1 Kɔrɛntɩ 1:7 - New Testament

⁷ Pʋ-yɔɔ mbá mɩ ɩɖaŋ alɩwaatʋ ndʋ́ ɖa-Kɩpaɣlʋ Yesu Krɩstʋ kaɣ ɛ-tɩ lɩzʋʋ nɛ ɛwɩlɩ ɛyáa yɔ, pɩtɛsɛɣ kʋjɔʋ nakʋyʋ se Ɛsɔ talabɩ-mɩ.

1 Kɔrɛntɩ 1:7 ပူးပေါင်းရင်းမြစ်များ

Maatiyee 25:1

Yesu tasɩ ɛ-tɔmkpɛlɩkɩyaa heyuu se: «Alɩwaatʋ ńdʋ́ lɛ, ɛzʋnɔ Ɛsɔ Kewiyaɣ kɔŋ wɛʋ: pɛlaa nabɛyɛ wɛnɩ ḿbʋ́, pɛwɛ hiu. Halɩkpaɣyɛ naɖɩyɛ wiye lɛ, pakpaɣ kanɖʋnaa nɛ powolo paɖaŋ halɩkpaɣyʋ.

Luka 12:36

ɛzɩ tʋmlaɖaa mbá paɖaŋ pa-caa kpam se ɛlɩɣnɩ halɩkpaɣyɛ ɖeɖe nɛ ɛkɔɔ ɛma pɔɔyʋʋ lɛ, patɩŋ patʋlɩ-ɩ yɔ.

Luka 17:30

Kɩyakʋ ŋgʋ́ Ɛyʋ Pɩyalʋ lɩzɩɣ ɛ-tɩ nɛ ɛwɩlɩ yɔ, ḿbʋ́ ɖɔɖɔ pɩkaɣ labʋ.

Room 8:19

Mbʋ́ pɩtɩŋa payɩ Ɛsɔ labɩ kedeŋa yɔɔ yɔ, pɩɖaŋ alɩwaatʋ ndʋ́ Ɛsɔ lɩzɩɣ e-piya nɛ pana-sɩ yɔ kpam.

Room 8:23

Pɩtasɩɩnɩ mbʋ́ ɛlaba yɔ pi-ɖeke. Ɛlɛ́, mbá ɖa ɛcalɩnɩ haʋ e-Fezuu Kiɖeɖeu nɛ kɩwɛɛ ɖɔ-cɔlɔ yɔ, ɖisisiɣ ɖɔɖɔ ɖa-taa nɛ ɖɩɖaŋ se Ɛsɔ ɛpɩsɩ-ɖʋ e-piya nɛ ɛya ɖa-ñʋʋ kpaagbaa kpem.

1 Kɔrɛntɩ 4:5

Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.

2 Kɔrɛntɩ 12:13

Ɛbɛ malabɩ Yesu aŋgba lɛɛna taa ñɩma nɛ pɩkɩlɩ-mɩ? Yaa mentekpizi mi-nesi taa yɔɔ? Yee ḿbʋ́, ikpeɣ-m mɛ-ɛzaɣ́tʋ ńdʋ́ tɩ-yɔɔ.

Galaatɩ 5:5

Đa lɛ, ɖɩtaɣ liu se ɛkɔŋ-ɖʋ pɩsʋʋ kʋtʋʋzaa. Ḿbʋ́ e-Fezuu Kiɖeɖeu yeba nɛ ɖɩɖaŋ nɛ ɖɩwɛnɩ lidaʋ pʋ-yɔɔ.

Filiipu 3:20

Đa lɛ, ɖɩkɛ ɛsɔdaa kewiyaɣ taa ñɩma. Peeɖe ɖɩɖaŋnɩ Kɩpaɣlʋ Yesu Krɩstʋ se ɛkɔɔ ɛya ɖa-ñʋʋ.

Koloosi 3:4

Ɛnʋ lɛ mi-wezuu. Alɩwaatʋ ndʋ́ ɛkɔŋ yɔ, mɩ nɛ ɩ ɖɔɖɔ ɩkɔŋnɩ lɩʋ koboyaɣ taa.

1 Tesalooniki 1:10

se ɩɖaŋ ɛ-Pɩyalʋ weyi ɛlɩɣnɩ ɛsɔdaa se ɛkɔɔ yɔ. Ɛnʋ lɛ Yesu weyi efezi-i nɛ sɩɖaa taa yɔ. Ɛnʋ lɩzɩɣnɩ-ɖʋ Ɛsɔ pana wena akɔŋ-ɖʋ kpanaʋ yɔ a-taa.

