ́ yɔ, pataawɛɛ ɖɩ-yɔɔ, ɛlɛ́, ɖɩwɛɛ cɩɖɩcɩɖɩ, ɛzaɣ́tʋ natʋyʋ ɛtaawɛɛ ɖɩ-yɔɔ.

Filiipu 1:10

nɛ ɩpɩzɩ ɩlɩzɩ mbʋ́ pɩkɩlɩ ɖeu yɔ. Ḿbʋ́ yekina nɛ ɩwɛɛ cɩɖɩcɩɖɩ nɛ paanaɣ kawanaɣ nakɛyɛ mɩ-yɔɔ puwiye nɖɩ́ Krɩstʋ lɩzɩɣ ɛ-tɩ nɛ ɛwɩlɩ yɔ

Filiipu 1:6

Manawa se paa pɩɩla ɛzɩma yɔ, Ɛsɔ weyi ɛpazɩ tʋmɩyɛ kɩbanɖɛ mɩ-taa yɔ, ɛlakɩ-ɖɩ ḿbʋ́ nɛ ɛkɔɔ ɛtɛm-ɖɩ kɩyakʋ ŋgʋ́ Krɩstʋ Yesu kɔŋ yɔ.

Koloosi 1:22

Ɛlɛ́, lɛɛlɛɛyɔ Ɛsɔ tɩŋnɩ ɛ-Pɩyalʋ sɩm yɔɔ nɛ mɩ nɛ ɩ iceɣ se ɛpɩzɩ ewoni-mɩ ɛ-ɛsɩndaa nɛ ɩkɛ ɛ-ñɩma nɛ ɩwɛɛ cɩɖɩcɩɖɩ nɛ pataana kawanaɣ nakɛyɛ mɩ-yɔɔ.

Koloosi 2:7

Ɩka lila ɛ-yɔɔ nɛ ɩpaɣlɩ nɛ ɩtɛzɩ pɩʋ mi-lidaʋ wɛnaʋ taa ɛzɩ pawɩlʋʋ-mɩ yɔ. Đɔɖɔ lɛ, ɩsam-ɩ siŋŋ.

1 Tesalooniki 3:13

Ḿbʋ́ eyeki nɛ ɩtɛzɩ pɩʋ nɛ ɩwɛɛ cɩɖɩcɩɖɩ nɛ paanaɣ kawanaɣ nakɛyɛ mɩ-yɔɔ ɖa-Caa Ɛsɔ ɛsɩndaa puwiye nɖɩ́ ɖa-Kɩpaɣlʋ Yesu nɛ ɛ-ñɩma tɩŋa payɩ pɔkɔŋ yɔ.

1 Tesalooniki 5:2

Mbʋ́ pʋyɔɔ yɔ, mɩ-maɣmaɣ ɩsɩm ɖeu se kɩyakʋ ŋgʋ́ Kɩpaɣlʋ kɔŋ yɔ, kʋkɔŋ-mɩ tuduu ɛzɩ mɩ́lʋ́ tuduu ɛyáa ɖoó taa yɔ.

2 Tesalooniki 2:2

ɩtaayele mɩ-tɩ nɛ piliɣti mɩ-lɩmaɣza kɩbana kɛlɛʋ yaa sɔɔndʋ kpa-mɩ se Kɩpaɣlʋ kɩyakʋ talaa. Paa nɔɔyʋ eheyi-mɩ se Fezuu Kiɖeɖeu heyini-i-tʋ yaa pɩkɛ Ɛsɔ tɔm yaa ɛcɛlɩ-mɩ takayaɣ se ɖamanɩ-mɩ-kɛ yɔ, ɩtaayele mɩ-tɩ.

2 Tesalooniki 3:3

Ɛlɛ́, Kɩpaɣlʋ ñalakɩ mbʋ́ ɛɖʋwa yɔ. Eyeki nɛ ɩkpa ɖoŋ nɛ ehuuzi mɩ-yɔɔ se Satanɩ ɛtaapɩzɩ ɛlabɩ-mɩ pʋyʋ.

2 Timootee 1:12

Pʋ-yɔɔ mɔntɔkɩ kʋñɔŋ kʋnɛ yɔ. Ɛlɛ́, fɛyɛ ɛɛkpaɣ-m nɛ kʋ, mbʋ́ pʋyɔɔ yɔ, mansɩm weyi ɛ-yɔɔ mɛwɛnɩ lidaʋ yɔ nɛ mana siŋŋ se ɛpɩzɩɣ ɛcɔnɩ mbʋ́ ɛɖʋzɩ me-nesi taa yɔ pʋ-yɔɔ nɛ pʋkɔɔ pɩsɩɩnɩ kɩyakʋ ŋgʋ́ ɛɖʋwa yɔ.

2 Timootee 1:18

Pʋ-yɔɔ lɛ, Kɩpaɣlʋ eyele nɛ Ɛsɔ na ɛ-pʋtɔdɩyɛ kɩyakʋ ŋgʋ́ ɛɖʋwa yɔ. Ŋsɩm ɖɔɖɔ tʋma wena atɩŋa payɩ ɛlabɩ-m Efɛɛzɩ yɔ nɛ pɩkɩlɩ lɛlaa tɩŋa.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

2 Pɩyɛ 3:10

Kɩyakʋ ŋgʋ́ Kɩpaɣlʋ kɔŋ yɔ, pʋwɛɣ ɛzɩ mɩ́lʋ́ kɔŋʋʋ yɔ. Puwiye ńɖɩ́ lɛ, pɩyakɩ kɔkɔɖɛ sɔsɔɖɛ naɖɩyɛ siŋŋ nɛ ɛsɔdaa mʋʋ́ʋ. Miŋ ñakɩ mbʋ́ pʋwɛ ɛsɔdaa yɔ. Tɛtʋ nɛ mbʋ́ pɩtɩŋa payɩ pʋwɛ tɩ-yɔɔ yɔ, paatasɩɣ wɛʋ.

2 Pɩyɛ 3:14

Mɛ-ɛgbaɣdɩnaa, pʋ-yɔɔ lɛ, pɩ-ɖaŋʋʋ taa lɛ, pʋwɛɛ se ɩñaɣ pana nɛ ɩwɛɛ cɩɖɩcɩɖɩ Ɛsɔ ɛsɩndaa nɛ pataana kɩdɛkɛdɩm nabʋyʋ mɩ-yɔɔ. Ɩñaɣ pana ɖɔɖɔ nɛ ɩwɛɛ laŋhɛzɩyɛ taa ɛ-ɛsɩndaa.