2 Tesalooniki 1:7

Piyele mbá mɩ ɩtɔkɩ kʋñɔŋ lɛɛlɛɛyɔ yɔ, ɖa nɛ mɩ ɖɩkɔŋ hɛzʋʋ alɩwaatʋ ndʋ́ Kɩpaɣlʋ Yesu nɛ e-tiyiyaa ɖoŋ ñɩma palɩzɩɣ pa-tɩ ɛsɔdaa nɛ pana-wɛ

2 Timootee 4:8

Lɛɛlɛɛyɔ lɛ, ɛsɩ man-kɩhɛyʋʋ nɛ ɛɖaŋnɩ-m: ŋ́gʋ́ lɛ tʋʋzʋʋ hulaɣ ŋgá Kɩpaɣlʋ kɔŋ-m cɛlʋʋ kɩyakʋ ŋgʋ́ ɛɖʋwa yɔ. Ɛtʋʋzɩ ɛ-tɔm hʋʋ taa. Pɩtɛkɛ men-ɖeke ɛkɔŋ-kʋ cɛlʋʋ, ɛlɛ́, ɛcɛlɩɣ-kʋ ɖɔɖɔ mbá patɩŋa payɩ paɖaŋnɩ sɔɔlɩm alɩwaatʋ ndʋ́ ɛkɔŋ yɔ.

Tiiti 2:13

Ḿbʋ́ pʋwɛɛ se ɖɩla nɛ ɖɩɖaŋnɩ laŋhʋlʋmɩyɛ kɩyakʋ ŋgʋ́ ɖɩɖaŋaa yɔ. Ki-wiye Krɩstʋ Yesu weyi ɛkɛ ɖɛ-Ɛsɔ sɔsɔ nɛ ɖa-ñʋʋ yaɖʋ yɔ e-koboyaɣ lɩɣ.

Ebree 9:28

Ḿbʋ́ ɖɔɖɔ Krɩstʋ ha ɛ-tɩ kpaagbaa haʋ se palaa-ɩ nɛ Ɛsɔ kpeɣ ɛyáa sakɩyɛ pa-kɩwɛɛkɩm. Pʋ-yɔɔ lɛ, ɛkɔŋʋʋ nabʋlɛ ɖeɖe yɔ, kɩwɛɛkɩm tɔm ɛɛtasɩɣ wɛʋ. Ɛlɛ́, ɛkɔŋ se ɛya mbá paɖaŋ-ɩ kpam yɔ pa-ñʋʋ.

1 Pɩyɛ 1:13

Pʋ-yɔɔ lɛ, ɩmaɣzɩ mbʋ́ ɩlakɩ yɔ pʋ-yɔɔ camɩyɛ. Ɩɖɔkɩ mɩ-tɩ nɛ ɩtaa mɩ-ñʋʋ yabʋ liu siŋŋ. Ḿbʋ́ Ɛsɔ ɖʋwa se ɛkɔŋ-mɩ haʋ alɩwaatʋ ndʋ́ Yesu Krɩstʋ lɩzɩɣ ɛ-tɩ nɛ ɛwɩlɩ yɔ.

1 Pɩyɛ 4:13

Ɛlɛ́, pʋwɛɛ se mɩ-laŋa ɛhʋlʋmɩ se mɩ nɛ Krɩstʋ ɩtɔkɩnɩ kʋñɔŋ. Mbʋ́ pʋyɔɔ yɔ, ḿbʋ́ yekina nɛ mɩ-laŋa tɛzɩ hʋlʋmʋʋ ɖɔɖɔ siŋŋ puwiye nɖɩ́ ɛlɩzɩɣ e-koboyaɣ nɛ ɛwɩlɩ ɛyáa yɔ.

1 Pɩyɛ 5:4

Yee ɩlabɩ ḿbʋ́ yɔ, Điyiyaa Ñʋʋdʋ lakɩ-mɩ koboyaɣ kʋjɔʋ ŋgʋ́ kɩwɛɣ tam yɔ, alɩwaatʋ ndʋ́ ɛlɩzɩɣ ɛ-tɩ nɛ ɛwɩlɩ-mɩ yɔ.

2 Pɩyɛ 3:12

Ɩla ḿbʋ́ nɛ ɩɖaŋnɩ kɩyakʋ ŋgʋ́ Ɛsɔ kɔŋ yɔ. Ɩñɔɔzɩ mɩ-tɩ nɛ kɩyakʋ ŋ́gʋ́ kɩtalɩ lɔŋ. Puwiye ńɖɩ́ ɛsɔdaa mʋ́ʋ miŋ nɛ mbʋ́ pʋwɛ peeɖe yɔ puyoli pɩtɩŋa. Pɩɩsɛkɩɣ pʋyʋ.

1 Yohanɛɛsɩ 3:2

Mɛ-ɛgbaɣdɩnaa! Lɛɛlɛɛyɔ ɖɩkɛ Ɛsɔ piya. Nɔɔyʋ tanadɩ mbʋ́ ɖɩkɔŋ kɛʋ yɔ. Ɛlɛ́, ɖɩsɩm se alɩwaatʋ ndʋ́ Yesu Krɩstʋ pɩsɩɣ ɛkɔɔ nɛ pana-ɩ yɔ, ɖɩwɛɣ ɛzɩ ɛwɛʋ yɔ, mbʋ́ pʋyɔɔ yɔ, ɖɩnaɣ-ɩ ɛzɩ ɛwɛʋ yɔ.

Yuudi 1:21

Mɩ-ɛsɛ ɛsɛɛnɩ Ɛsɔ sɔɔlʋʋ nɛ ɩwɛɛ ɖaŋʋʋ yɔɔ se ɖa-Kɩpaɣlʋ Yesu Krɩstʋ naɣ mɩ-pʋtɔdɩyɛ nɛ ɛha-mɩ wezuu maatɛŋ.